Halloo 17:10 - Kafa Linguistics Project

¹⁰ Neennaa taanna daggooch, gubbi ne shiijjereenaꞌonaa taanna daggoochoo, ittoshi quyemmi wogo ebine: Ittoshi anaaminaꞌo bulli dokireebeete.

Halloo 17:10 ပူးပေါင်းရင်းမြစ်များ

Halloo 17:11

Ittoshiyoo dokireyemmo ittoshine; ebiyoo taannaa ittoshina daggooch beeti wogee malletoo tunemmone.

Halloo 17:23

Ebi arooba Abrahami, Yeeri biich bi gettitoommon, bi bushoo Ishmaꞌeelin, bi kexooch shiijjeti guuninaꞌonaa gijjoona bi kemeti guuninaꞌo bulloshin, bi kexooch beeti anaaminaꞌo bullinoo dokiriye.

Halloo 17:27

Bi kexeexi anaaminaꞌo bulli, bi kexooch shiijjeti guuninaꞌonaa bare showoochee kemeeti guuninaꞌona biinna tookkii dokireeheete.

Halloo 21:4

Abrahami Yeeri biich bi gettitoommon, Yisaaqi shiijjeti shimitte qemooba dokiriye.

Halloo 34:15

Deꞌa no gettemmo, noochoommon ittoshi anaaminaꞌo bulli dokireegaata baachiye.

Halloo 34:22

Tunetaa ebi asheenaꞌo noonna tookki ikke asho tuneree beemoyich boonoshi deꞌa gettemmo, ikke mooyon no tuniigaata baachiye; ebiyoo no anaaminaꞌo bulli boonoshichoommon dokiree gaatane.

Keyo 12:48

“Ittoshi daggooch beeti shiqqoo, Doono Yeerichi Beshee Baaroon baaroyich bi qaawigaata, bi kechi asheenaꞌo daggooch beeti anaamo bulli dokireebe. Ebina Israꞌeelee shiijjeroommo tuniitaa haddeeree doyee qoodeyecho tunebe. Tunebaani dokireyaani anaamo Beshee Baaree maayoon maayaaye.

Keyo 4:25

Muusi mechee Tsifoori aci shaammoon deebaꞌa bi bushoon dokiriyan; bushoo shookoona Muusi baatoon yechaꞌa, “Damoona ta daneti keno neene” iyan.

Erimiyaasi 4:4

Yihudee asheenaꞌonaa Yerusaalemi beeyechinaꞌonote! Ittoshi gonde shuunoyich koniyoona takkoon hakkaachemmi ta kaaro qaaqqoochoommon aaxxemmo bi tunetoyich, ittoshi mulloon dokireeree, Doono Yeeri taach hajjeebote.

Yowannisi 7:22

Ittoshich, shambetooba bushiishoon dokiriibeeto ittoshine. Ebiyoo Muusi dokiriyee doyoon ittoshich bi immitoyichiye; tunetaa hini doyoon ittoshich immitinaꞌo, ittoshi qaabbechinaꞌoani Muusi toonoone.

Mishiraachechinaꞌo 7:8

Ebiyee gubb, Yeeri Abrahamina tookkii wogoon giyiye. Abrahamiyoo hini are wogoona dokireehe. Ebich Abrahami Yisaaqin shiyiꞌi shimitte qemooba dokiriye. Ebiyoommon Yisaaqi bi bushoo Yaaqobin dokiriye; Yaaqobiyoo no qaabbechinaꞌo tuneti aaraa gutte bi bushiisheenaꞌon dokiriye.

Roomi 2:28

“Ayihudee ashoone” iꞌi boonoshi gabiibeeto bulli Ayihudee asho toonoone; bekkeebeeti meenona tuneebeeti dokireyoo ibere dokireyoo toonoone.

Roomi 3:25

Ufeti Yesuus Kiristoosichi damoona asho bi axaaxoyich maaroon bi danemmoyich deejjoon tuniiꞌi Yeeri neechiye; ebi maaroon dano asho hakkemmo, Yesuus Kiristoosi toommooch mullee tooꞌiyoonane. Yeeri ebin bi tuniito bi cadiqittinoon bekkiyoyichiye. Yeeri ebiyee aaf asho shuuneti axaaxoon haaꞌiyoona beshiitone;

Roomi 3:28

Ebich asho Muusichi Sheeroon ceechoona tuneyaanoon, Kiristoosi toommooch mulloon tooꞌiyoona cadiqemmo bi tunoon beeggaabeeto noone.

Roomi 3:30

Ebiyoo dokireeti Ayihudeenaꞌon Kiristoosi toommooch mulloon tooꞌiyoona, dokireyaani Aageteenaꞌonoo Kiristoosi toommooch mulloon tooꞌiyoona cadiqiibeeti ikke Nuggishoo baach beetoyichiye.

Galaati 3:28

Ittoshi bulli Kiristoos Yesuusina, ikkoo tuneto ittoshine. Ebich Ayihudee asho geto woyee Giriikee asho geto aalloone; guuchi yaroo geto woyee doonji yaroo geto aalloone; anaamo geto woyee maachee geto aalloone.

Galaati 6:12

Boonoshi meenona gaaweton tuneree bekkeya qaawii beetinaꞌo dokireebote iꞌi ittoshin yullii beetinaꞌone. Ebin boonoshi tuniibeeto, Kiristoosichi masqalee naboona duꞌo boonoshi toommooch bi shagaachemmoyichiye.

Efesooni 2:11

Ebich ittoshi shiichiꞌi ittoshi shiijjeroona Ayihudo tuneyaani Aagetee asheenaꞌote, ashi kishoona dokireetinaꞌo getteeti Ayihudeenaꞌo daggooch dokireyaaneenaꞌo getteetinaꞌote, ebin gabibote:

Yibbaatoo 10:16

Illa ebich, ebiyee damba Doono Yeerich deꞌa getote. Babberittinoonoo qayote.

Yibbaatoo 30:6

Doono Yeeri ne mulloonaa ne shiijjereenaꞌo mulloona biich deꞌa gettemmoyich tuniyemmone. Ebiyoo ne Nuggishoo Doono Yeerin ceeni ne mulloonaa ceeni ne kashoona ne shunnemmoyich, kashoonoo ne beeyemmoyichiye.

Filipphisiyoosi 3:3

Iberoon dokireeto, Ayaanoona Yeerich goyinneebeeti, Kiristoos Yesuusina geeciibeeti, meechi doyoona geecaani, noani boonoshi tooneenaꞌone.

Yaasi 5:2

Arooba Doono Yeeri Yaasich “Appoon (arifoon) shaammoochee shuuneree, dokireyaani Israꞌeeleenaꞌon dokiribe” iye.

Yaasi 5:4

Yaasi Israꞌeeleenaꞌon dokiriti naboo ebine: Ginee koyoyich bedditi anaaminaꞌo bulli Gibitsee boonoshi kechitoyee gubb, barahoochaa qititinaꞌone.