Halloo 13:8 - Kafa Linguistics Project

⁸ Ebich Abraami Looxich ishichiye: “Neennaa taanna xiboo noone. No daggooch, ne qiddeenaꞌonaa ta qiddeenaꞌona daggoochoo kaaro beeyaaye.

Halloo 13:8 ပူးပေါင်းရင်းမြစ်များ

Halloo 13:9

Ne beeggaa beetoommon, showoo gaminoone. Ebich no barbarigaata, gaawiye. Yooche baddi showoon ne shunigaata, qanne badd hammemmo taane. Qanne baddi showoon ne shunigaata, yooche badd hammemmo taane” iye.

Halloo 14:14

Abraami bi manoochi bushoo Looxi kecee hamon bi waayehooba, bi kexooch shiijjeꞌi dicciti, koyoon doyiti, keejje ballaa aaraa shimitte asheenaꞌona tookkii kechiye; ebi awudde taateenaꞌon dabbiꞌi, Daani katemooch beddaahaa hammiyeete.

Halloo 45:24

Ebiyee gubb, Yooseefi bi maneenaꞌon daachiihe. Hamma boonoshi tiyimmona, boonoshich “Gommon hamibee, ittoshinaa ittoshina kaareyaahote” iye.

Halloo 46:34

ittoshiyoo ‘Ne guuno no shuunoo bushittinoochee tiijjiꞌi, no qaabbechinaꞌochoommon gijjee shiijjoone’ getiree wochibote. Ebina Gibitsee asheenaꞌo gijjee shiijjechinaꞌon eeꞌeenaꞌo tunii boonoshi ciinnii beetoyich, Gooshen ittoshi beeyemmoyich daaggemmone” iye.

Shoddo 133:1

Maneenaꞌo ikkittinoona beemo, am shaahoon gaawetonaa emirikkitonane.

Keyo 2:13

Bi dechara wottee bi waahaa, gutte Hibireenaꞌo boonoshinaa boonoshina kaaree beetaa beeggiye. Biyoo “Amoyichiye ne hajjee xiboon ne yexxaabeeto?” iꞌi xuqqiti uroon echehe.

Shaahiyoo 15:1

Maanjoona wochoo kaaroon aqqiihe; tunebaani kupphe qaaro kaaroon booddiye.

Shaahiyoo 15:18

Ippechi asho kaaroon booddiye; tunebaani haaꞌiyechi asho kaaroon aqqiihe.

Shaahiyoo 20:3

Kaaroochee woho ashoon oogiihe; tunebaani tuushe asho kaaroyich afaafinehe.

Maatiyoosi 5:9

Shunii beetinaꞌo diireetinaꞌone; ‘Yeerichi bushiisheenaꞌone’ getaa ceekkemminaꞌone.

Mishiraachechinaꞌo 7:26

Wotta dechara Israꞌeeleenaꞌochi daggoochee gutteenaꞌo boonoshinaa boonoshina kaaree beetaa beeggiꞌi, yeshi shuniiya iꞌi, ‘Hini asheenaꞌote, manaamanoo ittoshi amoyichiye ittoshi xuꞌee beeto?’ iye.

Roomi 12:10

Manaamanoochoommon ittoshinaa ittoshina shunebote; ittoshinaa ittoshina ikkoo baroon oogiibe.

Filipphisiyoosi 2:14

Gondoonaa xummoona tuneti shiijjeree daggooch oonaalli, bachaalli xalle Yeerichi bushiishoo ittoshi tunemmoyich, guruuxaanoon, hayeyaanoon bulli mooyon tuniibote. Kashoon immiibeeti Yeerichi qaaroon boonoshi daggooch getibee hini alemooch xojjenoochoommon bekkemmo ittoshine. Ebich ta woconaa ta aayona duubo bi tunee qayo Kiristoosi wotteꞌi bi waahooba taach geecoo tunemmone.

1 Tasaloonqi 4:9

Ittoshinaa ittoshina shuneechon ittoshi qelloona Yeer waanee ariito ittoshine; ebich manaamanoochoommon ittoshi shunemmoyich koniyoona ittoshich koorii arichiyoo qaawiyaache.

Hibireena'o 12:14

Asho bullina tookki diggoona beemon qaawibote; yaafeyaanoon Doono Yeerin beegon hakkemmo aalloone; ebich yaafittinoona beemoyich qaawibote.

Hibireena'o 13:1

Ittoshinaa ittoshina manaamanoochoommon shunoona beebote.

1 Pheexiroosi 1:22

Guttinnoon ittoshi shiijjeto, kashechonaa bulli yemeenoon beeyechona tuneti Yeerichi qaaroocheeniye; ebiyoo aalleyaani yaroocheenalli aallemmi yaroochee toonoone; and iberee qaaroyich deꞌa getona xalleꞌi ittoshi maneenaꞌoyich ibere shuno ittoshich beetone; ebich mulloochee tiijjiree ittoshinaa ittoshina manjiiree shunebote.

1 Pheexiroosi 2:17

Asho bullin oogiibote; kittinnee ittoshi maneenaꞌon shunote; Yeerin shatote; taatoon oogiibote.

1 Pheexiroosi 3:8

And ciiroochaa ta gettaabeeto, ittoshi bulli ikke mulloona beebote; ikke ashi iritoon ittoshi qelli iritoommon tuniiree ciinote; manaamanoochoommon ittoshinaa ittoshina shunebote; ariqqechonaa gaꞌi deꞌoonon tunebote.

1 Pheexiroosi 4:8

Shuno bareenaꞌo shuuneti axaaxoon maariye; ebich bulli mooyoyee shiichiree ittoshinaa ittoshina mulloochee tiijjiree shunebote.

2 Pheexiroosi 1:7

Yeerin oogiibeeti qocoona beemi toommooch manittinee shunoon, manittinee shunee toommooch shoodeyoon daakkibote.

1 Yowannisi 4:7

Ta shunechinaꞌote! Shuno Yeer waanee bi tunetoyich, noonnaa noonna shunebone. Ashoon shunniibeeto bulli Yeer waanee shiijjetone; wotta Yeerinoo arii beetone.

Woraaferasheenaꞌo 9:26

Ebiyooba Ebeedi bushoo Gaꞌaali bi maneenaꞌona tookkii Shekeem waahe. Shekeemi asheenaꞌo biin gibeneheete.