Halloo 18:19 - Kafa Linguistics Project

¹⁹ Kaamoonaa tate mooyonon tuniyoona ta gommon boonoshi quyemmoyich, bi bushiisheenaꞌonaa biyee gubbi shiijjereenaꞌona taach deꞌa ii beetinaꞌon bi tuniyemmoyich, biin kaacceto taane; bi bushiisheenaꞌo ebin boonoshi tuniigaata, biich ta getteti mooyo bullin tuniyemmo taane” iye.

Halloo 18:19 ပူးပေါင်းရင်းမြစ်များ

Halloo 12:2

“Meeti shiijjereenaꞌon neech ta imaa, boonoshiyoo aricheti aagetoon tunemminaꞌone. Neen diiremmo taane; ne shigoonoo aricheto tuniyemmo taane. Ebich meeti asheenaꞌo neenna diireyemminaꞌone.

Halloo 12:3

Neen diirimmon diiremmo taane; neen uppimmon uppemmo taane; showee toommooch beeti ashi yareenaꞌo bulli neenna diireyemminaꞌone” iye.

Halloo 17:9

Yeeriyoo daakkiꞌi Abrahamich ishichiye: “Neennaa neyee gubbi ne shiijjereenaꞌona, boonoshi shiijjereenaꞌo bullinoo ta wogoon quyemmo ittoshine.

Halloo 22:18

Showee toommeexi aageteenaꞌo bulliyoo ne shiijjereenaꞌochi gommona diireyemminaꞌone. Ebi tunemmo, ta qaaroon ne waayetoyichiye” iye.

Halloo 35:2

Ebich Yaaqobi bi kechi asheenaꞌonaa biinna tookkii beetinaꞌo bullinoyich ishichiye: “Ittoshi waan beeti dallaawe nuggisheenaꞌon ittoshi waanee wokkiibote; xallebote; ittoshi tahoon shaddibote.

2 Saameeli 22:22

Ebiyoo Doono Yeerichi gommon ta dabbitoyichiye; gondoon shuunoona Yeer waanee gubb wotteyaano ta tunetoyichiye.

2 Saameeli 7:20

Nuggishoo Doono Yeero, ne guuno taan ariyaabeeto ne tunetoyich, illa ebiyee beshe amoon neech geton hakkehote.

1 Kiinoo 28:9

“Newoo ta bushoo Solomoono, Doono Yeeri, mullo bullin haattiibeeto bi tunetoyich, ashi gaboo bullinoo ariibeeto bi tunetoyich, ne nihoochi Nuggishoon ariibe; ceeni ne mulloona, ne hajjee daaggoonoo biich maddebe; biin ne qaawigaata danemmo neene; tunebaani biin ne qayigaata bulli yemeenoon neen qajjemmone.

2 Kiinoo 14:3

Biyoo dallaawe nuggisheenaꞌochi deejjee gudoonaa guudi toommeexi goyinnee xaaꞌeenaꞌonon aalliihe. Boonoshi goyinneebeeti xaqqee giimbeenaꞌon tiichiye. Boonoshi nuggishee Asheeri misileenaꞌon kuxxii dichiye.

Nehimi 9:7

“Nuggishoo Doono Yeero, Abraamin kaaccaꞌa, Kalideenaꞌo showoochee, Uuri katemoochee kichito, neene; bi shigoonoo Abrahami iyaꞌa shigiito, neene.

Iyoobi 1:5

Gifiroo ciiretoyee gubb, Iyoobi maaddoona tiyii boonoshi ikkikkoochi haddoona micciibeeti deejjoon giddiiꞌi boonoshin yaafii beehe. Ebin bi tuniibeeto, “Diqq ta bushiisheenaꞌo axaaxoon shuune beeyemminaꞌone; boonoshi mulloonoo Doono Yeerin naagi beeyemminaꞌone” iꞌi bi gabii beetoyichiye. Biyoo ebin kuxaanoon tunii beehe.

Shoddo 1:6

Doono Yeeri cadiqeenaꞌo aaf shiichiꞌi, boonoshin quyee beetone; tunebaani gondeenaꞌochi gommo bi bechiibeeto aalloochiye.

Shoddo 11:4

Doono Yeeri yaafeeti bi yaafee kexooch beetone; Doono Yeerichi taatee qeeno shimaayoochiye; bi aafo ashi bushiisheenaꞌon manjii ciinnii, boonoshi shuunoonoo maqqii arii beetone.

Shoddo 34:15

Doono Yeeri aafo cadiqeenaꞌo waan ciinnii beetone; bi waamo boonoshi cookoon ellehe.

Shaahiyoo 22:6

Bushoyich bi hammemmi boochoon dojjibe; bi geenehooboo aroochee ikaachemmone.

