Halloo 14:20 - Kafa Linguistics Project

²⁰ Ne etteenaꞌon ne kishooch beshii immiti, Beshe Nuggishoo Yeeri diireebe” iye. Abraamiyoo kecoochee bi daneto bulliichee aashiroochee ikke beeroon biich immiye.

Halloo 14:20 ပူးပေါင်းရင်းမြစ်များ

Halloo 14:21

Ebiyee gubb, Sodoomi taatoo Abraamin “Kecoochee ne wochiti gijjoo bullin neech tuniichi, ta asheenaꞌon baach taach imbe” iye.

Halloo 24:27

ishichiinoo iye: “Gibeneeto tuneꞌi bi shoodoon ta doono waanee wokkiyaani, ta doono Abrahami Nuggishoo, Doono Yeeri, galleteebe; taanoo ta doonochi xibeenaꞌo kexooch yaabiye” iye.

Halloo 28:22

hini ta neechiti xaqqo Yeeri ne kexo tunemmone; taach ne immemmi mooyo bulliicheenoo aashiroochee ikke beeroon neech immemmo taane” iye.

Halloo 47:24

Tunebaani maayi qecci goorooch, uuchoochee ikke beeroon Faroonich giijjemmo ittoshine. Awudde beeroon wotta ittoshi shookkemmi yaroo, ebiyoommon ittoshich, ittoshi kechi asheenaꞌonaa ittoshi bushiishoonoyich maayo tuniyemmo ittoshine” iye.

Halloo 47:26

Ebich Yooseefi “Shaggiti maayoochee uuchoochee ikke beeroo Faroonich gibe” immi sheeroon Gibitsee showooch neechiye. Ebi sheeroo hanaach beddaahaa shuunee beetone. Ebiyooba Faroonichi kishooch giyaani showoo qeesheenaꞌo showoo baachiye.

Halloo 9:26

Daakkiinoo ishichiye: “Sheemichi Nuggishoo, Doono Yeeri diireebe! Kanaani Sheemich guuno tunebe!

2 Saameeli 18:28

Ahimaaziyoo taatoo waan cookiibee, “Mooyo bulli kaametone” iye. Aroochee baroona showooch guufeechii ishichiye: “Taatoo ta doono toommooch tiyiti asheenaꞌon beshiiꞌi immiti, ne Nuggishoo Doono Yeeri galleteebe” iye.

2 Kiinoo 31:12

Aroochee maayi buuroon, asraatoonaa Yeerich kechiti wojjeenaꞌonon gibeneyoona deebiꞌi arooch geddiyeete. Lewoo Konaniyi ebi qiiceenaꞌo toommooch ukkirehe. Bi manoo Shimeꞌiyoo ukkirittinoona biyee guttinnoone.

Nehimi 10:37

“Daakkiree wotta buddinoochee, no maayi wojjoochee, aafo manjeebeeti mixo bulli aafoochee, woyinee uyoonaa zayitoonoochee cilloon no Nuggishoo kexooch, qeesheenaꞌo waan deebemmo noone. Leweenaꞌo no katemoo bulliich gocheebeeti maayoochee asraatoon deqqii beetinaꞌo boonoshi tunetoyich, no maayoochee asraatoon boonoshi waan deebemmo noone.

Nehimi 13:12

Arooba Yihudee asheenaꞌo bulli, maayoochee, woyinoonaa zayitoonoochee asraatoon qiicee kexinaꞌooch deebiyeete.

Shoddo 144:1

Ginoon ta koyemmoyich ta kishoon, koyoon ta koyemmoyich ta mochoon dojjiti, ta Deebe Xaqqo Doono Yeeri galleteebe!

Shoddo 44:3

Showoon boonoshi woraashito boonoshi goraadoona toonoone; wudoon boonoshi daneto boonoshi mochoona toonoone; boonoshina emiraa, ne aafoon boonoshich ne biriitoyich, ebin tuniito, ne qanne kishoonaa ne mochoonane.

