Halloo 17:17 - Kafa Linguistics Project

¹⁷ Arooba Abrahami bi baroona showooch guufehe; miicciibee bi mulloona ishichii gabiye: “Iberoon balle nati asho bushoon shiyehe? Yixena natteti Saariyoo shimon hakkehane?” iye.

Halloo 17:17 ပူးပေါင်းရင်းမြစ်များ

Halloo 17:18

Biyoo Yeerich, “Taach ne gibenikkiti gibeno Ishmaꞌeel waanaa bi tuneto gaata shunnoye” iye.

Halloo 17:3

Abraamiyoo bi baroona showooch guufehe. Yeeriyoo biich ishichiye:

Halloo 18:11

Abrahaminaa Saarina geenaa baayetinaꞌone; maacheenaꞌoyich tuneebeeti doyoo bi waanee echee yagitone.

Halloo 18:12

Ebich Saari “Hini geenee baayeti ta, anaamona dano taan emirikkehe? Wotta ta doonoo oogeton geenetone” iyaa bi mulloona gabaꞌa miiccahan.

Halloo 21:5

Abrahami bi bushoo Yisaaqi shiijjehooba, balle nati ashoone.

Halloo 21:6

Saariyoo “Yeeri emiriree ta miiccemmoyich tuniitone. Hini mooyon waayemmo bulli ta naboona emiri miiccemmone” iyan.

Halloo 21:7

Wotta daakkaꞌa, “ ‘Saari bushoon shiyiree xaachemmine’ geti Abrahamich konine gettesho? And ebiyoche, bi geenaachaa, anaami bushoon biich shiyeti taane” iyan.

1 Kiinoo 21:16

Daawiti kaama ciinniꞌi, Doono Yeerichi maraakoo Yerusaalemi toommooch goraadoon kaaccii yechiꞌi shimaayoonaa showoonochi daggooch neexeꞌi bi beetaa beeggiye. Aroochee Daawitinaa ogoogeenaꞌona dookoon taheꞌi showooch baroona guufeheete.

Iyoobi 1:20

Iyoobiyoo kotoochee tiyiye; bi tahoon keexxiye; bi qelloon cakkehe; showooch baroona guufeꞌinoo goyinnehe.

Hiziqeeli 1:28

Bi guudoonoo beeti phaqqoo amichi goorooch qubee daggoochaa bekkeebeeti ximbittoommone. Doono Yeerichi oogee yiiroo bi bekketo eechiꞌiniye; ebin ta beegiyooba baroona showooch guufeho; aroocheenoo yibbaatee qaaroon waayeho.

Daaneeli 8:17

Aroochee Gabreeli waaꞌi ta gaꞌooch neexehe; tawoo oogeton keqqaꞌa baroona showooch guufeho. Biyoo taach ishichiye: “Ashi bushoocho, ebi yaaꞌoo yemeenee ciireechon bekkiibeeto bi tunoon shalligibe” iye.

Leweenaꞌo 9:24

Qaaqqoo Doono Yeeri aafoochee kindiꞌi, deejjee gudee toommooch beeti deejjoonaa awuyonon michii aalliihe. Asheenaꞌo bulli ebin beeggiꞌi ililiyeete; baroonoo showooch guufeheete.

Haddoo 14:5

Aroochee Muusinaa Haroonina kiceeti Israꞌeelee iitoo bulli aafooch baroona showooch guufeheete.

Haddoo 16:22

Muusinaa Haroonina baroona showooch guufeechii, “Nuggishoo Yeero, asho kasho bulli Nuggishoocho, ikke uro shuuneti axaaxoona iiteenaꞌo bullin kaarenne?” iyeete.

Haddoo 16:45

“Boonoshi bullin ikke wottoona ta aalliyemmoyich, hini iiteenaꞌo daggoochee ikibote” iye. Boonoshiyoo baroona guufeheete.

Maatiyoosi 2:11

Are kexooch giyiꞌi bi indee Maariyamina tookkii beeti gaggere bushoon beeggiyeete. Yittiꞌinoo biich goyinneheete; boonoshi saaxenoon qechiꞌi aachoon, ixaanoonaa hareboonon kichii immiyeete.

Luqaasi 1:18

Zakaariyaasiyoo are maraakoyich “Ebin amoona ariyehote? Ta gaata geeneto taane; ta mecheyoo geenetine” iye.

Yowannisi 8:56

Ittoshi nihoo Abrahami ta woyemmi aaboon bi beeggitoyich oogichii emiriye; beeggiꞌinoo emiroona wucwucciye” iye.

Yibbaatoo 9:18

Muusiyoo daakkiꞌi ishichiye: “Aroochee aafichoommon, aabbe areddoonaa aabbe xumoonon Doono Yeeri aafooch baroona showooch guufoye. Maayoon tuneba uyoon, amoonolla ta noonooch bechaano taane. Ebin ta tuniito, ittoshi shuuneti axaaxoo bullich, Doono Yeeri aafooch gondo tuneti mooyon shuunoona bi kaaremmoyich ittoshi tuniitoyichiye.

Yibbaatoo 9:25

“Ebich aabbe areddoonaa aabbe xumoonon Doono Yeeri aafooch baroona showooch guufoye. Ebiyoo Doono Yeeri ittoshin aalliyemmo bi tunoon bi gettitoyichiye.

Yaasi 5:14

Uroo “Toonoo taane; and ta waato, Doono Yeerichi ginee iraashoo tunaꞌaaniye” ii wochiye. Yaasiyoo baroona guufee goyinneꞌi, “Ta Doono ta tuniyemmoyich, bi guuno taach bi gettemmi mooyo, amoone?” iye.

Yaasi 7:6

Ebiyooba Yaasi bi tahoon keexxiye; xumemmi wottoon Doono Yeerichi taabootee aafooch baroona guufehe. Israꞌeelee geeneenaꞌoo ebiyoommon tuniiheete; boonoshi shimboochoo buttoon shakkiyeete.

Yaaꞌoo 11:16

Yeeri aafooch boonoshi qeeni qeenooch koteti hiyaa awudde geeneenaꞌo baroona guufeꞌi Yeerich goyinneebee,

Yaaꞌoo 5:8

Macaafoon bi daammimmona, kashechi awudde halleenaꞌonaa hiyaa awudde geeneenaꞌona Bago aafooch baroona guufeheete. Boonoshi ikkikkoona ximboonaa yaafeenaꞌochi corootee malletoo tuneti ixaano ceenniti, aachoochee shuuneeti qiicoonon yechiꞌi,

Woraaferasheenaꞌo 13:20

Qaaqqee aaxxo deejjee gudoochee shimaayooch kechimmona, Doono Yeerichi maraakoo ebi qaaqqee aaxxoona kaama shimaajj kechiye. Manuuhinaa bi mecheena ebin ciinniꞌi baroona showooch guufeheete.