Halloo 14:22 - Kafa Linguistics Project

²² Abraami Sodoomi taatoyich ishichiye: “Shimaayoonaa showoonon halliti, Beshe Nuggishoo Doono Yeer waan ta kishoon kaama tiijjaꞌa wogehoye.

Halloo 14:22 ပူးပေါင်းရင်းမြစ်များ

Halloo 14:21

Ebiyee gubb, Sodoomi taatoo Abraamin “Kecoochee ne wochiti gijjoo bullin neech tuniichi, ta asheenaꞌon baach taach imbe” iye.

Halloo 17:1

Abraami yixenaa yiixiye nati asho bi tunehooba, Doono Yeeri biich bekkeꞌi ishichiye: “Beshe Hakkechi Nuggishoo taane. Bulli aaboon ta getoyich deꞌa getibee beebe. Muricaallo tunebe.

Halloo 21:33

Abrahamiyoo Beershaab tamariskee mixon bechiye. Aroochaanoo Bulli Yemeenee Nuggishoo, Doono Yeerich goyinnehe.

2 Saameeli 2:5

Daawiti ebin bi waayehooba, Gilaadee showooch beeti Yabeeshi asheenaꞌo waan wocheyechinaꞌon daachiiꞌi ishichiye: “Ittoshi doono Saaꞌoolich ebi shaahoon gibeneeto ittoshi tunetoyich, bi dubenoonoo ittoshi duukkitoyich, Doono Yeeri ittoshin diiribe.

2 Taateenaꞌo 5:16

Tunebaani keemecho, “Biich ta maddaabeeti, beeyechi Doono Yeeri beege; amoonolla deꞌaache” iye. Bi deqqemmoyich Naꞌimaani qollee xuuxiihe; tunebaani Elisayi qajjiye.

1 Kiinoo 29:11

Doono Yeero, shimaayoonaa showoonooch beeto bulli neecho bi tunetoyich, oogo, giidoo, oogee yiiroonaa wudoona neechone; taatittinoo neechone. Newoo bulliyee beshiti taatoo neene.

Shoddo 144:11

Boonoshi noonoo kootoon yibbaateebeeti, qanne kishoon tiijjiꞌi kootoon wogeebeeti, dallaaweenaꞌo kishoochee taan wodiibe.

Shoddo 144:8

Boonoshi noonoo kootoon yibbaatehe; qanne kishoon tiijjiꞌi boonoshi wogeebeeto kootooniye.

Shoddo 24:1

Showoonaa arooch ceennito bullina Doono Yeerichone; showoonaa showee toommeexi asho bullina biichone.

Shoddo 83:18

Ne shigo Doono Yeeri tuneti ne baach, showoo bulli toommooch Beshoo Yeeri ne tunoon ariibeete.

Keyo 6:8

Abrahamich, Yisaaqinaa Yaaqobinoyich imma ta wogeti showooch ittoshin giijjemmo taane; ittoshi hajjoon tuniiree ittoshich immemmo taane. Ta, Doono Yeeri taane’ itone gete” iye.

Isiyaasi 57:15

Beshoo, beshaa beshe oogoo, bulli yemeenoon beeyecho, bi shigo Yaafoo tuneto ishichii beetone: “Damba wohonaa yaafoona tuneti xaaꞌooch beehoye; tunebaani wotta boonoshi qelloon giishiitinaꞌonaa boonoshi mullo tiishetinaꞌona tookkaa beehoye. Ebiyoo boonoshi qelloon giishiitinaꞌon, boonoshi mullo tiishetinaꞌonoo kupphiyoyichiye.

Daaneeli 12:7

Aacoyee tookk beeti, muttee tuppoochee shippeti tahoon taheti ebi maraakoo bi gutte kishoon shimaayooch tiijjiꞌi, “Ebi keejje nattaa qatooch ceennemmone. Yaafeeti asheenaꞌochi giidoo ciirehooba, ebi mooyo bulli ceennemmone” iꞌi, bulli yemeenoon beeyecho tuneti Yeerichi shigoon ceeggii bi wogaa beetaa waayeho.

Daaneeli 4:34

Shabaatte nato beshetoyee gubb, ta, Nabukadinatsori, ta aafoon kaachaꞌa damba shimaajj ciinnehoye; ta mulloo yechiye. Beshoo Yeerinoo galletehoye; bulli yemeenoon beeyechoyichoo naadoonaa galletoonon bechiyoye. Biyoo bulli yemeenoon taatemmone; bi taatittino shiijjeroochee shiijjerooch beddaahaane.

Haagi 2:8

Birewoo taachone; aachoo taachone.

Yibbaatoo 10:14

“Shimaayoonaa shimaayeexi shimaayoona, showoonaa bi toommooch beeti mooyo bullina ne Nuggishoo Doono Yeerichone.

Yibbaatoo 32:40

Beeyechi Nuggishoo Yeeri ta tunoona, ta kishoon tiijjaa wogehoye.

Woraaferasheenaꞌo 11:35

Biin bi beeggiyooba, ayinoona bi tahoon keexxiꞌi “Ye ta busheene! Taan aalliinne! Taan xuuxee toommooch duppenne! Echiyoon ta hakkaani mookkoon Doono Yeerich mookketo taane” iye.