Halloo 17:1 - Kafa Linguistics Project

¹ Abraami yixenaa yiixiye nati asho bi tunehooba, Doono Yeeri biich bekkeꞌi ishichiye: “Beshe Hakkechi Nuggishoo taane. Bulli aaboon ta getoyich deꞌa getibee beebe. Muricaallo tunebe.

Halloo 17:1 ပူးပေါင်းရင်းမြစ်များ

Halloo 12:1

Ikke areddoon Doono Yeeri Abraamich ishichiye: “Ne showoochee, ne xibeenaꞌo waanee, ne nihoo kexoochee keyiree, neech ta bekkiyemmi showooch hambe.

Halloo 12:7

Doono Yeeri Abraamich bekkeꞌi, “Hini showoon ne yaroyich immemmo taane” iye. Ebich Abraami biich bekketi Doono Yeerich goyinneya, are xaaꞌooch deejjee gudoon shuunehe.

Halloo 16:16

Ebi bushoo Ishmaꞌeeli shiijjehooba, Abraami shinnaa shiritte nati ashoone.

Halloo 18:1

Ikke areddoon, aabee qellayooch Abrahami Mamirichi goree gaꞌooch beeti, bi duukkaanee gaaddaafooch koteꞌi bi beetaa, Doono Yeeri biich bekkehe.

Halloo 18:14

Iberoon Doono Yeerin mawemmi mooyo beete? Waabeeti natooch ebi goora ne waan wotteree woyemmo taane; Saari anaami bushoon shiyemmine” iye.

Halloo 24:40

“Ta doono taach wochii ishichiye: ‘Bulli aaboon bi getoyich deꞌa ta iti Doono Yeeri bi maraakoon neenna tookki daachiyemmone; ne gommonoo neech kaachemmone; ta bushoyichoo ta xibeenaꞌo waanee, ta nihoo kexoochee mecheen deebemmo neene.

Halloo 26:2

Arooba Doono Yeeri biich bekkeꞌi ishichiye: “Neech ta gettemmi showooch kotebani, desh Gibits hammaahine.

Halloo 28:3

Beshe Hakkechi Nuggishoo neen diiribe; shiyi shiijjereree meeti aagetoon ne tunemmoyich tuniibe; ne shiijjereenaꞌonoo meechibe.

Halloo 35:11

Yeeriyoo daakkiꞌi Yaaqobich ishichiye: “Beshe Hakkechi Nuggishoo taane. Shiyi shiijjerebe; meete. Ne shiijjeroochee meeti aagetoo kechemmone. Taateenaꞌo ne waanee shiijjemminaꞌone.

Halloo 43:14

Ittoshi manoo Simooninaa Biiniyaaminon ittoshina tookki wochi bi deejjemmoyich, Beshe Hakkechi Nuggishoo bi mullooch ariqqoon gede. Illa ta bushiishoon ta muccegaata, muccee qayoyee besh amoon halloo hakkehote” iye.

Halloo 46:3

Yeeriyoo biich ishichiye: “Ta ne nihoo Nuggishoo taane. Desh Gibits kindoyich shattaahine. Aroochaa meeti ashechi aagetoon neen tuniyemmo taane.

Halloo 48:15

Aroyee gubb Yaaqobi Yooseefin ishichii diiriye: “Ta nihinihoo Abrahaminaa ta nihoo Yisaaqina boonoshi shaaddo bullin bi aafooch boonoshi tuniiti Nuggishoo, hanaach beddaahaa, ta yemeeno bullin taan quyeti Nuggishoo,

Halloo 48:3

Yaaqobiyoo Yooseefich ishichiye: “Beshe Hakkechi Nuggishoo Kanaanee showooch beeti, Luuzaa taach bekkehe; taanoo aroochaa diiriye;

Halloo 5:22

Matusaalin bi shiyitoyee gubb, keejje balle naton Yeerina tookkii ikkotteꞌi beehe; bare anaami bushiishoonaa maache bushiishoonon shiyihe.

