Halloo 12:7 - Kafa Linguistics Project

⁷ Doono Yeeri Abraamich bekkeꞌi, “Hini showoon ne yaroyich immemmo taane” iye. Ebich Abraami biich bekketi Doono Yeerich goyinneya, are xaaꞌooch deejjee gudoon shuunehe.

Halloo 12:7 ပူးပေါင်းရင်းမြစ်များ

Halloo 12:8

Aroochee tiyiꞌi, Beeteelaa aabi-keyo waan, guudinaꞌo beeti showooch hammiye. Aroocheenoo Beeteelin aabi-gimo waan, Aayin aabi-keyo waan tuniiꞌi, bi duukkaanoon xogiye. Aroochaanoo wotta deejjee gudoon shuuneꞌi, Doono Yeerich goyinnehe.

Halloo 13:15

Ne ciinnaabeeti showoo bullin neennaa ne shiijjereenaꞌonoyich immemmo taane; bulli yemeenoon ittoshicho tunemmone.

Halloo 13:17

Hini showoon neech immemmo taane. And tiyiree, ebi showoo bullin guudi beege” iye.

Halloo 13:18

Ebich Abraami bi duukkaanoon waaxxiꞌi tiyii qaxiriye. Hammiꞌinoo Kebirooni gaꞌooch beeti, Mamirichi gorooch shaggiꞌi, arooch kotehe. Aroochoo Doono Yeerich deejjee gudoon shuunehe.

Halloo 13:4

Are xaaꞌoo wotta shiichiꞌi deejjee gudoon bi shuuneti xaaꞌoone. Ebi aroochaa Abraami wochinnoon Doono Yeerich goyinnehe.

Halloo 15:18

Arooba Doono Yeeri ishichiꞌi Abraamina tookkii wogoon giyiye: “Gibitsee aacoochee tiijjiree ooge aaco Efiraaxis beddaahaa, hini showoon ne shiijjereenaꞌoyich immemmo taane.

Halloo 17:1

Abraami yixenaa yiixiye nati asho bi tunehooba, Doono Yeeri biich bekkeꞌi ishichiye: “Beshe Hakkechi Nuggishoo taane. Bulli aaboon ta getoyich deꞌa getibee beebe. Muricaallo tunebe.

Halloo 17:3

Abraamiyoo bi baroona showooch guufehe. Yeeriyoo biich ishichiye:

Halloo 17:8

Ebi and dallaawoo tunaꞌa ne beeti Kanaanee showoo bullin, bulli yemeenoon ittoshi hajjoo bi tunemmoyich, neennaa neyee gubbi ne shiijjereenaꞌonoyich immemmo taane; boonoshichoo Nuggishoo tunemmo taane” iye.

Halloo 18:1

Ikke areddoon, aabee qellayooch Abrahami Mamirichi goree gaꞌooch beeti, bi duukkaanee gaaddaafooch koteꞌi bi beetaa, Doono Yeeri biich bekkehe.

Halloo 22:9

Yeeri gettiti xaaꞌoochoo shaggiyeete. Abrahamiyoo arooch deejjee gudoon shuunehe; baddetaa waati mixonoo arooch qeenniye. Bi bushoo Yisaaqichi kishoonaa baatoonon cuchiꞌi, deejjee gudooch bi qeenniti michi toommooch qeejjiye.

Halloo 24:7

Ta nihoo kexoochee, ta shiijjee showoochee taan kichiti, ‘Hini showoon ne shiijjereenaꞌoyich immemmo taane’ ii wogee gibenikkiti shimaajji Nuggishoo Doono Yeeri, bi maraakoon ne aaf daachiyemmone; ta bushoyichoo mecheen aroochee deebemmo neene.

Halloo 26:25

Yisaaqiyoo are xaaꞌooch deejjee gudoon shuuneꞌi Doono Yeerich goyinnehe. Aroochoo bi duukkaanoon xogiye. Bi gaddireteenaꞌoo aachi oppoon arooch iijjiyeete.

Halloo 26:3

Giisheche yemeenoon hini showooch kotebe. Ta neenna tookki tunemmo taane; neen diiremmo taane. Hini showoo bullin neennaa ne shiijjereenaꞌonoyich imiree, ne nihoo Abrahamich ta wogeti wogoon ceechemmo taane.

Halloo 28:13

Doono Yeeriyoo ebi daqqellee tookk neexee beehe; ishichiinoo iye: “Ne nihinihoo Abrahamichi Nuggishoo, ne nihoo Yisaaqichi Nuggishoo, Doono Yeeri taane. Hini ne qeyaabeeti showoon neennaa ne shiijjereenaꞌonoyich immemmo taane.

