Halloo 18:14 - Kafa Linguistics Project

¹⁴ Iberoon Doono Yeerin mawemmi mooyo beete? Waabeeti natooch ebi goora ne waan wotteree woyemmo taane; Saari anaami bushoon shiyemmine” iye.

Halloo 18:14 ပူးပေါင်းရင်းမြစ်များ

Halloo 17:16

Ta biin diiremmo taane; anaami bushoon neech shiyemmine; biin diiremmo taane; aageteenaꞌoyichoo indee tunemmine; aageteenaꞌoyich taatoon tunemminaꞌo bi waanee kechemminaꞌone” iye.

Halloo 17:21

Tunebaani waabeeti natooch ebi goora Saari neech shiyemmi bushoo Yisaaqichiye ta wogoon ta manjiyemmo” iye.

Halloo 18:10

Ebi iibbeenaꞌoochee ikkoo Abrahamich, “Waabeeti natooch ebi goora iberoon ne waan wotteree woyemmo taane; ne mechee Saariyoo anaami bushoon shiyemmine” iye. Saariyoo biyee gubb beeti duukkaanee kellooch beechaa, ishi yibbaatoon ellaa beehan.

Halloo 18:13

Arooba Doono Yeeri Abrahamich ishichiye: “Saari ‘Geenaa baayeti ta, iberoon bushoon shiyehota?’ iyaa, amoyich miiccahane?

Halloo 18:15

Saariyoo bi shattetoyich, “Miicaane taane” iyaa nookkahan. Tunebaani aroo “Iberoon miicceti neene” iye.

Halloo 21:1

Doono Yeeri Abrahamich bi gettitoommon, Saarin diiriye. Doono Yeeri bi gibenikkitoommon, Saarich tuniihe.

Halloo 21:2

Saariyoo xifahan. Yeeri Abrahamich bi gettiti goorooch, Abrahami geenaachaa, anaami bushoon biich shiyahan.

2 Taateenaꞌo 4:16

Elisayiyoo ureyich, “Waabeeti natooch, ebi goora anaami bushoon shiyiree tiqqemmi neene” iye. Ureyoo, “Ebi toonoone, Yeer ashoocho, ta doonocho, ne gonnee taach koottaahine” iyan.

Iyoobi 36:5

“Yeeri giidechone; koninolla hoxeyaache; biyoo mullee shalligoona kupphoone.

Iyoobi 42:2

“Bulli mooyon tuniyoon hakkaabeeto ne tunoon, ariito taane. Ne gabiton ne tuniyaachemmoyich bayo hakkeyaache.

Shoddo 90:13

Doono Yeero, noon ne kaare beeyemmo aati wottooniye? Ne guuno no waan wotteree, nooch ariqqebe.

Shoddo 93:1

Doono Yeeri taatehe; oogoonaa hakkoonon tahehe; showoonoo manjiihe; showoo ciroona shuuraachemmone.

Shoddo 95:3

Doono Yeeri ooge Nuggishoone; nuggisheenaꞌo bulli toommooch ooge Taatoone.

Isiyaasi 50:2

Ta waahooba asho amoyich arooch aallehe? Ta ceeggiyooba amoyich eekkemmo koniyoona aallehe? Shiwoyich ta kishoo qaminone? Woyee wodiyoyich hakkoo taach aalletenane? Ta noggegaata baharo shuuqqiye; aacinaꞌonoo barahoo tuniihoye; haasheenaꞌo aacon mucceree shaaqqemminaꞌone; shachewoonoo qitemminaꞌone.

Erimiyaasi 32:17

“Nuggishoo Doono Yeero, shimaayoonaa showoonon ooge ne hakkoona wottoo yaggeeti ne mochoona hallito neene; neen mawemmi mooyo amolla aalloone;

Erimiyaasi 32:27

“Ta, meeno taheto bullichi Nuggishoo Doono Yeeri taane; iberoochaa taan mawemmi mooyo beete?

Daaneeli 6:20

Daaneeli beeti oppooch katinnii, ayinee qaaroona Daaneelin ceeggiꞌi, “Beeyechi Nuggishoochi guuno tuneti Daaneelo! Bulli aaboon biich ne goyinnaa maddeebeeti Nuggishoo daahereenaꞌo waanee neen wodiyoon hakkite?” iye.

Mikiyaasi 7:18

Curo tuneꞌi echeti bi asheenaꞌochi axaaxoon maariibeeti, boonoshi xuqqiti xuꞌoonoo shaaddeebeeti, neenoommi Nuggishoo halla konine? Shoodecho ne tunetoyich, ne kaaroon bulli yemeenoon yagiyaachine.

