Halloo 18:25 - Kafa Linguistics Project

²⁵ Ebiyoommi gaboo ne waanee wohe! Cadiqe ashoon axaaxechona tookkii wuxoo, cadiqe ashoonaa axaaxechonochi toommooch ikkochii nalloo, ebiyoommi shuunoo ne waanee wohe! Showee toommooch beetinaꞌo bullichi Nallechi ne, dayinnetaalloon nallenne?” iye.

Halloo 18:25 ပူးပေါင်းရင်းမြစ်များ

Halloo 18:24

Aache cadiqe asheenaꞌo ebi katemee daggooch danegaatoche? Ebi katemooch beeti aache cadiqe asheenaꞌoyicha getiree are katemoon maaraanoon iberoon bullin hidi aalliyenne?

1 Kiinoo 16:33

Doono Yeeri, showee toommooch nalliya woyemmo bi tunetoyich, kubbi daggooch beeti mixinaꞌo emiroona, bi aafooch shoddemminaꞌone.

2 Kiinoo 19:7

Andoo Doono Yeerin shatote; no Nuggishoo Doono Yeer waan dayinnetoon dabiyoo, ashi aafoon ciinniꞌi heppoonaa xuccoon mamona aallo bi tunetoyich, bulli mooyon ittoshi qelloon ariyoona tuniibote” iye.

Nehimi 9:33

Gibeneeto tunaꞌa ibere mooyon tuniito neene; tunebaani no, axaaxoon shuuneto noone; ebich no toommooch shaggiti iritoo bullich, ne cadiqo neene.

Iyoobi 34:10

“Ebich, ‘Shalligecho noone’ ii beetinaꞌote, ta waanee waayebote. Gonde mooyon shuuno Yeer waanee, murice mooyon tuniyoo Beshe Hakkechi Yeer waanee, wohe!

Iyoobi 34:12

Iberoochaa Yeeri gonde mooyon shuuneyaache; Beshe Hakkechi Yeeri dayinnetoon dabiiyaache.

Iyoobi 8:20

“Yeeri kaame asheenaꞌon dufaache; tunebaani gondeenaꞌon gaacheyaache.

Iyoobi 8:3

Yeeri dayinnetoon dabii beetone? Beshe Hakkechi Yeeri kaame mooyon xummii beetone?

Shoddo 50:6

Yeeri bi qelloona nallecho bi tunetoyich, shimaayeenaꞌo bi cadiqoon awaajjiyeete.

Shoddo 58:11

Ebiyooba asheenaꞌo “Iberoochaa cadiqe ashich bi shuunee gatiyoo beetone; showee toommooch nallechi Nuggishoo beetone” gettemminaꞌone.

Shoddo 7:12

Asho gondoochee wottoon bi qayigaata, Yeeri bi goraadoon gayiremmone; bi maꞌoon yeephiree qanniyemmone.

Shoddo 75:3

Showoonaa areexi asho bullina qewegaata, bi tuugeenaꞌo manjemmoyich tuniyaabeeto taane.

Shoddo 94:2

Showee toommooch Nallechocho, tibe; geecechinaꞌon naxebe.

Shoddo 98:9

Showee toommooch nalliya woyemmo bi tunetoyich, Doono Yeeri aafooch shoddebote; biyoo hini alemooch cadiqittinoona, macceenaꞌo toommoochoo iberittinoona, nallemmone.

Dojjecho 3:17

Tawoo ta mulloona “Mooyo bullinaa shuunoo bullinoyich taajjeeti aabo bi beetoyich, Yeeri cadiqo toommooch tuneba axaaxecho toommooch nallemmone” iyaꞌa gabiyo.

Dojjecho 7:15

Hini duube ta kashee yemeenooch bulli mooyon beeggeto taane; cadiqe asho cadiqo bi tunetaanoona kaatee bi qitoon, gonde asho gondo bi tunetaanoona meeti yemeenoon bi beemon beeggeto taane.

Erimiyaasi 11:20

Mulloonaa eengoonon haattiibeeti, kaachiinoo nalliibeeti Beshe Mawe Doono Yeero, ta mooyon neech arichiiho; boonoshi toommooch ne gaaccemmi nichoon beegone.

Erimiyaasi 12:1

Doono Yeero, neenna ta taggeti aabo bullin, ne cadiqo neene; tunebaani ne dayinnetee mooyon eke echebona; axaaxechinaꞌochi gommo kaameebeeto amoyichiye? Dawushechinaꞌo bullich beemo gaaweebeeto amoyichiye?

Hiziqeeli 18:25

“Tunebaani ittoshi ‘Yeerichi gommo kaamoo toonoone’ iyote. Israꞌeelee macceenaꞌote, waayebote: Iberoochaa ta gommo kaamoo toone? Kaameyaano ittoshi gommo toone?

Milikiyaasi 3:18

Ebiyooba cadiqoonaa axaaxechonochi, Doono Yeeri taach maddeebeetonaa maddaanoonochi daggooch beeti barbarittinoon beeggemmo ittoshine” iye.

Haddoo 16:22

Muusinaa Haroonina baroona showooch guufeechii, “Nuggishoo Yeero, asho kasho bulli Nuggishoocho, ikke uro shuuneti axaaxoona iiteenaꞌo bullin kaarenne?” iyeete.

2 Qorontoosi 5:10

Asho bi ikkikkoona meenona beebee, gonde mooyon tuneba deꞌe mooyon bi tuniiti shuunoommona qocheeya, no bulli Kiristoosichi nallee gabberee aafooch neexo echeyaani mooyone.

Yibbaatoo 1:16

Tawoo arooba nallechinaꞌoyich ‘Ittoshi maneenaꞌo daggooch beeti taggoon kaachi nallibote. Ebi taggoo Israꞌeeleenaꞌo tuneti gutte asheenaꞌo daggooch tuneba Israꞌeeloonaa shiqqoonochi daggooch, tatoona nallibote.

Yibbaatoo 1:17

Dabiiree nalliyaahote. Gaannechonaa girechonon tachi ciinote. Dayinneto Yeericho bi tunetoyich, ashi aafoon ciini shattaahote. Ittoshich maggemmi mooyon taach ittoshi deebaa, ta aroon nallemmo taane’ iyaꞌa gettoye.

Yibbaatoo 32:4

Biyoo Xaqqee Inderoone; bi shuunoo muricaalloone; bi gommo bulliyoo kaamoone. Muricaalli gibeneeti Nuggishoo, kaamoonaa cadiqoonane.

Hibireena'o 12:23

boonoshi shigo shimaayooch kobereeꞌi bi waan emiroona kiceeti, Yeeri kaacciti bi bushiisheenaꞌo waan shaggito ittoshine. Wotta asho bullich bi shuuni shuunoommona nallemmi Nallecho tuneti Yeer waan, Yeeri boonoshin shappaalleenaꞌo tuniiti cadiqeenaꞌo waan,

Woraaferasheenaꞌo 11:27

Ta neen xuꞌaano taane; tunebaani ne taanna tookkaa koyoona taan xuqqeto neene. Ebich nallechi Doono Yeeri hanaach Israꞌeeleenaꞌonaa Amooneenaꞌonochi daggooch nallibe” iye.