Shoddo 68:19

Qemi qemona no shaagoon shaaggiibeeti, Doono galleteebe; Nuggishoo noon wodiyechone.

Keyo 18:10

Ishichiinoo iye: “Gibitseenaꞌo kishoonaa Farooni kishoonoochee ittoshin wodiiti Doono Yeerich galleto bede.

Amootsi 4:4

Doono Yeeri ishichiye: “Israꞌeeleenaꞌote, akehe, cikki Beeteel beeti goyinnee xaaꞌooch hamiree axaaxoon shuune beebote! Galigal hamiree ittoshi hakkimmi wottoon axaaxoon shuune beebote! Maaddi maaddoona deejjee gijjoon, keejj keejje qemona asraatoon giddii beebote!

Milikiyaasi 3:10

Ta kexooch bede maayo bi beeyemmoyich, asraatoon ceenoona gotooch giijjibote. Shimaajji mallee kelloon qechaꞌa beddii echeti diiroon ittoshich ukkoon ta qayigaata, ebina taan beegote.

Milikiyaasi 3:8

“Asho Yeerin gaajjiibeetone? Tunebaani ittoshi taan gaajjito ittoshine. “Ittoshiyoo ‘Aabichireeshiye neen no gaajjemmo?’ ito ittoshine. “Taan ittoshi gaajjito, asraatoonaa wojjoonon taach giddiyee qayonane.

Haddoo 28:26

“ ‘Qaabbe Maayi Qeci Baarooba, andire maayi cilloon Doono Yeeri taach ittoshi giddiibeeti Maayi Qeci Baarooba, taach goyinnoyich ittoshi kiceyemmi yaafeeti aabo tuniibote. Shuunoon shuuneyaahote.

Luqaasi 18:12

Shabaattee daggooch gutte wottoon coomaabeeto taane; ta danaabeeto bulliichee asraatoon neech kichaabeeto taane’ iꞌi corootiye.

Roomi 15:16

Yeeri ebi wojjoon taach bi immito Aageteenaꞌoyich Kiristoos Yesuusichi maddecho ta tunemmoyichiye. Aageteenaꞌo Yaafe Ayaanoona yaafeeree Yeerina shucheti deejjoommon boonoshi tunemmoyich, Yeer waanee taach icheti mishiraachee qaaroon gettaabee qeeshoochoommon maddaabeeto taane.

Efesooni 1:3

Kiristoosicho no tunetoyich shimaajji xaaꞌooch beeti Ayaanee diiroo bullina noon diiriti, no Doono Yesuus Kiristoosichi Nuggishoonaa Nihoona tuneti Yeeri galleteebe.

Yibbaatoo 12:17

Ne maayoochee, ne woyinee uyoonaa ne zayitoonoochee ne kichiti asraatoon woyee ne gijjoochee shiichii shiijjeton woyee Doono Yeerich ne mookketi ne tiikkeshoo amoonolla woyee ne mullee daaggoona ne immaabeeti mooyo woyee bare wojjoo amoonolla, ne katemoochaa maayaahine.

Yibbaatoo 14:23

Bulli aaboon ne Nuggishoo Doono Yeerin shaton ne doyemmoyich, ne maayoochee, woyinee uyoonaa zayitoonoochee asraatoon, wotta ne miimoochee, bagoonaa emmishoonoochee shiichii shiijjeton, bulli aaboon biich ittoshi goyinnemmoyich bi kaacciti xaaꞌoochaa, ne Nuggishoo Doono Yeeri aafoochaa mame.

Yibbaatoo 14:28

“Keejj keejje nati ciirooch, ne maayo bulliichee asraatoon deebi ne katemee daggooch kicibe.

Yaasi 10:42

Israꞌeeleenaꞌo Nuggishoo Doono Yeeri Israꞌeeleenaꞌo qoodoon koyeto bi tunetoyich, Yaasi ebi taateenaꞌo bullinaa boonoshi hajjiibeeti showoonon ikkinnee hamona kochii yechiye.