Halloo 17:7 - Kafa Linguistics Project

⁷ Neennaa neyee gubbi ne shiijjereenaꞌonoyich Nuggishoo ta tunemmoyich, neennaa taanna daggooch, gubbi ne shiijjereenaꞌo bullinaa taanna daggoochoo, bulli yemeenee wogoon giyemmo taane.

Halloo 17:7 ပူးပေါင်းရင်းမြစ်များ

Halloo 15:18

Arooba Doono Yeeri ishichiꞌi Abraamina tookkii wogoon giyiye: “Gibitsee aacoochee tiijjiree ooge aaco Efiraaxis beddaahaa, hini showoon ne shiijjereenaꞌoyich immemmo taane.

Halloo 17:13

Ittoshi kexooch shiijjeti guuno woyee ittoshi gijjoona kemeeti guunoo dokireebe. Ebina ta wogo bulli yemeenee wogo bi tunoon ittoshi achooch beeti malletoo bekkiyemmone.

Halloo 17:19

Yeeriyoo biich ishichiye: “Ebi tuneyaache. Iberoon ne mechee Saari anaami bushoon neech shiyemmine. Bi shigoonoo, Yisaaqi geti shigiyemmo neene. Ta wogoon biinnaa biyee gubbi bi shiijjereenaꞌoyich bulli yemeenee wogoon tuniiree manjiyemmo taane.

Halloo 26:24

Aroobee xum Doono Yeeri biich bekkeꞌi ishichiye: “Ta ne nihoo Abrahami Nuggishoo taane. Shattaahine; ta neenna tookkaa beeto taane. Neen diiremmo taane; ta guuno Abrahamicha getiree ne shiijjereenaꞌon meechemmo taane” iye.

Halloo 28:13

Doono Yeeriyoo ebi daqqellee tookk neexee beehe; ishichiinoo iye: “Ne nihinihoo Abrahamichi Nuggishoo, ne nihoo Yisaaqichi Nuggishoo, Doono Yeeri taane. Hini ne qeyaabeeti showoon neennaa ne shiijjereenaꞌonoyich immemmo taane.

Halloo 6:18

Tunebaani ta neenna tookki wogoon giyemmo taane; ne mecheen, ne bushiishoonaa boonoshi mecheenaꞌonon yeshiree markabooch giyemmo neene.

Halloo 9:16

Ximbittoo qubee daggooch tunehooba, ciiniichi, taannaa showee toommooch beeti, meenon taheti kashechi halleenaꞌo bullina daggooch beeti, bulli yemeenee wogoon gabemmo taane” iye.

2 Saameeli 7:24

Ne asheenaꞌo tuneti Israꞌeeleenaꞌon bulli yemeenoon ne hajjee asheenaꞌo boonoshi tunemmoyich manjiito neene. Doono Yeero, newoo boonoshich Nuggishoon tunehine.

1 Kiinoo 16:14

Doono Yeeri no Nuggishoone; showoo bulliich dayinnetoona nallii beetone.

Shoddo 81:10

Gibitsee showoochee neen kichiti, ne Nuggishoo Doono Yeeri taane; taan qollebe; neech qaawii beeton immemmo taane.

Keyo 3:15

Wotta Yeeri Muusich “Israꞌeeleenaꞌoyich ‘Ittoshi qaabbechi niheenaꞌo Nuggishoo, biyoo Abrahami Nuggishoo, Yisaaqi Nuggishoo, Yaaqobi Nuggishoo tuneti Doono Yeeri ittoshi waan taan wochee deejjitone’ gete. Ta shigoo bulli yemeenoon ishine; gubbi shiijjeroo bulli taan shalligemmo, ebi shigoonane.

Keyo 3:6

Daakkiꞌi, “Ne nihoo Nuggishoo, Abrahami Nuggishoo, Yisaaqi Nuggishoo, Yaaqobi Nuggishoo taane” iye. Arooba Muusi Yeerina tookkii baroona danoon bi shattitoyich, bi aafoon oppehe.

Keyo 6:4

Iibbittinoona boonoshi beebee echeti Kanaanee showoon boonoshich imoyich wogeto taane.

Keyo 6:7

Ittoshin ta maccoo tuniyemmo taane; ittoshichoo Nuggishoon tunemmo taane. Gibitseenaꞌochi guuchittinee waanjoochee ittoshin kichiti, ittoshi Nuggishoo Doono Yeeri ta tunoon ariyemmo ittoshine.

Isiyaasi 61:8

“Doono Yeeri ta, dayinnetoon shunnoye; bogoonaa gonde mooyonon shixxoye; gibeneeto ta tunoona boonoshich gaaccemmo taane; boonoshina tookki bulli aabee wogoon giyemmo taane.

Erimiyaasi 31:1

Doono Yeeri ishichiye: “Ebiyooba Israꞌeelee gumbo bullich Nuggishoon tunemmo taane; boonoshiyoo ta maccoon tunemminaꞌone” iye.

Hiziqeeli 28:26

Keqqaalloon kotemminaꞌone; kexinaꞌon haggemminaꞌone; woyinoonoo bechemminaꞌone. Boonoshin hoxeebeeti giyeenaꞌo bulli toommooch ta nalliyooba, keqqaalloon kotemminaꞌone; ebina boonoshi Nuggishoo Doono Yeeri ta tunoon ariyemminaꞌone” iye.

