Halloo 15:1 - Kafa Linguistics Project

¹ Ebi mooyoyee gubb, Doono Yeeri yaaꞌoona Abraamich ishichiye: “Abraamo, shattaahine. Ta neen gaachoochoommon quyemmo taane; neech ta immemmi wojjoo oogeti woddoone” iye.

Halloo 15:1 ပူးပေါင်းရင်းမြစ်များ

Halloo 15:2

Abraamiyoo “Nuggishoo Doono Yeero, bushaallo ta tunetoyich, taach ne immemmi mooyo taach amoon hallehe? Taach beeto bullin woraashemmo, hini Damaasiqee asho Elezeerine.

Halloo 15:4

Arooba Doono Yeeri wochinnoon Abraamich ishichiye: “Neech beeto bullin woraashemmo, ne gutenoochee kechemmi, ne hajjee bushoani, hini uro toonoone” iye.

Halloo 21:17

Yeeri bushoochi eefon waayehe. Yeerichi maraakoo shimaayoochaa Haggaarin ceeggiꞌi ishichiye: “Haggaare, akkitine? Yeeriyoo ne bushoo eeppiti eefon waayetone. Ebich shattaahine.

Halloo 22:1

Ebi mooyinaꞌo tunetoyee gubb, Yeeri Abrahamin biich deꞌa bi getonaa getti bi qayonon beegga qaawiye. Ebich “Abrahamo!” ii ceeggiye. Abrahamiyoo eekkehe.

Halloo 22:20

Ebiyee gubb, Abrahami bi manoo Nakoori Milik waanee anaami bushiishoon bi shimon waayehe.

Halloo 26:24

Aroobee xum Doono Yeeri biich bekkeꞌi ishichiye: “Ta ne nihoo Abrahami Nuggishoo taane. Shattaahine; ta neenna tookkaa beeto taane. Neen diiremmo taane; ta guuno Abrahamicha getiree ne shiijjereenaꞌon meechemmo taane” iye.

Halloo 31:7

Tunebaani ta shumaayoyich aashire wottoon bi heciyoon shaddiibee taan dawushiye; tunetaa ta toommooch gonde mooyon bi deebemmoyich Yeeri daaggaanoone.

2 Saameeli 22:3

ta Nuggishoo, shoobbii taan wodiibeeti deebe xaqqo, gaachoochoommon taan qeriibeeto, giidechi wodiyecho, bi shoobooch giyiree ta wodemmi, ta deeboone; taan wodiyecho, xuꞌechinaꞌo kishoochee taan wodii beetone.

2 Taateenaꞌo 1:15

Doono Yeerichi maraakoo Eliyaasich, “Biinna tookki kindibe; biinoo shattaahine” iye. Ebina Eliyaasi tiyiꞌi, biinna tookkii taatoo waan hammiye.

1 Kiinoo 28:20

Aroochee Daawiti bi bushoo Solomoonich ishichiye: “Illa kupphebe; maaci kuxo tunebe; shuunoonoo wonnibe; ta Nuggishoo Doono Yeeri neenna tookkii bi tunetoyich shattaahine; keqqiyaahine. Biyoo ebi yaafee kechi shuunoo ciiremmi wottoon neen qayaachemmone; neen dufaachemmone.

Shoddo 115:10

Haroonichi kechi asheenaꞌote, Doono Yeerin gibenebote; ittoshi degoonaa ittoshi gaachoona biine.

Shoddo 119:114

Ne, taach shoobi xaaꞌoonaa gaachoona neene; ne qaaroon gibenehoye.

Shoddo 142:5

Doono Yeero, ne waan cookiyoye; “Ne, ta deebo neene; kashechinaꞌo beeti hini showoochaa ta qoodee iristo neene” iyoye.

Shoddo 18:2

Doono Yeeri ta deebe xaqqo, ta mishigo, taan wodiyecho, ta Nuggishoo, shoobbii taan wodiibeeti deebe xaqqo, gaachoochoommon taan qeriibeeto, giidechi wodiyecho, bi shoobooch giyiree ta wodemmi, ta deeboone.

Shoddo 27:1

Doono Yeeri taach bekkoonaa taan wodiyechonane; ta shattemmo koniniye? Doono Yeeri ta kasheyich deeboone; taan keqqichemmo konine?

Shoddo 3:3

Tunebaani Doono Yeero, gaachoochoommon taan deebaabeeto neene; taach oogoon immaabeeto, ta qettimixon qaalliyaabeeto neene.

Shoddo 3:4

Doono Yeer waan oogii cookemmo taane; biyoo bi yaafee geppoochaa taach wochemmone.

Shoddo 5:12

Doono Yeero, cadiqe asheenaꞌon diirihine; boonoshin shunnaꞌa, gaachoochoommon boonoshich deebo tunehine.

Shoddo 58:11

Ebiyooba asheenaꞌo “Iberoochaa cadiqe ashich bi shuunee gatiyoo beetone; showee toommooch nallechi Nuggishoo beetone” gettemminaꞌone.

