6 Ne shiijjereenaꞌon oogichi meechiree, aageteenaꞌo tuniyemmo taane; boonoshi daggoocheenoo taateenaꞌo tunemminaꞌo beetinaꞌone.
Ne shiijjereenaꞌonoo showee toommeexi qacoochoommon meechemmo taane. Koniyoona showee toommeexi qacoon haddii ciichoon hakkaanoone. Ebiyoommon ne shiijjereenaꞌo haddaa ciyaaneenaꞌo tunemminaꞌone.
Ta biin diiremmo taane; anaami bushoon neech shiyemmine; biin diiremmo taane; aageteenaꞌoyichoo indee tunemmine; aageteenaꞌoyich taatoon tunemminaꞌo bi waanee kechemminaꞌone” iye.
Wotta Ishmaꞌeelichon ne qolloon waayeto taane; biin diiremmo taane. Biyoo shiijje shiijjere bi meettemmoyich tuniyemmo taane; aaraa gutte iraasheenaꞌochi nihoo tunemmone; aricheti aagetoon biin tuniyemmo taane.
“Neenna tookki ta giyemmi wogo ebine: Meeti aageteenaꞌoyich qaabbechi nihoo tunemmo neene.
Aroyee besheꞌi bare aachi oppoon iichiihe. Ebi aroyich kaareyaaneenaꞌo boonoshi tunetoyich, “And Doono Yeeri noon gamichitone; showee toommoochoo meettemmo noone” iꞌi, ebi aachi oppee shigoon, Rehobooti iye.
Beshe Hakkechi Nuggishoo neen diiribe; shiyi shiijjereree meeti aagetoon ne tunemmoyich tuniibe; ne shiijjereenaꞌonoo meechibe.
Yeeriyoo daakkiꞌi Yaaqobich ishichiye: “Beshe Hakkechi Nuggishoo taane. Shiyi shiijjerebe; meete. Ne shiijjeroochee meeti aagetoo kechemmone. Taateenaꞌo ne waanee shiijjemminaꞌone.
Ebiyoommon “Iritoon ta beeggeti showoochaa Yeeri taan aafiite” iꞌi bi hilloon Efreemi iye.
Israꞌeeleenaꞌo Gibitsee showooch, Gooshen koteꞌi, oogichii gaanneheete; shiijjee shiijjeree meettiyeete.
Yaaqobiyoo Yooseefich ishichiye: “Beshe Hakkechi Nuggishoo Kanaanee showooch beeti, Luuzaa taach bekkehe; taanoo aroochaa diiriye;
taach ishichiye: ‘Bushiishoon neech meechemmo taane; ne yaroonoo woddiyemmo taane; meeti aagetoo tunemmo neene; hini showoon neyee gubbi ne shiijjereenaꞌoyich bulli yemeenee boonoshi hajjoon tuniiree immemmo taane’ iye.
Yerusaalem taateti, Efiraaxisee beqachi woraafo bullin hajjiibeeti, qaraxoonaa gibiroonon deqqiibeeti, hakkechi taateenaꞌo beebee echetinaꞌone.
“ ‘Ittoshin gaawe aafoona ciinnemmo taane. Shiyi shiijjereree ittoshi meettemmoyich tuniyemmo taane; ta wogoonoo ittoshich manjiyemmo taane.