Halloo 5:24

Henooki Yeerina tookkii ikkotteꞌi beehe. Ikke areddoon Yeeri biin daammiye; ebich asheenaꞌo biin guttinnoon beegaaneenaꞌone.

Halloo 6:9

Noohi mooyo ebine: Noohi Sheemi, Kaaminaa Yafeetina getteebeeti keejje anaami bushiishoon shiyihe. Biyoo bi yemeeneexi shiijjeree daggoochee cadiqe ashoonaa Yeerich deꞌa ii beetonane. Noohi Yeerina tookkii ikkotteꞌi beehe.

1 Taateenaꞌo 2:4

Ebin ne tuniigaata, Doono Yeeri taach ‘Ne yareenaꞌo ta getoon boonoshi waayegaata, ta aafooch ceeni boonoshi mulloonaa ceeni boonoshi kashoona gibeneeto tuneꞌi boonoshi giyii keyigaata, Israꞌeelee taatee qeenooch kotemmi asho ne yaroochee mucceyaachemmone’ bi iti qaaro ceennemmone.

1 Taateenaꞌo 3:6

Solomooniyoo ishichiye: “Ne guuno ta nihoo Daawiti, ne aafooch gibeneeto, cadiqoonaa kaame mullechona bi tunetoyich, ooge ne shoodoon bekkiito neene. Ebi ooge ne shoodo bi kuxeyaachemmoyich tuniyaꞌa, bi taatee qeenooch kotemmi bushoon biich hanaach immeto neene.

1 Taateenaꞌo 8:25

“Andoo Israꞌeelee Nuggishoo Doono Yeero, ne guuno tuneti, ta nihoo Daawitich ‘Ta getoon ne waayoommon, ne bushiisheenaꞌo baach ta getoon waayebeetani, ta aafooch, Israꞌeelee taatee qeenooch kotemmi asho ne shiijjeroochee mucceyaachemmone’ iyaꞌa ne gibenikkiti gibenoon ceechibe.

2 Taateenaꞌo 20:3

“Doono Yeero, gibeneeto ta tunoon, ceeni ta mulloona neech ta maddoon, ne aafooch gaawe mooyon ta tuniyoonoo and ne shalligemmoyich neen qollehoye” iye; girgittiinoo eeppiye.

Iyoobi 1:1

Uutsee showooch Iyoobi getteebeeti ikke uro beehe. Biyoo ikke oonaalli kaamoo, Doono Yeerin shattiibeeto, gonde mooyoocheenoo wokkiti uroone.

Iyoobi 11:7

“Yeerichi maacee mooyon maqqiꞌi ariyoon hakkenne? Beshe Hakkechi Yeerichi moochi ciiroon ariyoon hakkenne?

Shoddo 115:3

No Nuggishoo shimaayoochiye; biin emirikkimmon tuniyemmone.

Shoddo 116:9

Kashechinaꞌo beeti hini showoochaa Doono Yeeri aafooch shaꞌemmo taane.

Shoddo 25:14

Doono Yeeri biin shattii beetinaꞌoyich maaci bi mooyon aachaache; bi wogoon boonoshi ariyemmoyich tuniihe.

Keyo 6:3

Beshe Hakkechi Nuggishoo ta tunoon arichiyoona, Abrahamich, Yisaaqich, Yaaqobichoo bekketo taane. Tunebaani Doono Yeeri ii beeti ta shigoona boonoshich bekkeyaano taane.

Shaahiyoo 10:9

Deꞌe asho keqqaalloon shaꞌehe; tunebaani bi gommon xummiibeeto yecheyemmone.

Isiyaasi 38:3

Ishichiinoo iye: “Doono Yeero, gibeneeto ta tunoon, ceeni ta mulloona neech ta maddoon, ne aafooch gaawe mooyon ta tuniyoonoo and ne shalligemmoyich neen qollehoye” iye; girgittiinoo eeppiye.

