Halloo 19:16 - Kafa Linguistics Project

¹⁶ Tunebaani Looxi nibbehe. Doono Yeeriyoo Looxich bi ariqqetoyich, hini are maraakeenaꞌo bi kishoon, bi mechee kishoonaa bi gutte bushiisheenaꞌo kishoonon yechiꞌi, katemoyee maach kichiyeete.

Halloo 19:16 ပူးပေါင်းရင်းမြစ်များ

Halloo 19:15

Showoo hariya gaargaariye. Maraakeenaꞌo Looxich “Kaate tibe! Ne mecheenaa hiniich beeti, ne gutte maache bushiishoonon yeshiree keye. Katemeexi asheenaꞌo toommooch shaggemmi naxoona hidaa ittoshi aalleyaachemmoyich keyote” iibee afaafinikkiyeete.

Halloo 43:10

Ebi shaahoon no yagaan gaata, ebi gaata, guttaa wottesho noone” iye.

1 Kiinoo 16:34

Deꞌo bi tunetoyich Doono Yeerin galletebote; bulli yemeenooch shoodechone.

Shoddo 103:13

Nihoo bi bushiishoyich bi ariqqoommon, Doono Yeeri biin shattii beetinaꞌoyich ariqqehe.

Shoddo 106:1

Haleluya! Deꞌo bi tunetoyich, Doono Yeerin galletebote; bulli yemeenooch shoodechone.

Shoddo 106:8

Tunebaani Doono Yeeri ooge bi hakkoon arichiyoyich, bi shigoyicha ii boonoshin wodiihe.

Shoddo 107:1

Doono Yeeri biishetinaꞌote, etto kishoochee bi wodiitinaꞌote, aabi-keyo waaninaa aabi-gimo waaninoochee, dambi-waaninaa deshi-waaninoochee, bare showoocheenoo deebii bi kicitinaꞌote, deꞌo bi tunetoyich, bi shoodo bulli yemeeneecho bi tunetoyich, Doono Yeerin galletebote.

Shoddo 111:4

Worganikkiti bi shuunoo shalligeeree bi beeyemmoyich tuniihe; Doono Yeeri shoodechonaa ariqqechonane.

Shoddo 118:1

Deꞌo bi tunetoyich, Doono Yeerin galletebote; bulli yemeenee shoodechone.

Shoddo 119:60

Kaataꞌa ne geteenaꞌon ceechihoani, nibbeyaano taane.

Shoddo 136:1

Deꞌo bi tunetoyich, Doono Yeerin galletebote; bulli yemeenoon shoodechone.

Shoddo 32:10

Axaaxechinaꞌochi xuuxo woddoone; tunebaani Doono Yeerin gibenee beeton bi shoodo qeremmone.

Shoddo 33:18

Ebiyoche Doono Yeeri aafo biin shattii beetinaꞌon, bi shoodoon gibenee beetinaꞌon, ciinniye.

Shoddo 33:19

Biyoo boonoshi kashoon qitoochee wodiihe; shaacee yemeenooboo kashoona boonoshi beeyemmoyich tuniihe.

Shoddo 34:12

Kashee genjoon qaatiibeeto, meeti yemeenoon beeꞌi gaawe mooyon beegon, qaawiibeeto, konine?

Shoddo 86:15

Ta Doonocho, ne, maarechi, ariqqechi Nuggishoo neene; kaaroyich nibbecho neene; ne shoodoonaa gibeneyoona woddoone.

Shoddo 86:5

Ta Doonocho, ne, deꞌoonaa maarechona neene; neen ceeggiibeeto bullich, wodde shoodecho neene.

Keyo 34:6

Doono Yeeriyoo ishichii bi shigoon awaajjiibee, Muusi aafoona beshehe: “Ta, Doono Yeeri, Doono Yeeri taane; tawoo ariqqechonaa deꞌoona, kaataa kaareyaano, ta shoodoonaa ta gibeneyoona woddeti Nuggishoo taane.

Keyo 34:7

Ta shoodoon hume shiijjerooch beddaahaa quyaabeeto, xuꞌoon, hukkoonaa axaaxoonon maariibeeto taane. Tunebaani gonde shuunechon naxeyaanoon cikki qayaachemmo taane. Niheenaꞌo axaaxoyich bushiisheenaꞌon, boonoshi bushaa bushiisheenaꞌon keejjinnee shiijjeroonaa awuddinnee shiijjeroonooch beddaahaa naxemmo taane” iye.

