Halloo 12:8 - Kafa Linguistics Project

⁸ Aroochee tiyiꞌi, Beeteelaa aabi-keyo waan, guudinaꞌo beeti showooch hammiye. Aroocheenoo Beeteelin aabi-gimo waan, Aayin aabi-keyo waan tuniiꞌi, bi duukkaanoon xogiye. Aroochaanoo wotta deejjee gudoon shuuneꞌi, Doono Yeerich goyinnehe.

Halloo 12:8 ပူးပေါင်းရင်းမြစ်များ

Halloo 13:18

Ebich Abraami bi duukkaanoon waaxxiꞌi tiyii qaxiriye. Hammiꞌinoo Kebirooni gaꞌooch beeti, Mamirichi gorooch shaggiꞌi, arooch kotehe. Aroochoo Doono Yeerich deejjee gudoon shuunehe.

Halloo 13:3

Negeebi barahoochee tiyii, ikke xaaꞌoochee bare xaaꞌooch besheebee Beeteel waan, ebiyoo shiichii bi duukkaanoon bi xogiti, Beeteelinaa Aayinochi gutte daggooch beeti xaaꞌooch hammiye.

Halloo 13:4

Are xaaꞌoo wotta shiichiꞌi deejjee gudoon bi shuuneti xaaꞌoone. Ebi aroochaa Abraami wochinnoon Doono Yeerich goyinnehe.

Halloo 21:33

Abrahamiyoo Beershaab tamariskee mixon bechiye. Aroochaanoo Bulli Yemeenee Nuggishoo, Doono Yeerich goyinnehe.

Halloo 22:9

Yeeri gettiti xaaꞌoochoo shaggiyeete. Abrahamiyoo arooch deejjee gudoon shuunehe; baddetaa waati mixonoo arooch qeenniye. Bi bushoo Yisaaqichi kishoonaa baatoonon cuchiꞌi, deejjee gudooch bi qeenniti michi toommooch qeejjiye.

Halloo 26:25

Yisaaqiyoo are xaaꞌooch deejjee gudoon shuuneꞌi Doono Yeerich goyinnehe. Aroochoo bi duukkaanoon xogiye. Bi gaddireteenaꞌoo aachi oppoon arooch iijjiyeete.

Halloo 28:19

Ebi xaaꞌoon, Beeteeli ii shigiihe. Shiichiꞌi ebi katemoo, Luuzi gettee beehe.

Halloo 31:25

Yaaqobi geppe showoo Gilaad bi duukkaanoon xogiꞌi bi beetaa, Labaani shaggiye. Labaaninaa bi xibeenaꞌona wotta arooch boonoshi duukkaanoon xogiyeete.

Halloo 33:20

Aroochoo deejjee gudoon shuuneꞌi, aroon El Eloohee Israꞌeeli ii shigiihe.

Halloo 35:3

Ittoshi tiyaa Beeteel keyone. Ta iriteehooba, ta qolloon waayeti, ta hammeti gommo bulliich taanna tookkii tuneti Yeerich aroochaa deejjee gudoon shuunemmo taane” iye.

Halloo 35:7

Yaaqobi arooch deejjee gudoon shuunehe. Biyoo bi manoo aafoochee bi maxxehooba, Yeeri aroochaa biich bi bekketi xaaꞌoo bi tunetoyich, ebi xaaꞌoon, El Beeteeli ii shigiihe.

Halloo 4:26

Seetich wotta anaami bushoo shiijjehe; bi shigoonoo, Henooshi iye. Ebiyooba asho corootiibee, “Doono Yeero” ii corootooch giyiye.

Halloo 8:20

Noohi bi kechitoyee gubb, Doono Yeerich deejjee gudoon shuunehe; xalle gijjeenaꞌonaa xalle kafeenaꞌo bullinoochee daammiye; guurii, ebi are deejjee gudoochaa michiꞌi, Doono Yeerich deejjiye.

Nehimi 11:31

Biiniyaami yoodee asheenaꞌo Geebee tiijjiꞌi, Mikimaash, Ayaahi, Beeteelinaa bi guudoona beeti gafoonooch,

Shoddo 116:4

Doono Yeerichi shigoon ceeggehoye; “Doono Yeero, ta kasheen wodiibe” iyaꞌa qollehoye.