Erimiyaasi 32:17

“Nuggishoo Doono Yeero, shimaayoonaa showoonon ooge ne hakkoona wottoo yaggeeti ne mochoona hallito neene; neen mawemmi mooyo amolla aalloone;

Daaneeli 4:35

Showooch beeti asheenaꞌo bulli bi aafoochaa am bedaaneenaꞌone; shimaayooch beeti maraakeenaꞌo toommooch, showooch beeti asheenaꞌo toommoochoo bi shunnimmon tuniihe. Biin bajjemmo, woyee “Ebi ne tuniibeeto, amoone?” gettemmo aalloone.

Mikiyaasi 6:8

Ashoocho, Doono Yeeri gaaweto tuneti mooyon gettitone! Doono Yeeri ne waanee bi qaawiibeeto, dayinnetoon ne dabiyaachemmoyich, shoodecho ne tunemmoyich, ne qelloon giishiiree ne Nuggishoona tookki ne beeyemmoyichiye.

Haddoo 11:23

Doono Yeeri Muusich, “Iberoochaa Doono Yeeri ta kishoo qaminone? Ta qaaroo bi ceenonaa ceeni qayonon and beeggemmo neene” iye.

Haddoo 24:16

Yeerichi qaaroon waayeebeeto, Beshoo Yeer waanee ariyoon daneto, Beshe Hakkechi Yeerichi yaaꞌoon beeggiibeeto, showooch guufeto, bi aafoo gaxxeeto, ishichiye:

Maatiyoosi 19:26

Yesuusi boonoshin ciinniꞌi, “Asho hini mooyon tuniyoo hakkaache; tunebaani Yeeri bulli mooyon tuniyoyich hakkechone” iye.

Maatiyoosi 5:48

Illa shimaayeexi ittoshi Nihoo Yeeri deꞌo bi tunetoommon, ittoshiyoo wotta deꞌoon tunebote” iye.

Luqaasi 1:6

Gutteenaꞌoo Doonochi getoonaa qociyonoochee ikkoonolla shappayaanoon ceechii beetinaꞌone; Yeeri aafoochoo cadiqeenaꞌone.

Mishiraachechinaꞌo 23:1

Arooba Phawuloosi Ayihudee nallechinaꞌon manjii ciinniꞌi, “Ta maneenaꞌote! Hanaach beddaahaa Yeeri aafoochaa ta shuuneti shuunoyich ta mullo taan ittibateyaache” iye.

Mishiraachechinaꞌo 24:16

Ebich Yeerinaa asheenaꞌonochi aafooch bulli aaboon ittibateyaani mulloona beemoyich qiiccaabeeto taane.

Efesooni 3:20

Illa noonna bi shuuneebeeti bi giidoommon no qollaa beetoyee woyee no gabaabeeto bulliyee beshaa beshiiꞌi tuniyoon hakkiibeeti Yeerich,

Yibbaatoo 10:17

Ittoshi Nuggishoo Doono Yeeri, nuggisheenaꞌochi Nuggishoonaa dooninaꞌochi Doononane. Biyoo giidecho, hakkechonaa shattiitona tuneti Nuggishoone. Ashoon barbariiꞌi heppaache; xuccoonoo maataache.

Yibbaatoo 18:13

Ne Nuggishoo Doono Yeeri aafooch ikke oonaalli ashoon tunebe” iye.

Yibbaatoo 30:20

Ne Nuggishoo Doono Yeerin shune. Bi qaaroon waayebe. Biinna tookkishoo ikkottebe. Ebina ne qaabbechi Abrahamich, Yisaaqinaa Yaaqobinoyich imma bi wogeti showooch neennaa ne shiijjeroona meeti yemeenoon kashoona beeyemmo ittoshine” iye.

Filipphisiyoosi 4:13

Giidoon taach immiibeeti Kiristoosina bulli mooyon tuniyoon hakkaabeeto taane.

Hibireena'o 12:28

Ebich shuuraachemmi taatittinoon deqqemmo no tunetoyich, Yeerin galletebone; biin emirikkiibeeti gommona oogii shatibee biich goyinnebone.

Hibireena'o 7:25

Biyoo boonoshicha iꞌi shoobba bulli aaboon kashoona beetone; ebich wotta bi waanaa Yeer waan giddee beetinaꞌon andoo bulli yemeenoonoo wodiyoon hakkiye.