Halloo 28:4

Yeeri Abrahamich bi immiti, newoo and iibboo tunaꞌa ne beeti hini showoon iristo tuniiree neech bi immemmoyich, Abrahamich bi immiti diiroon neennaa ne shiijjereenaꞌonoyich imbe” iye.

Halloo 32:30

Ebich Yaaqobi “Yeerina tookkaa baroona ta danetaanona, ta kashe qitaanoon muriccetine” iꞌi, ebi xaaꞌoon Phiniꞌeeli iye.

Halloo 33:20

Aroochoo deejjee gudoon shuuneꞌi, aroon El Eloohee Israꞌeeli ii shigiihe.

Halloo 35:12

Abrahaminaa Yisaaqinoyich ta immeti showoon neech immemmo taane; neyee gubbi ne shiijjereenaꞌoyichoo hini showoon immemmo taane” iye.

Halloo 35:7

Yaaqobi arooch deejjee gudoon shuunehe. Biyoo bi manoo aafoochee bi maxxehooba, Yeeri aroochaa biich bi bekketi xaaꞌoo bi tunetoyich, ebi xaaꞌoon, El Beeteeli ii shigiihe.

Halloo 50:24

Yooseefiyoo bi maneenaꞌoyich ishichiye: “Ta and qita beddeto taane. Yeeri iberoon ittoshin gaacheya woyemmone; hini showoochee ittoshin kichemmone. Abrahamich, Yisaaqinaa Yaaqobinoyich bi wogeti showooch ittoshin giijjemmone” iye.

Halloo 8:20

Noohi bi kechitoyee gubb, Doono Yeerich deejjee gudoon shuunehe; xalle gijjeenaꞌonaa xalle kafeenaꞌo bullinoochee daammiye; guurii, ebi are deejjee gudoochaa michiꞌi, Doono Yeerich deejjiye.

2 Saameeli 24:25

Daawiti arooch Doono Yeerich deejjee gudoon shuuneꞌi, micciibeeti deejjoonaa ikkittinee deejjoonon deejjiye. Ebich Doono Yeeri Israꞌeeleenaꞌoyich bi qolleti qolloon waayehe. Ebina biiyo are showoochee aallehe.

1 Taateenaꞌo 18:32

Ebi xaqqeenaꞌona Doono Yeerichi shigoyich deejjee gudoon shuunehe; ebi deejjee gudee guudoona ikke baaretee aacon yechi bede oppoon iijjiye.

1 Kiinoo 16:16

Abrahamina tookkii bi giyiti wogoon, Yisaaqich bi gibenikkiti gibenoon, batteyaache.

1 Kiinoo 16:18

Ishichiinoo iye: “Kanaanee showoon neech immemmo taane; ne hajjoo tuniiree woraashemmo neene” iye.

2 Kiinoo 20:11

Ebiyoche and, nooch ne immeti showoochee noon yoohi kichiya womona, no deꞌoyich gondoon gaaccii beetinaꞌone.

2 Kiinoo 20:7

No Nuggishoocho, hini showee asheenaꞌon ne asheenaꞌo tuneti Israꞌeeleenaꞌo aafoochee yookkaa kichaachaa, ne shunecho tuneti Abrahami shiijjereenaꞌoyich, bulli yemeenoon boonoshicho bi tunemmoyich showoon immeto, neene.

Iziri 3:2

Yotsedeeqi bushoo Yaasinaa biinoommi qeesheenaꞌo, Shelateeli bushoo Zerubabeelinaa bi xibeenaꞌona, Yeer asho Muusichi Sheerooch bi kooreetoommon, micciibeeti deejjoon giddiyoyich Israꞌeelee Nuggishoochi deejjee gudoon shuuneheete.

Keyo 17:15

Muusiyoo deejjee gudoon shuuneꞌi, Doono Yeeri Ta Baanderoo iꞌi shigiihe.

Keyo 24:4

Aroochee Muusi Doono Yeeri gettito bullin kooriye. Biyoo dechara maaddoona tiyiye; guudi baatooch deejjee gudoon shuunehe; aaraa gutte Israꞌeelee yoodeenaꞌo haddoona aaraa gutte xaqqee giimbeenaꞌon xogii neechiye.

Keyo 32:13

Ne guuninaꞌo Abrahamin, Yisaaqinaa Israꞌeelinon shalligibe. Boonoshich, ‘Ittoshi shiijjereenaꞌon shimaayeexi xojjenoochoommon meechemmo taane; imma ta gibenikkiti hini showoo bullin ittoshi shiijjereenaꞌoyich immemmo taane; bulli yemeenoon boonoshi hajjoo tunemmone’ iyaꞌa neenna ne wogeti wogoon shalligibe” iye.