Shoddo 84:11

No Nuggishoo Doono Yeeri nooch aaboommonaa gaachoommonane; biyoo gaawe aafoona noon ciinnemmone; oogoonoo nooch immemmone. Doono Yeeri, kaamoona hammii beetinaꞌoyich, deꞌe mooyon ciroona muccii ariyaanoone.

Shoddo 84:9

Yeero, no gaachoon tuneti no taatoo waan ciine; ne huutteton gaawe aafoona ciine.

Shoddo 91:4

Bi qoshoona neen qeremmone; bi qoshee dechiich shoobo danemmo neene; bi gibeneyoo neech gaachoonaa deeboonon tunemmone.

Keyo 14:13

Muusiyoo asheenaꞌoyich ishichiꞌi wochiye: “Shattaahote; kuppheree neexebote. Doono Yeeri aabichiree ittoshin bi wodiyemmo gaata beeggemmo ittoshine. Hanaach ittoshi beeggiibeeti Gibitseenaꞌon guttinnoon beegaachemmo ittoshine.

Shaahiyoo 11:18

Gonde asho daneebeeti mooyo gaacaalloone; tunebaani deꞌe mooyon tuniibeeto, gaawe gatiyoon danehe.

Shaahiyoo 30:5

Yeerichi qaaro iberoone; biin gibenee beetinaꞌoyich gaachoone.

Isiyaasi 35:4

Boonoshi mullo shattii beetinaꞌon “Kupphebote; shattaahote; ittoshi Nuggishoo nichoon kichiya, boonoshi shuuneton boonoshich shuuneree, ittoshin wodiiya, woyemmone” getote.

Isiyaasi 40:10

Nuggishoo Doono Yeeri ooge bi giidoona waa beetone; kupphe bi mochoona hajjemmone. Bi waabeeto, bi gaaccemmi gaacoon, bi immemmi shuunee gatiyoon, yechiꞌiniye.

Isiyaasi 41:10

Ta neenna tookkaa ta tunetoyich, shattaahine; ne Nuggishoo ta tunetoyich, keqqiyaahine; ta neen kupphiyemmo taane; neen gaachemmo taane; cadiqe ta mochoona neen deggemmo taane.

Isiyaasi 41:14

Hipperoommi Yaaqobo, Israꞌeelee ashoocho, shattaahine; Doono Yeeri ta neen gaachemmo taane; neen Biishee Wodiyechi Israꞌeelee Yaafoo taane.

Isiyaasi 43:1

Yaaqobo, Israꞌeelo, neen halliti, Doono Yeeri and ishichii beetone: “Neen biisheto taane; shattaahine; ne shigoona neen ceeggeto taane; ne taacho neene.

Isiyaasi 43:5

Ta neenna tookkaa ta tunetoyich shattaahine; aabi-keyo waanee, aabi-gimo waaneenoo, ne shiijjereenaꞌon kici deebemmo taane.

Isiyaasi 44:2

Neen halliti, maacooch neen shuuneti, neen gaachaabeeti Doono Yeeri ta, ishichaabeeto taane: Ta guuno Yaaqobo, ta kaacceti Israꞌeelo, shattaahine.

Isiyaasi 44:8

Shattaahote; keqqiyaahote; wonnee tiijjaꞌa ittoshich getaano taane? Ittoshi ta miixoo ittoshine; tayee bare nuggishoo beete? Tayee bare Xaqqee Inderoo aalloone; koninolla ariyaache” iye.

Isiyaasi 51:12

Doono Yeeri ishichiye: “Ittoshin goggiyemmo ta qelloona taane; qitemmi ashich, mocoo shoolloommon shoollemmi ashi bushiishoyich, ittoshi shattiibeeto amoyichiye?

Erimiyaasi 39:17

Tunebaani ebiyooba ta, neen wodiyemmo taane, iye Doono Yeeri. Ne shattaabeeti asheenaꞌo kishooch beshiitaa icheyaachemmo neene.

Shoosho 3:24

Ta kashee, “Doono Yeeri ta qoodee iristo bi tunetoyich, biin gibenemmi taane” iyan.

Hiziqeeli 1:1

Shaashinnee natooba, awuddinnee agenee uuchinnee qemooba Kebaari aachi gashooch, keccetinaꞌo daggooch ta beetaa shimaayoo qecheetaa Yeerichi yaaꞌoon beeggeho.

Hiziqeeli 11:24

Ebi taach bekketi yaaꞌoona Yeerichi Ayaano taan kaama tiijjiꞌi Baabloonee showooch beeti keceenaꞌo waan deebiye. Aroochee ta beeggeti yaaꞌoo ta waanee kuxehe.

Hiziqeeli 3:4

Aroochee taach ishichiye: “Ashi bushoocho, tiyiree Israꞌeelee macceenaꞌo waan hambe; ta qaaroonoo boonoshich gete.

