Halloo 17:12 - Kafa Linguistics Project

¹² Gubbi ittoshi shiijjeroo bulliich beddaahaa, anaami bushoo bulli bi shiijjeti shimitte qemona dokireebe. Wotta ittoshi yaroo tuneyaanolla bi tunetaa, ittoshi kexooch shiijjeti guuno woyee bare showoochee gijjoona kemeeti guunolla tuneba, anaamo bulli dokireebe.

Halloo 17:12 ပူးပေါင်းရင်းမြစ်များ

Halloo 17:23

Ebi arooba Abrahami, Yeeri biich bi gettitoommon, bi bushoo Ishmaꞌeelin, bi kexooch shiijjeti guuninaꞌonaa gijjoona bi kemeti guuninaꞌo bulloshin, bi kexooch beeti anaaminaꞌo bullinoo dokiriye.

Halloo 21:4

Abrahami Yeeri biich bi gettitoommon, Yisaaqi shiijjeti shimitte qemooba dokiriye.

Keyo 12:44

tunebaani gijjoona kemeeti guuno, bi dokireetoyee gubb mame.

Keyo 22:30

Ebiyoommon ne miiminaꞌoochee, ne bageenaꞌonaa emmisheenaꞌonoochee shiichii shiijjeton taach imbe. Shabaatte qemon bi indeena tookki beebe; shimittinnee qemooba taach imbe.

Leweenaꞌo 12:3

Shimittinnee qemooba bushoo dokireebe.

Luqaasi 1:59

Boonoshiyoo bi shiijjeti shimitte qemooba bushoon dokiriyoyich waaheete; bi nihoochi shigoona Zakaariyaasi iꞌi shigiyoon shunniyeete.

Luqaasi 2:21

Gaggeroo shiijjeti shimitte qemo ceenaa bi dokireehooba, bi indee maacooch yeqqefeyaan bi beetaa maraakoo gettitoommon, bi shigoon Yesuusi iꞌi shigiiheete.

Mishiraachechinaꞌo 7:8

Ebiyee gubb, Yeeri Abrahamina tookkii wogoon giyiye. Abrahamiyoo hini are wogoona dokireehe. Ebich Abrahami Yisaaqin shiyiꞌi shimitte qemooba dokiriye. Ebiyoommon Yisaaqi bi bushoo Yaaqobin dokiriye; Yaaqobiyoo no qaabbechinaꞌo tuneti aaraa gutte bi bushiisheenaꞌon dokiriye.

Roomi 2:28

“Ayihudee ashoone” iꞌi boonoshi gabiibeeto bulli Ayihudee asho toonoone; bekkeebeeti meenona tuneebeeti dokireyoo ibere dokireyoo toonoone.

Filipphisiyoosi 3:5

Ta shiijjeti shimitte qemona dokireeto, Israꞌeelee shiijjeroochee tuneto, Biiniyaami yoodo, Hibireenaꞌo daggeexi Hibiroo taane. Ayihudee sheeree doyeechon ittoshi echegaata, Farisoo taane.