Halloo 13:16 - Kafa Linguistics Project

¹⁶ Ne shiijjereenaꞌonoo showee toommeexi qacoochoommon meechemmo taane. Koniyoona showee toommeexi qacoon haddii ciichoon hakkaanoone. Ebiyoommon ne shiijjereenaꞌo haddaa ciyaaneenaꞌo tunemminaꞌone.

Halloo 13:16 ပူးပေါင်းရင်းမြစ်များ

Halloo 15:5

Maach biin kichiꞌi, “Eke kaama shimaajj ciine; xojjeneenaꞌon haddaa ciichoon ne hakkigaata haddibe. Ebiyoommon ne shiijjereenaꞌo haddaa ciyaaneenaꞌo tunemminaꞌone” iye.

Halloo 16:10

Wotta Doono Yeerichi maraakoo biich ishichiye: “Ne shiyemmi bushoochi shiijjereenaꞌon oogichi meechemmo taane; oogeton boonoshi meettitoyich, koniyoona haddii ciichoon hakkaachemmone” iye.

Halloo 17:16

Ta biin diiremmo taane; anaami bushoon neech shiyemmine; biin diiremmo taane; aageteenaꞌoyichoo indee tunemmine; aageteenaꞌoyich taatoon tunemminaꞌo bi waanee kechemminaꞌone” iye.

Halloo 17:2

Neennaa taanna daggooch ta wogoon geddemmo taane. Ne shiijjereenaꞌon oogichi meechemmo taane” iye.

Halloo 17:20

Wotta Ishmaꞌeelichon ne qolloon waayeto taane; biin diiremmo taane. Biyoo shiijje shiijjere bi meettemmoyich tuniyemmo taane; aaraa gutte iraasheenaꞌochi nihoo tunemmone; aricheti aagetoon biin tuniyemmo taane.

Halloo 17:6

Ne shiijjereenaꞌon oogichi meechiree, aageteenaꞌo tuniyemmo taane; boonoshi daggoocheenoo taateenaꞌo tunemminaꞌo beetinaꞌone.

Halloo 18:18

Abrahami shiijjeroo iberoon arichetonaa giidechi aagetoona tunemmone; showee toommeexi aageteenaꞌo bulliyoo biinna diireyemminaꞌone.

Halloo 21:13

Gonneechi bushoo wotta ne bushoo bi tunetoyich, biin aagetoon tuniyemmo taane” iye.

Halloo 22:17

iberoon neen diiremmo taane; ne shiijjereenaꞌonoo shimaajji xojjenoochoommon, baharee gasheexi qacoochoommonoo meechemmo taane. Ne shiijjereenaꞌo boonoshi etteenaꞌochi katemeenaꞌon koyi yeshiree hajjemminaꞌone.

Halloo 26:4

Ne shiijjereenaꞌon shimaajji xojjenoochoommon meechemmo taane; hini showoo bullin ne shiijjereenaꞌoyich immemmo taane; showee toommeexi aageteenaꞌo bulli ne shiijjereenaꞌochi gommona diireyemminaꞌone.

Halloo 28:14

Ne shiijjereenaꞌon showee toommeexi qacoochoommon meechemmo taane; boonoshiyoo aabi-gimo waaninaa aabi-keyo waanina, dambi-waaninaa deshi-waanina gaminnemminaꞌone. Showee toommeexi aageteenaꞌo bulli neennaa ne shiijjereenaꞌona diireyemminaꞌone.

Halloo 28:3

Beshe Hakkechi Nuggishoo neen diiribe; shiyi shiijjereree meeti aagetoon ne tunemmoyich tuniibe; ne shiijjereenaꞌonoo meechibe.

Halloo 32:12

Tunebaani ne taan ‘Neech gaawe mooyon tuniyemmo taane; ne shiijjereenaꞌon haddaa ciyaani baharee gasheexi qacoochoommon meechemmo taane’ ito neene” iye.

Halloo 32:13

Aroobee xum Yaaqobi arooch qeyiye. Maaddoona tiyii bi manoo Esayich bi immemmi mattaayoon, biich beeti gijjeenaꞌo daggoochee bariiꞌi kichiye.

Halloo 35:11

Yeeriyoo daakkiꞌi Yaaqobich ishichiye: “Beshe Hakkechi Nuggishoo taane. Shiyi shiijjerebe; meete. Ne shiijjeroochee meeti aagetoo kechemmone. Taateenaꞌo ne waanee shiijjemminaꞌone.

Halloo 46:3

Yeeriyoo biich ishichiye: “Ta ne nihoo Nuggishoo taane. Desh Gibits kindoyich shattaahine. Aroochaa meeti ashechi aagetoon neen tuniyemmo taane.

1 Taateenaꞌo 3:8

Ne guuno ta beeto, neech ne kaacceti, bi meetoochee tiyitona haddaa ciyaani, dofee asheenaꞌo daggoochiye.