Keyo 17:15

Muusiyoo deejjee gudoon shuuneꞌi, Doono Yeeri Ta Baanderoo iꞌi shigiihe.

Isiyaasi 10:28

Etteenaꞌo Ayaatin yechiyeete; Migiroonina besheheete; boonoshi qiicoonoo Mikimaash kotiiheete.

Yoꞌeeli 2:32

Doono Yeerichi shigoon ceeggiibeeto bulli wodemmone. Doono Yeeri gettitoommon Tsiyooni guudonaa Yerusaaleminoochaa wodoo danemmone; Doono Yeeri gettitoommon, ebi woditinaꞌo bi ceeggitinaꞌone” iye.

Mishiraachechinaꞌo 2:21

Doonochi shigoon ceeggimmo bulli wodemmone” itone’ iye.

1 Qorontoosi 1:2

Qorontoos beeti Yeerichi kittinnee guuphoyich, Kiristoos Yesuusina Yeeri yaafitinaꞌonoyich, wotta noonnaa boonoshinoyich Doono tuneti no Doono Yesuus Kiristoosichi shigoon xaaꞌoo bullichaa ceeggii beetinaꞌo bullina tookkii yaafeenaꞌo tunoyich ceekketinaꞌoyich:

Hibireena'o 11:9

Yeeri gibenikkaa bi hammiti showooch iibboo tuneꞌi duukkaanooch beehe; ebi Yeeri gibenikkiti gibenoon biinna tookkii qoodeyecho tuneti bi bushoo Yisaaqinaa bi bushoochi bushoo Yaaqobina tookkii shiqqoo tuneꞌi, Yeeri toommooch mullee tooꞌiyoona ebi are showooch kotehe.

Yaasi 22:10

Roobeelinaa Gaadinochi yoodeenaꞌonaa Minaasi yoodoochee qatinaꞌona wotteebee, Kanaanee showoo waan beeti Yoordaanoosi aachi gaꞌooch beeti xaaꞌooch shaggiꞌi, are aachi gashooch ikke ooge deejjee gudoon shuuneheete.

Yaasi 7:2

Yaasi “Hamiree showoon qiidote” iꞌi Beeteelaa aabi-keyo waan beeti, Beet Aweeni gaꞌooch beeti Aayi katemooch asheenaꞌon Yaarikee wochee daachiihe. Ebina asheenaꞌo kechii Aayin qiiddiyeete.

Yaasi 8:12

Yaasi uuche hum bede ginechinaꞌon yechiꞌi, Aayaa aabi-gimo waan, Beeteelinaa Aayinochi gutte daggooch aasheree boonoshi quyemmoyich tuniitone.

Yaasi 8:17

Israꞌeeleenaꞌon yookkii dabboyich, Aayinaa Beeteelinoochee keyaani ikke anaamolla aalloone. Katemee uxeree kelloon qechii duppiichii, Israꞌeeleenaꞌon yookkii dabbiyeete.

Yaasi 8:3

Ebich Yaasinaa bi ginechinaꞌo bullina Aayin kocha tiyiyeete. Yaasiyoo ginechinaꞌo daggoochee ginee anaaminaꞌo tuneti asheenaꞌon, shaashe hume ginechinaꞌon kaacciꞌi xumoona daachiihe.

Yaasi 8:30

Aroochee Yaasi Ebaali guudi toommoochaa Israꞌeelee Nuggishoo Doono Yeerich deejjee gudoon shuunehe.

Yaasi 8:9

Ebina Yaasi asheenaꞌon wochee daachiihe. Boonoshiyoo Aayaa aabi-gimo waan, Beeteelinaa Aayinochi gutte daggooch beeti aashee xaaꞌooch hammiꞌi aasheheete. Tunebaani aroobee xum Yaasi Israꞌeeleenaꞌona tookkii kaambooch qeyiye.

Woraaferasheenaꞌo 6:24

Geediyooni arooch Doono Yeerich deejjee gudoon shuuneꞌi, Doono Yeeri Diggee Nuggishoo iꞌi shigiihe. Ebi deejjee gudo hanaach beddaahaa Abezeerichi yareenaꞌo showoo tuneti Ofira neexeꞌi beetone.

1 Saameeli 30:27

Ebinoo Beeteeli beetinaꞌoyich, Ramootaa deshi-waan beetinaꞌoyich, Yatiir beetinaꞌoyich,