Halloo 17:8 - Kafa Linguistics Project

⁸ Ebi and dallaawoo tunaꞌa ne beeti Kanaanee showoo bullin, bulli yemeenoon ittoshi hajjoo bi tunemmoyich, neennaa neyee gubbi ne shiijjereenaꞌonoyich immemmo taane; boonoshichoo Nuggishoo tunemmo taane” iye.

Halloo 17:8 ပူးပေါင်းရင်းမြစ်များ

Halloo 12:7

Doono Yeeri Abraamich bekkeꞌi, “Hini showoon ne yaroyich immemmo taane” iye. Ebich Abraami biich bekketi Doono Yeerich goyinneya, are xaaꞌooch deejjee gudoon shuunehe.

Halloo 13:15

Ne ciinnaabeeti showoo bullin neennaa ne shiijjereenaꞌonoyich immemmo taane; bulli yemeenoon ittoshicho tunemmone.

Halloo 13:17

Hini showoon neech immemmo taane. And tiyiree, ebi showoo bullin guudi beege” iye.

Halloo 23:4

“Ta ittoshi daggooch dallaawoonaa shiqqoona taane. Ittoshi showee daggoochee maashee xaaꞌoon taach ittoshi kemaa, arooch ta mecheechi cahoon duuhona” iye.

Halloo 26:24

Aroobee xum Doono Yeeri biich bekkeꞌi ishichiye: “Ta ne nihoo Abrahami Nuggishoo taane. Shattaahine; ta neenna tookkaa beeto taane. Neen diiremmo taane; ta guuno Abrahamicha getiree ne shiijjereenaꞌon meechemmo taane” iye.

Halloo 28:4

Yeeri Abrahamich bi immiti, newoo and iibboo tunaꞌa ne beeti hini showoon iristo tuniiree neech bi immemmoyich, Abrahamich bi immiti diiroon neennaa ne shiijjereenaꞌonoyich imbe” iye.

Halloo 35:27

Yaaqobiyoo and Kebirooni getteeti Qiriyaat Aribi gaꞌooch beeti Mamiri gorooch, bi nihoo Yisaaq waan wottee waahe. Ebi xaaꞌoo ebiyee aaf Abrahaminaa Yisaaqina beebee echeti xaaꞌoone.

Halloo 36:7

Meeti gijjoon boonoshi hajjitoyich, tookkii ikkooch beemon hakkaaneenaꞌone. Boonoshich beeti gijjee meetoochee tiyitona, boonoshi beeti xaaꞌoo boonoshich bedon hakkaanoone.

Halloo 37:1

Yaaqobi ebiyee aaf bi nihoo beebee echeti Kanaanee showooch kotehe.

Halloo 48:4

taach ishichiye: ‘Bushiishoon neech meechemmo taane; ne yaroonoo woddiyemmo taane; meeti aagetoo tunemmo neene; hini showoon neyee gubbi ne shiijjereenaꞌoyich bulli yemeenee boonoshi hajjoon tuniiree immemmo taane’ iye.

2 Saameeli 23:5

“Yeeri ta shiijjeroon bi diiremmo ebiyoommi gommonane; Yeeri bulli yemeenoon beeyemmi wogoon taanna tookkii giyitone; bulli mooyon tatoona gawaatitone; biyoo bi gibenikkiton shaddaanoone. Ta qaawaabeeto ebiniye; Yeeri iberoon taan gaachemmone; ebi bulli ceennemmoyich tuniyemmone.

1 Kiinoo 16:18

Ishichiinoo iye: “Kanaanee showoon neech immemmo taane; ne hajjoo tuniiree woraashemmo neene” iye.

Shoddo 103:17

Tunebaani Doono Yeerichi shoodo biin shattii beetinaꞌoyich bulli aaboochee bulli aaboochiye; bi cadiqittinoo bushaa bushooch beddaahaa boonoshi toommoochiye.

Shoddo 105:11

Ishichiinoo iye: “Kanaanee showoon neech immemmo taane; ne hajjoo tuniiree woraashemmo neene” iye.

Shoddo 105:9

Abrahamina tookkii bi giyiti wogoon, Yisaaqich bi gibenikkiti gibenoon batteyaache.

Keyo 13:11

“Doono Yeeri neennaa ne qaabbechinaꞌonoyich bi wogetoommon, Kanaaneenaꞌo showooch neen giijjiꞌi boonoshi showoon neech bi imiyooba,

Keyo 21:6

bi doono nallechinaꞌo waan daambe; aroochee kellee shaaqqooch woyee qoomooch tuggiichi, ikke bi waamon mutoona hottibe; ebina hini guuno bi qitimmi wottoon bi doonoyich guunon tunemmone.