1 Taateenaꞌo 4:20

Yihudee asheenaꞌonaa Israꞌeeleenaꞌona baharee gasheexi qacoochoommon meettiyeete; maa uchiibee emiroona beeheete.

2 Taateenaꞌo 13:23

Tunebaani Doono Yeeri gaawe aafoona boonoshin ciinniye; boonoshichoo ariqqehe; Abrahamina, Yisaaqinaa Yaaqobina tookkii bi giyiti wogoyicha iꞌi boonoshich deehe; boonoshin aalliyoon qaawaanoone; and beddaahaa bi aafoochee boonoshin yoohaanoone.

1 Kiinoo 21:5

Yoꞌaabiyoo koyoyich bedditi asheenaꞌochi haddoon Daawitich gettiye. Goraadoon kaaccii koyoyich hakkoo boonoshich beeti asheenaꞌo, Israꞌeelee showoo bulliichee ikke miliyoonaa balle humeenaꞌo, Yihudee showoochee wotta awudde ballaa shabe humeenaꞌo tuneheete. Eboshiyoo goraadoon kaaccii koyoon hakkitinaꞌone.

1 Kiinoo 27:23

Doono Yeeri Israꞌeeleenaꞌon shimaajji xojjenoochoommon woddiyemmo bi tunoon bi gibenikkitoyich, Daawiti hiye natonaa hiye natoyee deshoonon haddaanoone.

2 Kiinoo 1:9

Nuggishoo Doono Yeero, ta nihoo Daawitich ne gibenikkiti gibenoon ceechibe. Showee toommeexi qacoochoommon woddeti asheenaꞌo toommooch taan taatiito neene.

Iyoobi 5:25

Ne shiijjeroo meettemmone; ne yoodo mocee waamo woddoommon woddemmone.

Keyo 1:7

Tunebaani Israꞌeeleenaꞌo shiijjee meettiyeete. Boonoshiyoo haddoona meettii giidechinaꞌo tuneꞌi, Gibits ceenniyeete.

Keyo 32:13

Ne guuninaꞌo Abrahamin, Yisaaqinaa Israꞌeelinon shalligibe. Boonoshich, ‘Ittoshi shiijjereenaꞌon shimaayeexi xojjenoochoommon meechemmo taane; imma ta gibenikkiti hini showoo bullin ittoshi shiijjereenaꞌoyich immemmo taane; bulli yemeenoon boonoshi hajjoo tunemmone’ iyaꞌa neenna ne wogeti wogoon shalligibe” iye.

Erimiyaasi 33:22

Ta guuno Daawitichi yaroonaa taach maddeebeeti Leweenaꞌo tuneti qeesheenaꞌonon haddaa hakkeyaani xojjenoomminaꞌonaa qeellee hakkeyaani baharee gasheexi qacoomminaꞌonon tuniyemmo taane” iye.

Haddoo 23:10

Mattiqutte Yaaqobichi shiijjeroon hakki haddemmo, kone? Israꞌeelichi shiijjeree heecoon hakki haddemmo, kone? Tawoo cadiqo qitoommon qitibone; ta ciiroo wotta bi ciiroon shaahibe” iye.

Yibbaatoo 1:10

Ittoshi Nuggishoo Doono Yeeri ittoshi shiijjeroon meechitone. And shimaayeexi xojjeno meetoommon meettito ittoshine.

Hibireena'o 11:12

Ebich wotta qititoommi asho shaahiti ikke uro Abraham waanee boonoshi haddoo shimaajji xojjenoommo, haddee ciyaani baharee gasheexi qacoommo tuneti asheenaꞌo shiijjeheete.

Yaaꞌoo 7:9

Aroyee gubb ciinneho; areegaata aagetoo bulliichee, ashi yoodo bulliichee, ashi yaroo bulliichee, asho yibbaateebeeti noonoo bulliichee kiceeti, haddaa ciyaani dofee asheenaꞌon beeggeho. Nacce tahoon tahee yeebbee waamon yechiꞌi taatee qeenonaa Bagoonochi aafooch neexeheete.

Woraaferasheenaꞌo 6:3

Israꞌeeleenaꞌo maayoon boonoshi shookkitoyee gubb, Miidiyameenaꞌo, Amaleeqeenaꞌonaa aabi-keyo waani asheenaꞌona waaꞌi boonoshin kochii beeheete.

Woraaferasheenaꞌo 6:5

Boonoshi gijjeenaꞌon gashee, boonoshi duukkaanoon yechiꞌi boonoshi waa beegaata, boonoshi haddoo gechoommone. Ebi asheenaꞌonaa boonoshi gaaleenaꞌona haddaa ciyaani dofeenaꞌone. Boonoshiyoo waaꞌi showoon aallii beeheete.