Halloo 18:7 - Kafa Linguistics Project

⁷ Aroochee Abrahami bi miimo beetooch wocona hammii, bariyee gubbenoon deebii bi gaddiretoyich immiye; biyoo bekkech kaatee bashiꞌi, kachii qanniihe.

Halloo 18:7 ပူးပေါင်းရင်းမြစ်များ

Halloo 18:6

Ebich Abrahami afaafinoona Saari beeti duukkaanooch giyiye. Saarichoo “Eke kaateree gaawe qacini buddinoochee keejje qeelloon kichi xiriꞌiree koshon kachiibe” iye.

Halloo 18:8

Abrahamiyoo gurimoonaa xalle ejjoonon, ebi qanniti meenonoo deebii iibbeenaꞌoyich giddiihe. Boonoshi maa beetaa, Abrahami are michi yiirooch boonoshi aafooch neexee beehe.

Halloo 19:3

Tunebaani Looxi qollee bi iritiitoyich, bi kexooch qeya biinna tookkii hammii giyiyeete. Qare kosho kachemmonaa shaawi maayo qannemmonoyich gettiye; madoo giddehe; boonoshiyoo maaheete.

Amootsi 6:4

Dangeyi gashoona gaawicheeti qeenooch qeyiibeeti, mashaamiti qeenooch teeqqeechi, bagee baaddoonaa bariyoonochi meenon maabeeti,

Milikiyaasi 1:14

Beshe Mawe Doono Yeeri ishichiye: “Ta, ooge Taatoo taane; ta shigoo aageteenaꞌo daggooch shatteetone. Taach giddiiya bi mookketi bagee baaddoo bi gijjee daggooch beetaa, dawushoona shappe quumechon taach deejjoon giddiimmo uppeton tunebe” iye.

Maatiyoosi 22:4

“Taatoo bare wocheyechinaꞌon wochinnoon wochehe; ishichiinoo iye: ‘Ceekkeeti gaarechinaꞌo waan hamiree, “Ebiyoche, gaaree maayoon qanniito taane; maaꞌeenaꞌonaa gubbeneenaꞌona basheetinaꞌone; mooyo bulli gawaateetone; ebich gaarooch wobote” getote’ iye.

Luqaasi 15:23

Awujjiti gubbenoonoo deebiree bashibote; mamone; nooch emiroo tunebe.

Luqaasi 15:27

Biyoo wochiꞌi, ‘Wonna hammiti ne manoo wottee bi waatoyichiye. Ne aabbiyoo diggoona bi waataa bi beeggitoyich, emiriꞌi awujjiti gubbenoon bashiitone’ iye.

Luqaasi 15:30

Tunetaa hini ne bushoo ne gijjoon daammii maachee toommoochaa aalliiꞌi wottee bi waammona, awujjiti gubbenoon biich bashihine’ iye.

1 Saameeli 28:24

Ureyichoo awujjiti gubbenoo beetone. Ebi gubbenoo afaafinoona bi basheyemmoyich tuniihan. Buddinoon daammaꞌa xiriqqahan. Bukee shittoon gedaanoon koshon kachiihan.