Haddoo 12:6

Ishichiinoo iye: “Ta gettaa beeton waayebote. Ittoshi daggooch keemecho bi beegaata, Doono Yeeri ta, yaaꞌoona biich bekkaabeeto taane; gumonoo biich gettaabeeto taane.

Haddoo 18:20

Doono Yeeri Haroonich ishichiye: “Israꞌeelee showoochee ne woraashemmi iristo amolla aalloone; Israꞌeeleenaꞌo daggoochee ne qoodeyemmi qoodoo amolla aalloone. Boonoshi daggooch neech, ne qoodoonaa ne iristoona taane” iye.

Haddoo 24:4

Yeerichi qaaroon waayeebeeto, Beshe Hakkechi Nuggishoochi yaaꞌoon beeggiibeeto, showooch guufeto, tunebaani bi aafo gaxxeeto, ishichiye:

Maatiyoosi 28:5

Hini are maraakoo genneenaꞌoyich ishichiye: “Haanoshite, shattaahote. Yoodaa qititi Yesuusin ittoshi qaawoon ariibeeto taane.

Maatiyoosi 8:26

Biyoo “Hini, ta toommooch mulloon tooꞌiyaaneenaꞌote, amoyich shattii beetote?” iye. Ebiyee gubb, tiyiꞌi yongoonaa baharee aachi aayonon noggehe; bekkech shashewimiye.

Luqaasi 1:13

Tunebaani are maraakoo ishichiye: “Zakaariyaaso, shattaahine; Yeeri ne corootiti corootoon waayetone. Ne mechee Elsabeexi anaami bushoon neech shiyemmine; bi shigoonoo Yowannisi getiree shigiyemmo neene.

Luqaasi 1:30

Maraakoo biich ishichiye: “Maariyame, shattaahine! Yeeri gaawe aafoona neen ciinnitone.

Luqaasi 12:32

“Hini giisheche ta shiisheenaꞌote, shattaahote. Bi taatittineen ittoshich imoyich ittoshi Nihoo Yeeri oogichiꞌi emiritone.

Mishiraachechinaꞌo 10:22

Boonoshiyoo “Noon wocheto cadiqoonaa Yeerich hajjee beetona, Ayihudee aagetoo bulli oogiibeeti balle ginee iraashoo Qorineloosine. Biyoo noon bi wocheto, ‘Pheexiroosin ne kexooch ceekkiiree, bi gettimmon waayebe’ iꞌi yaafe maraakoo biich bi gettitoyichiye” iyeete.

1 Qorontoosi 3:22

Phawuloosi tuneba, Aphiloosi tuneba, Keefi tuneba, hini alemo tuneba, kashoo tuneba, qitoo tuneba, beetoo tuneba, woyemmo tuneba, eboshi bulli ittoshichinaꞌone;

Yibbaatoo 18:2

Boonoshi maneenaꞌo daggooch iristo boonoshich beetaachemmone. Boonoshich bi gettitoommon, boonoshi iristo Doono Yeerine.

Yibbaatoo 31:6

Kupphebote; maaci kuxo tunebote. Boonoshin shati keqqiyaahote. Ne Nuggishoo Doono Yeeri neenna tookkii hammii beetone; neen dufaachemmone; neenoo qayaachemmone” iye.

Hibireena'o 1:1

Wonnee yemeenoochee tiijjiꞌi, Yeeri wodde wottoon baribare gommona no qaabbechinaꞌoyich keemechinaꞌochi noonoona gettiye.

Yaaꞌoo 1:17

Biin ta beegiyooba, qititi ashoommon shaahaꞌa bi baatooch dihiyo. Biyoo bi qanne kishoon ta toommooch kotiihe; ishichiinoo iye: “Shattaahine! Shiichoonaa Tacona taane.

Ruuti 2:12

Ebi ne tuniiti deꞌe mooyoyich Yeeri neech deebe; bi quyoon qaawaꞌa bi qoshee dechiich ne giyeti, Israꞌeelee Nuggishoo Doono Yeeri gaawe mooyon neech ceenoona imbe” iye.

1 Saameeli 15:10

Doono Yeeri Saameelich ishichiye:

1 Saameeli 9:9

Saaꞌooliyoo bi aafee bushoyich “Ebi gaawe gaboone. Ne waataa hambone” iye. Ebina Yeer asho beeti katemooch hammiyeete. Are katemooch shagoyich geppoon kechiibee, aacon kitta kechiibeeti maache bushiisheenaꞌona daneheete. Boonoshiyoo “Yaaꞌecho hini katemooch beete?” iꞌi echeheete. Wonna Israꞌeeleenaꞌo waanaa ikke asho Yeer waanee eche waayeya bi hamigaata, “Ittoshi waataa yaaꞌecho waan hambone” ii beetone. Ebiyoo keemecho, arooba yaaꞌecho bi gettee beetoyichiye.