Halloo 18:24 - Kafa Linguistics Project

²⁴ Aache cadiqe asheenaꞌo ebi katemee daggooch danegaatoche? Ebi katemooch beeti aache cadiqe asheenaꞌoyicha getiree are katemoon maaraanoon iberoon bullin hidi aalliyenne?

Halloo 18:24 ပူးပေါင်းရင်းမြစ်များ

Halloo 18:23

Abrahamiyoo giddeꞌi ishichiye: “Iberoon cadiqe ashoon axaaxechona tookki hidi aalliyenne?

Halloo 18:25

Ebiyoommi gaboo ne waanee wohe! Cadiqe ashoon axaaxechona tookkii wuxoo, cadiqe ashoonaa axaaxechonochi toommooch ikkochii nalloo, ebiyoommi shuunoo ne waanee wohe! Showee toommooch beetinaꞌo bullichi Nallechi ne, dayinnetaalloon nallenne?” iye.

Halloo 18:32

Abrahamiyoo “Ta Doonocho, kaareyaahine. Ikke wottoon baach getona. Diqqich arooch aashiroo baach danegaatoche?” iye. Biyoo “Aashiroyicha geti katemoon aalliyaachemmo taane” iye.

Iyoobi 35:8

Ne gonde shuunoo bi iritiyemmo, neenoommi ashooniye; cadiqo ne tuno bi gaaccemmo, ashi yarooniye.

Isiyaasi 1:9

Beshe Mawe Doono Yeeri curoon nooch bi echiyaan gaata, Sodoomin tunesho noone; Gomoorinoo shaahesho noone.

Erimiyaasi 5:1

“Dayinnetoona nalliibeeti, ibere mooyonoo qaawiibeeti ashoon, danemmo ittoshi tunegaata, Yerusaalemi gommona okk hach shaꞌebote; xiishi ciinote; bi addibaaboochoo qaawibote; ittoshi danegaata, Yerusaalemin maaremmo taane.

Mishiraachechinaꞌo 27:24

‘Phawulooso, shattaahine; Qesaari aafooch neexo neech qaawiihe; wotta neenna tookkii hammii beetinaꞌo bullin Yeeri neecha getiree qitoochee wodiyemmone’ iꞌi taach bi gettitoyichiye.