Keyo 29:45

Israꞌeeleenaꞌo daggooch beeyemmo taane; boonoshi Nuggishoonoo tunemmo taane.

Keyo 32:13

Ne guuninaꞌo Abrahamin, Yisaaqinaa Israꞌeelinon shalligibe. Boonoshich, ‘Ittoshi shiijjereenaꞌon shimaayeexi xojjenoochoommon meechemmo taane; imma ta gibenikkiti hini showoo bullin ittoshi shiijjereenaꞌoyich immemmo taane; bulli yemeenoon boonoshi hajjoo tunemmone’ iyaꞌa neenna ne wogeti wogoon shalligibe” iye.

Keyo 40:15

Qeesheenaꞌon tuneree taach boonoshi maddemmoyich, boonoshi nihoon ne huuttetoommon, boonoshinoo huute. Ebina boonoshinaa gubb shiijjemmi boonoshi shiijjereenaꞌo bullina bulli yemeenoon taach qeesheenaꞌo tunemminaꞌone” iye.

Keyo 6:4

Iibbittinoona boonoshi beebee echeti Kanaanee showoon boonoshich imoyich wogeto taane.

Keyo 6:7

Ittoshin ta maccoo tuniyemmo taane; ittoshichoo Nuggishoon tunemmo taane. Gibitseenaꞌochi guuchittinee waanjoochee ittoshin kichiti, ittoshi Nuggishoo Doono Yeeri ta tunoon ariyemmo ittoshine.

Erimiyaasi 25:5

Ebi keemechinaꞌo ‘Ittoshi bulliyona ittoshi gonde gommonaa ittoshi gonde shuunoonoochee wottebote; Doono Yeeri ittoshinaa ittoshi qaabbechinaꞌonoyich wonnee tiijjiꞌi bulli aaboyich bi immiti showooch kotemmo ittoshine;

Erimiyaasi 31:1

Doono Yeeri ishichiye: “Ebiyooba Israꞌeelee gumbo bullich Nuggishoon tunemmo taane; boonoshiyoo ta maccoon tunemminaꞌone” iye.

Hiziqeeli 11:20

Ebich ta qociyoommona shaaddemminaꞌone; ta getonoo quyemminaꞌone; aroyichoo deꞌa gettemminaꞌone; boonoshiyoo ta asheenaꞌon tunemminaꞌone; tawoo boonoshi Nuggishoon tunemmo taane.

Hiziqeeli 33:24

“Ashi bushoocho, Israꞌeelee showooch, happeeti xaaꞌooch koteti asheenaꞌo ishichii beetinaꞌone: ‘Abrahami ikke asho tuneebee showoon woraashiye; tunebaani no meeto no tunetoyich showoo no iristo bi tuno xiisheetone’ ii beetinaꞌone.

Leweenaꞌo 14:34

“Ittoshi hajjoo bi tunemmoyich, ittoshich ta immaabeeti Kanaanee showooch ittoshi giyiyooba, are showoochee ikke kexon bukkoo yexxemmoyich ta tuniigaata,

Leweenaꞌo 16:34

“Ebi ittoshich bulli yemeenee qociyoo tunebe. Ebi xalliyee doyoo Israꞌeeleenaꞌoyich boonoshi axaaxoo bullin maariyoyich natooch ikke wottoon tunebe” iye. Ebiyoo Doono Yeeri Muusich gettitoommon tunehe.

Leweenaꞌo 26:12

Ittoshi daggooch beeyemmo taane; ittoshichoo Nuggishoo tunemmo taane; ittoshiyoo ta asho tunemmo ittoshine.

Zakaariyaasi 8:8

Yerusaalem boonoshi beeyemmoyich boonoshin wochi deebemmo taane. Boonoshiyoo ta asheenaꞌo tunemminaꞌone; tawoo gibeneeti, cadiqe boonoshi Nuggishoo tunemmo taane” iye.

Haddoo 10:29

Muusiyoo Miidiyamee asho tuneti, bi abboo Reweeli bushoo Hobaabich ishichiye: “Doono Yeeri ‘Ittoshich immemmo taane’ bi iti xaaꞌooch hammaabeeto noone. Doono Yeeri Israꞌeeleenaꞌoyich gaawe mooyon tuniyoyich gibenikkitone; noonna tookki hambe. Nowoo gaawe mooyon neech tuniyemmo noone” iye.