Isiyaasi 63:9

Boonoshi xuuxoona xuuxehe; bi aafeexi maraakoo boonoshin wodiihe; bi shunoona, bi ariqqoonoo boonoshin biishehe; wonnee yemeeno bullin boonoshin tiijjii shaaggiye.

Shoosho 3:22

Ebiyoo bi ariqqo ciireyaano bi tunetoyich, aalleyaanoon ebiich no beddeto Doono Yeerichi shoodoona bi tunooniye.

Luqaasi 18:13

“Wotta hini are gabiyee guudo yaafee kexooch neexee beetinaꞌoyee wohooch neexeechii bi aafoon kaama tiijjiꞌi shimaajj ciinonolla shunaanoone; tunebaani bi getoon qicciibee, ‘Yeero, axaaxechi taan maaribe’ iibee Yeerin qollehe.

Yowannisi 6:44

Taan wocheti Nihoo Yeeri yeepphitoyee beshetaa, ta waan womon hakkemmo koniyoona aalloone; tawoo ciireexi aabooba qitoochee biin tiijjemmo taane.

Roomi 9:18

Illa Yeeri ikke uroon maariya bi qaawigaata, maariye; ikke uroonoo mulli manjoo tuniiya bi qaawigaata, mulli manjoo tuniihe.

2 Qorontoosi 1:3

Ariqqechi Nihoo, bulli aaboon goggiibeeti Nuggishoo, no Doono Yesuus Kiristoosichi Nuggishoonaa Nihoona tuneti Yeeri galleteebe.

Yibbaatoo 4:31

Ittoshi Nuggishoo Doono Yeeri ariqqechi Nuggishoone. Biyoo ittoshin dufaachemmone; aalliishoo getaachemmone; ittoshi qaabbechinaꞌona tookkii bi giyiti wogoon batteyaachemmone.

Yibbaatoo 5:15

Gibits beechaa newoo guuno ne tunoon, ebi aroochee ne Nuggishoo Doono Yeeri ta, kupphe ta kishoonaa giidechi ta mochoonon bekkiyaꞌa neen kichaa ta deebon shalligibe. Ne Nuggishoo ta, shambetoon ne quyemmoyich ta gettaabeeto, ebichiye.

Yibbaatoo 6:21

boonoshich ishichibe: ‘No, Gibits beechaa, Faroonichi guunon tunaꞌa beehone. Doono Yeeri kupphe bi kishoona aroochee noon kichii deebiye.

Yibbaatoo 7:8

Tunebaani Doono Yeeri ittoshin bi shunnitoyich, wotta ittoshi qaabbechinaꞌoyich bi giyiti wogoon quyee bi beetoyich, Gibitsee showeexi guuchittinoochee, Gibitsee taatoo kishoocheenoo kupphe bi kishoona ittoshin biisheꞌi kichiye.

Titoosi 3:5

noon bi wodiito bi maaree beshoonalli, no shuuneti cadiqee shuunoona toonoone; noon bi wodiito guttinnee shiijjoon no daneti machoonaa Yaafe Ayaanee andiriyoonane.

Yaasi 6:22

Yaasi showoon qiidditi gutte asheenaꞌon “Yahechi Rahaabi kexooch gibote; biich ittoshi wogetoommon, biinnaa biicho tuneto bullinon aroochee kichibote” iye.

2 Pheexiroosi 2:7

cadiqo tuneti Looxiyoo boonoshi daggooch beebee boonoshi hukkee shuunoon beegonaa waayoona qemi qemona oogeton xuuxeebee ebi are hukkechinaꞌochi yeelliibeeti qocoona oogeton iriteeti are cadiqe uro Looxin bi wodiitoyee;

2 Pheexiroosi 2:9

Doono Yeeri biin oogii beetinaꞌon boonoshi toommooch shaggiti iritoochee aabichiree bi wodiyemmo gaata, axaaxechinaꞌon, beshoon wotta eeꞌiibeeti meechi qaatoon ceechii beetinaꞌonaa boonoshiyee damba beeton qallayii beetinaꞌonon naxeree nallee aabooch beddaahaa aabichi bi quyemmo gaata arii beetone. Hini are koote dojjechinaꞌo aaf kuppheenaꞌonaa geecechinaꞌona tuneꞌi damba shimaayooch beeti oogee yiirechinaꞌon boonoshi naaggii beegaata, yeelleyaacheete.