Halloo 15:16 - Kafa Linguistics Project

¹⁶ Ne shiijjereenaꞌo hiniich wotteree boonoshi woyemmo, awuddinnee shiijjeroobaniye. Ebichi wottoon boonoshi yagemmo, hini Amooreenaꞌochi axaaxoo oogichii woddemmi wottooniye” iye.

Halloo 15:16 ပူးပေါင်းရင်းမြစ်များ

Halloo 10:16

Wotta Kanaanichi bare shiijjereenaꞌo Yebuseenaꞌo, Amooreenaꞌo, Girigaasheenaꞌo,

Halloo 15:13

Arooba Doono Yeeri Abraamich ishichiye: “Ebin manjii ariibe; ne shiijjereenaꞌo ashi showooch shiqqoo tunemminaꞌone; are showeexi asheenaꞌo guunon tunii awudde balle naton boonoshin neexi hajjemminaꞌone.

Halloo 48:21

Ebiyee gubb, Israꞌeeli Yooseefich ishichiye: “Ta qitemmi aabo shaggitone; tunebaani Yeeri ittoshina tookki tunemmone; ittoshi qaabbechinaꞌo showooch ittoshin wochi daammemmone.

Halloo 50:24

Yooseefiyoo bi maneenaꞌoyich ishichiye: “Ta and qita beddeto taane. Yeeri iberoon ittoshin gaacheya woyemmone; hini showoochee ittoshin kichemmone. Abrahamich, Yisaaqinaa Yaaqobinoyich bi wogeti showooch ittoshin giijjemmone” iye.

1 Taateenaꞌo 21:26

Doono Yeeri Israꞌeeleenaꞌo aafoochee yookkii kichiti Amooree asheenaꞌo tuniitoommon, biyoo shahalloyich goyinnee maddoona oogichii ciigiiti shuunoon shuunehe.

2 Taateenaꞌo 21:11

“Yihudee taatoo Minaasi ebi ciigiiti mooyon tuniitone. Biyee shiichiꞌi beebee echeti Amooree asheenaꞌo tuniitoyee beshe gondoon tuniihe. Bi shuuneti shahalleenaꞌona Yihudee asheenaꞌon axaaxoo shuuniihe.

Shoddo 105:43

Ebich bi asheenaꞌon emiroona, bi kaaccitonoo ililoona yaabii kichiye.

Keyo 12:40

Israꞌeeleenaꞌo Gibits boonoshi yagito, awudde ballaa shaashe natone.

Keyo 13:3

Aroochee Muusi asheenaꞌoyich ishichiye: “Gibitsee showee guuchittinoochee ittoshi kechiti hini aaboon shalligibote. Ebiyoo, Doono Yeeri giidechi bi mochoona ebi showoochee ittoshin bi kichitoyichiye. Shittoo giyiti amee koshonolla maayaahote.

Keyo 13:4

Hanaachi areddoo, ebiyoo nati batti batti ageno Abiibi agenooba Gibitsee kechito ittoshine.

Daaneeli 8:23

“Boonoshi taatittinee ciirooba, asheenaꞌochi axaaxoo oogichi woddemmone; ebiyooba aaf gondoonaa marechona tuneti taatoo taatemmone.

Leweenaꞌo 18:24

“ ‘Ebi mooyoochee ikkoonolla ittoshi qelloon eeꞌiyaahote. Ittoshi aafoochee yookkaa ta kichaabeeti aageteenaꞌo bulli ebina boonoshi qelloon eeꞌiitinaꞌone.

Yibbaatoo 9:4

“Ne Nuggishoo Doono Yeeri boonoshin ne aafoochee yookkii bi kichitoyee gubb, ‘Doono Yeeri hini showoon ta hajjemmoyich hiniich taan bi deebito, ta cadiqittinoochee tiyitonane’ getiree ne mulloona gabiyaahine. Doono Yeeri ne aafoochee ebi aageteenaꞌon yookkii bi kichiibeeto gonde asheenaꞌo boonoshi tunetoyichani, ne cadiqittinoochee tiyitona toonoone.

Yibbaatoo 9:5

Boonoshi showoon woraashiya arooch ne giyaabeeto, cadiqe asho ne tunetoyich woyee ne mullee kaamoyich toonoone. Ne Nuggishoo Doono Yeeri ne aafoochee boonoshin yookkii bi kichiibeeto, gonde asheenaꞌo boonoshi tunetoyich, wottoo ne qaabbechinaꞌo tuneti Abrahamich, Yisaaqinaa Yaaqobinoyich bi wogeti wogoon ceechoyichiye.

1 Tasaloonqi 2:16

Aageteenaꞌo waayeree wodemmi Yeerichi qaaroon no getaachemmoyich bajja qiicceheete. Ebin tuniyoona bulli aaboon boonoshi shuuneebeeti axaaxee toommooch wotta hinin daakkiyeete. And ciiroochaa Yeerichi kaaree shiixxoo boonoshi toommooch shaggitone.