Leweenaꞌo 11:45

Ittoshi Nuggishoo tunoyich, Gibitsee ittoshin kichaꞌa deebeti Doono Yeeri taane. Ebich yaafoo ta tunetoyich, ittoshiyoo yaafoo tunebote.

Leweenaꞌo 25:38

Kanaanee showoon neech imma, neechoo Nuggishoo tuneya Gibitsee neen kichaa deebeti, ne Nuggishoo Doono Yeeri taane.

Leweenaꞌo 26:12

Ittoshi daggooch beeyemmo taane; ittoshichoo Nuggishoo tunemmo taane; ittoshiyoo ta asho tunemmo ittoshine.

Leweenaꞌo 26:44

Tunebaani ebi bulli bi tunetaanoona, boonoshi etteenaꞌo showooch boonoshi beetaa, boonoshina tookkaa ta giyeti wogoon biishona, boonoshin ta aalliimmi wottoon, boonoshin dufaachemmo taane; boonoshinoo tiyaareyaachemmo taane. Ebiyoo ta, boonoshi Nuggishoo Doono Yeeri ta tunetoyichiye.

Leweenaꞌo 26:45

Aagetee asheenaꞌo ciinnii beetaa, boonoshi Nuggishoo tunoyich Gibitsee kichaa ta deebeti boonoshi qaabbechinaꞌona tookkaa ta giyeti wogoon shalligemmo taane. Ta, Doono Yeeri taane itone’ gete” iye.

Leweenaꞌo 26:9

“ ‘Ittoshin gaawe aafoona ciinnemmo taane. Shiyi shiijjereree ittoshi meettemmoyich tuniyemmo taane; ta wogoonoo ittoshich manjiyemmo taane.

Mikiyaasi 7:20

Wonnee yemeenooch no qaabbechinaꞌoyich wogaꞌa ne gibenikkitoommon, ne gibeneyoonaa kuxeyaani ne shunoonon Abrahaminaa Yaaqobinochi shiijjeroo tuneti nooch bekkiibeeto neene.

Maatiyoosi 22:32

Ebiyoo ‘Ta Abrahamichi Nuggishoo, Yisaaqichi Nuggishoo, Yaaqobichi Nuggishoo taane’ ii beetone. Illa kashechinaꞌochi Nuggishoani qititinaꞌochi Nuggishoo toonoone” iye.

Maariqoosi 10:14

Yesuusi ebin beeggii kaareꞌi bi dabbeenaꞌoyich ishichiye: “Qayote! Yeerichi taatittine eboshiyoomminaꞌochine. Ebich gishiishi bushiisheenaꞌo ta waan wobeete; bajjaahote.

Mishiraachechinaꞌo 2:39

Gibenikkeeti gibeno ittoshinaa ittoshi bushiishoonoyich, no Doono Yeeriyoo bi waan bi ceeggiibeeti, wohooch beetinaꞌonoyichiye” iye.

Roomi 9:4

Boonoshiyoo Israꞌeelee macceenaꞌone; Yeeriyoo boonoshin bi hajjee bushiisheenaꞌo tuniihe; bi oogee yiiroochee boonoshich qoodiye; wogoonoo boonoshina tookkii giyiye; sheeroonoo boonoshich immiye; yaafee kechi maddee doyoon, meeti baribare gibenee qaaroonoo boonoshich immiye.

Efesooni 2:2

Arooba hini alemee asheenaꞌo beeti beemoommon, Yeerich deꞌa getaani asheenaꞌo toommooch and shuuneebeeti ayaanee daaggoommonoo beehote. Ebi ayaanoo yongee toommooch beeti gonde ayaaneenaꞌon hajjiibeeti gonde iraashoone.

Yibbaatoo 29:13

Ebina neech bi gibenikkitoommon, wotta ne qaabbechi Abrahamich, Yisaaqinaa Yaaqobinoyich bi wogetoommon, bi asho ne tunoon, biyoo ne Nuggishoo bi tunoon manjiiyane.

Hibireena'o 11:16

Tunebaani beshoon, ebiyoo shimaajji xaaꞌoon qaatii beeheete. Ebich Yeeri boonoshi beeyemmi katemoon boonoshich qanniitone. Ebich Yeeri boonoshi Nuggishoo getaa ceekkoyich yeelleyaache.

Hibireena'o 8:10

Ebi are yemeenoyee gubb Israꞌeelee macceenaꞌona tookki ta giyemmi wogo ebine, iye Doono Yeeri: Ta sheeroon boonoshi mullooch kotiyemmo taane; boonoshi mullee cilloochoo kooremmo taane; tawoo boonoshi Nuggishoo tunemmo taane; boonoshiyoo ta macceenaꞌo tunemminaꞌone.

Woraaferasheenaꞌo 2:1

Doono Yeerichi maraakoo Galigalee Bokiim hammiꞌi Israꞌeeleenaꞌoyich ishichiye: “Gibitsee ittoshin kichaꞌa, ittoshi qaabbechinaꞌoyich imma ta wogeti showooch ittoshin deeboye. Tawoo ‘Ittoshina tookkaa ta giyeti wogoon happaachemmo taane.