Haddoo 25:13

Bi, Yeerich qanaateꞌi Israꞌeeleenaꞌon bi maariitoyich, biinnaa biyee gubbi bi shiijjereenaꞌonoyich qeeshittinee maddooch manjee wogoon biich tunemmone” iye.

Haddoo 27:12

Doono Yeeri Muusich ishichiye: “Abariimi guudooch keyiichi, Israꞌeeleenaꞌoyich ta immeti showoon ciine.

Mishiraachechinaꞌo 7:5

Hiniichoo ikke ciix bede iristoonolla biich imaanoone. Tunebaani Abrahamich bushoo shiijjeyaan beetaa, ‘Hini showoon neennaa ne hillooch shiijjemmi ne yaroonoyich immemmo taane’ iꞌi gibenikkiye.

Yibbaatoo 14:2

Ebiyoo ittoshi, ittoshi Nuggishoo Doono Yeerich yaafoo ittoshi tunetoyichiye. Wotta, bi hajjee asho ittoshi tunemmoyich, showee toommooch beeti asho bulli daggoochee Doono Yeeri ittoshin bi kaaccitoyichiye” iye.

Yibbaatoo 26:18

Doono Yeeriyoo neech bi gibenikkitoommon, neen bi hajjee asho tuniitone; bi getoon ne waayemmoyichoo gettitone.

Yibbaatoo 29:13

Ebina neech bi gibenikkitoommon, wotta ne qaabbechi Abrahamich, Yisaaqinaa Yaaqobinoyich bi wogetoommon, bi asho ne tunoon, biyoo ne Nuggishoo bi tunoon manjiiyane.

Yibbaatoo 32:49

“Moꞌabee showooch, Yaariki katemee ciinooch beeti Abariimi guudinaꞌo beetooch hambe. Neebi guudi toommooch keyiichi, boonoshi hajjemmoyich Israꞌeeleenaꞌoyich ta immaabeeti Kanaanee showoon ciine.

Yibbaatoo 32:8

Beshoo Yeeri aageteenaꞌoyich iristoon bi imiyooba, ashi yaroonoo bi barbariihooba, Israꞌeelee bushiisheenaꞌo haddi haddoommona macceenaꞌoyich daaroon geddiye.

Yibbaatoo 34:4

Aroochee Doono Yeeri Muusich ishichiye: “ ‘Ittoshi shiijjereenaꞌoyich immemmo taane’ iyaꞌa Abrahamich, Yisaaqinaa Yaaqobinoyich ta wogeti showoo ebine. Ne aafoona baach ne beeggemmoyich tuniito taane; tunebaani arooch giyaachemmo neene” iye.

Yibbaatoo 4:37

Ittoshi qaabbechinaꞌon bi shunnitoyich, boonoshi shiijjereenaꞌo tuneti ittoshin kaacciye. Ittoshina tookkii tuneꞌi bi hajjee giidoona Gibitsee ittoshin kichii deebiye.

Yibbaatoo 9:5

Boonoshi showoon woraashiya arooch ne giyaabeeto, cadiqe asho ne tunetoyich woyee ne mullee kaamoyich toonoone. Ne Nuggishoo Doono Yeeri ne aafoochee boonoshin yookkii bi kichiibeeto, gonde asheenaꞌo boonoshi tunetoyich, wottoo ne qaabbechinaꞌo tuneti Abrahamich, Yisaaqinaa Yaaqobinoyich bi wogeti wogoon ceechoyichiye.

Hibireena'o 9:15

Ebich aafi wogo batt manjiꞌi bi beetaa, sheeroon shaaddetinaꞌon boonoshi shuuneti axaaxoochee biishe kichiya Kiristoosi qititoyich, Yeeri bi ceeggiti asheenaꞌoyich bi gibenikkiti bulli yemeenee iristoon boonoshi deqqemmoyich Kiristoosi andire wogee shoobbechone.

Yaasi 1:2

“Ta guuno Muusi qititone. Illa and neennaa hini asheenaꞌo bullina tibote; Israꞌeeleenaꞌoyich ta immemmi showooch gimoyich Yoordaanoosin kimbote.

Yaaꞌoo 21:7

Gondoochi giidoon kochii wochito ebin woraashemmone; biich Nuggishoon tunemmo taane; biyoo ta bushoon tunemmone.