Isiyaasi 38:19

Hanaach ta tuniyaa beetoommon, neen galletemminaꞌo kashechinaꞌone; niheenaꞌo boonoshi bushiisheenaꞌoyich, gibeneeto ne tunoon arichiiheete.

Leweenaꞌo 14:42

Ebi waaxaa kechiti xaqqeenaꞌochi xaaꞌooch asheenaꞌo bare xaqqeenaꞌon keribeete; kexonoo wochinnoon dengoona dufeete.

Amootsi 3:2

“Showee toommooch beeti aagetee asheenaꞌo bulli daggoochee kaaccaꞌa shiimaa ta yecheto ittoshin baachiye. Ittoshi gondoyich ittoshin ta sheeraabeeto ebichiye” itone.

Maatiyoosi 25:17

Wotta gutte makilitoon deqqito ebiyoommon tuniiꞌi bare gutte makilitoon shiijjiye.

Yowannisi 10:14

“Deꞌe qiddoo taane. Nihoo Yeeri taan bi arii beetoommon, tawoo Nihoo Yeerin ta arii beetoommon ta bageenaꞌon ariibeeto taane; ta bageenaꞌoo taan arii beetinaꞌone; boonoshi keroyichoo qitemmo taane.

Yowannisi 21:17

Keejjinnoon “Yoonichi bushoo Simoono, taan shunnenne?” iꞌi echehe. Keejjinnoon “Taan shunnenne?” iꞌi bi echetoyich, Pheexiroosi ayiniꞌi, “Ta Doonocho, bullin ariibeeto neene; neen ta shunon ne ariibeeto neene” iye. Yesuusiyoo “Ta bageenaꞌon qiddebe.

Mishiraachechinaꞌo 27:31

Phawuloosi beeggiꞌi, balle ginee iraashoonaa ginee naayinaꞌonoyich ishichiye: “Hini asheenaꞌo markabee daggoochee boonoshi kindii hamigaata, ittoshi wodoon hakkaachemmo ittoshine” iye.

Efesooni 6:4

Niheenaꞌote, Doono Yesuusina ciici dojjibee sheeriree dichibotalli, ittoshi bushiisheenaꞌo ippemmoyich tuniyaahote.

Yibbaatoo 32:46

boonoshich ishichiye: “Ittoshi toommooch miixoo bi tunemmoyich hanaach ittoshich ta gettaabeeti qaaro bullin manjiiree ittoshi mullooch yeshote. Hini sheeree qaaro bullin ittoshi bushiisheenaꞌo gibeneetinaꞌo tuneree boonoshi quyemmoyich, boonoshich dojjibote.

1 Ximootiyoosi 3:12

Daaquuneenaꞌo boonoshi ikkikkoona ikke mechechinaꞌo, boonoshi bushiisheenaꞌonaa kechi asheenaꞌonon gaawichiꞌi qeejjii beetinaꞌo tunebeete.

2 Ximootiyoosi 1:5

Kiristoosi toommooch ibere ne mullee tooꞌiyoon gabaabeeto taane; shiichiꞌi ne indinde Loyidinaa ne indee Ewuniqina boonoshi mulloon Kiristoosi toommooch tooꞌiitinaꞌone; and ne wotta ebiyoommon Kiristoosi toommooch ne mulloon ne tooꞌiyoonoo xiishito taane.

2 Ximootiyoosi 2:19

Tunebaani koniyoona shuurikkoo hakkaani kechi giimboon Yeeri neechitone; are giimboo “Yeeri biichinaꞌon arii beetone”, wotta “ ‘Ta, Doono Yeericho taane’ ii beeto bulli gondoochee wohe” ii beeti maatemechone.

2 Ximootiyoosi 3:15

Kiristoos Yesuusi toommooch mullee tooꞌiyoona wodoo daneebeeti shalligoon neech imon hakkiibeeti Yaafe Macaafeenaꞌon ne bushittinoochee tiijjaꞌa ariito neene.

Yaasi 24:15

Tunebaani Doono Yeerich goyinnee maddoo ittoshich gaaweto tuneꞌi bekko bi qayigaata, ittoshi qaabbechinaꞌo Efiraaxisee beqach beeti Mesopotaamee showooch boonoshi beehooba, boonoshi goyinnee maddeti nuggisheenaꞌoyich woyee boonoshi showooch ittoshi beeti Amooreenaꞌo goyinnee maddeti nuggisheenaꞌoyich goyinne maddemmo ittoshi tunegaata, ittoshi goyinne maddemmon hanaach goomiree kaacote. Tunebaani taannaa ta kechi asheenaꞌona no goyinne maddemmo Doono Yeerichiye” iye.

Woraaferasheenaꞌo 13:12

Manuuhiyoo wochiꞌi, “Ebi ne getteto ceeniyooba, bushoo beeyemmo am shaahe beemoniye? Wotta bi tuniyemmi mooyochi, amoone?” iye.