Zakaariyaasi 8:6

Beshe Mawe Doono Yeeri ishichiye: “Ebiyooba ebi mooyo curo tuneꞌi echeti asheenaꞌoyich worganikkito tuneꞌi bekkoon hakkiye; tunebaani taach worganikkiton tuneꞌi bekkoon hakkaache” iye Beshe Mawe Doono Yeeri.

Haddoo 11:23

Doono Yeeri Muusich, “Iberoochaa Doono Yeeri ta kishoo qaminone? Ta qaaroo bi ceenonaa ceeni qayonon and beeggemmo neene” iye.

Maatiyoosi 14:31

Bekkech Yesuusi bi kishoon yaggii yechiꞌi tiyii, “Hini, ta toommooch ne mulloon tooꞌiyaanoocho, ne mulloon amoyich guttiinne?” iye.

Maatiyoosi 19:26

Yesuusi boonoshin ciinniꞌi, “Asho hini mooyon tuniyoo hakkaache; tunebaani Yeeri bulli mooyon tuniyoyich hakkechone” iye.

Maatiyoosi 3:9

Wotta ittoshinaa ittoshina ‘Abrahamichi bushiishoo noone’ getiree yebeneyaahote. Ittoshich gettoye: Hini xaqqeenaꞌoochee Yeeri Abrahamich bushiishoon halloon hakkiye.

Maariqoosi 10:27

Wotta Yesuusi boonoshin ciinniꞌi, “Hini mooyon tuniyoyich hakkemmo Yeeriyalli asho hakkaache. Yeeri bulli mooyon tuniyoyich hakkechone” iye.

Luqaasi 1:13

Tunebaani are maraakoo ishichiye: “Zakaariyaaso, shattaahine; Yeeri ne corootiti corootoon waayetone. Ne mechee Elsabeexi anaami bushoon neech shiyemmine; bi shigoonoo Yowannisi getiree shigiyemmo neene.

Luqaasi 1:18

Zakaariyaasiyoo are maraakoyich “Ebin amoona ariyehote? Ta gaata geeneto taane; ta mecheyoo geenetine” iye.

Luqaasi 1:37

Yeerin mawemmi mooyo amolla aalloone” iye.

Luqaasi 8:50

Tunebaani Yesuusi ishin waayeꞌi Yaaroosin “Shattaahine, Yeerich baach kuxe; ne bushee wodemmine” iye.

Efesooni 3:20

Illa noonna bi shuuneebeeti bi giidoommon no qollaa beetoyee woyee no gabaabeeto bulliyee beshaa beshiiꞌi tuniyoon hakkiibeeti Yeerich,

Yibbaatoo 30:3

ne Nuggishoo Doono Yeeri neen wochinnoon gaanniyemmone; neech ariqqemmone; aageteenaꞌo bulli daggooch neen bi shaccitoochee, wochiree neen kicemmone.

Yibbaatoo 7:21

Neenna tookkii beeti ne Nuggishoo Doono Yeeri giidechonaa shattiitona tuneti Nuggishoo bi tunetoyich, boonoshin shattaahine.

Filipphisiyoosi 3:21

Biyoo hini yiingaalli, qitemmi no ashittinoon shaddiree, worganikkiti oogee yiirechi bi ashittinoon shaahiyemmone. Ebin bi tuniyemmo bullin bi oogee dechiich tuniyoon bi hakkemmi giidoonane.

Filipphisiyoosi 4:13

Giidoon taach immiibeeti Kiristoosina bulli mooyon tuniyoon hakkaabeeto taane.

Hibireena'o 11:19

Ebiyoo, Yisaaqi qititaanona, Yeeri biin qitoochee tiijjoon hakkemmo bi tunoon Abrahami iberiitoyichiye; ebina Abrahami Yisaaqin qitoochee tiyitoommi shaahoona danehe.

Woraaferasheenaꞌo 13:3

Doono Yeerichi maraakoo ureena daneꞌi biich ishichiye: “Xaafee ne tunetoyich bushoon shiyaane neene. Tunebaani xiferee anaami bushoon shiyemmi neene.

1 Saameeli 14:6

Yonaataani bi ginee qiicoon shaaggiibeeti bi naayon, “Ne waataa okk ebi dokireyaani asheenaꞌochi kaambooch hambone. Diqqich Doono Yeeri noon gaachemmone. Meetonoo tuneba giishechoona wodiyoyich, Doono Yeerin mawemmi mooyo aalloone” iye.