Keyo 33:1

Aroochee Doono Yeeri Muusich ishichiye: “Hiniichee tiyiree hambe. Neennaa Gibitsee ne kichiti asheenaꞌona hini xaaꞌoon gawukkiree, ‘Ne shiijjereenaꞌoyich immemmo taane’ iyaꞌa Abrahamich, Yisaaqinaa Yaaqobinoyich ta wogeti showooch hambote.

Keyo 6:3

Beshe Hakkechi Nuggishoo ta tunoon arichiyoona, Abrahamich, Yisaaqich, Yaaqobichoo bekketo taane. Tunebaani Doono Yeeri ii beeti ta shigoona boonoshich bekkeyaano taane.

Keyo 6:4

Iibbittinoona boonoshi beebee echeti Kanaanee showoon boonoshich imoyich wogeto taane.

Erimiyaasi 3:18

Ebiyooba Yihudee asheenaꞌo Israꞌeeleenaꞌona ikkotte yeshemminaꞌone; boonoshi qaabbechinaꞌo woraashemmoyich ta immeti showooch dambi-waanee ikkotteree woyemminaꞌone.

Haddoo 26:53

“Ebi asheenaꞌoyich showoo boonoshi shigee haddoommona iristo bi tunemmoyich qoodeyemmone.

Haddoo 32:11

‘Iberoon gettoye; boonoshi ceeni mulloona taan dabboo boonoshi qajjitoyich, Gibitsee kechiti, boonoshi eeno hiye natonaa ebiyee damboona tuneti asheenaꞌoochee ikkolla Abrahamich, Yisaaqinaa Yaaqobinoyich imma ta wogeti showoon beegaachemmone.

Mishiraachechinaꞌo 7:5

Hiniichoo ikke ciix bede iristoonolla biich imaanoone. Tunebaani Abrahamich bushoo shiijjeyaan beetaa, ‘Hini showoon neennaa ne hillooch shiijjemmi ne yaroonoyich immemmo taane’ iꞌi gibenikkiye.

Roomi 9:8

Ebi geto Yeeri gibenikkiti gibenee qaaroona shiijjeti bushiisheenaꞌo ibere bi yaroo tuneꞌi haddeeteetalli, ebi meenona shiijjeti bushiisheenaꞌo Yeerichi bushiisheenaꞌo tooneenaꞌone getone.

Galaati 3:16

Ebiyoommon wotta Yeeri Abrahaminaa bi yaroonoyich gibenee qaaroon gettiye; bi gettii beegaata, “Ne yaroyich” iꞌi ikke Abrahami yaroochon gettiyani, “Ne yareenaꞌoyich” iꞌi meetinaꞌochon getaanoone; ebi yaroo getoo Kiristoosine.

Galaati 4:28

Ebich ta maneenaꞌote! Yisaaqi Yeeri gibenikkiti gibenee qaaroona Abrahami shiyiti bushoo bi tunoommon, ittoshiyoo wotta Yeeri gibenikkiti gibenee qaaroona Yeerichi bushiishoo tuneto ittoshine.

Yibbaatoo 1:8

Ittoshich ta immaabeeti showoo ebiyoche, Doono Yeeri ta, ittoshi qaabbechi Abrahamich, Yisaaqinaa Yaaqobinoyich, boonoshi shiijjereenaꞌoyichoo imma ta wogeti, ebi showoon hami woraashibote’ itone” iye.

Yibbaatoo 30:20

Ne Nuggishoo Doono Yeerin shune. Bi qaaroon waayebe. Biinna tookkishoo ikkottebe. Ebina ne qaabbechi Abrahamich, Yisaaqinaa Yaaqobinoyich imma bi wogeti showooch neennaa ne shiijjeroona meeti yemeenoon kashoona beeyemmo ittoshine” iye.

Yibbaatoo 34:4

Aroochee Doono Yeeri Muusich ishichiye: “ ‘Ittoshi shiijjereenaꞌoyich immemmo taane’ iyaꞌa Abrahamich, Yisaaqinaa Yaaqobinoyich ta wogeti showoo ebine. Ne aafoona baach ne beeggemmoyich tuniito taane; tunebaani arooch giyaachemmo neene” iye.

Yibbaatoo 6:10

“Ne Nuggishoo Doono Yeeri ebi showoon neech imoyich, ne qaabbechi Abrahamich, Yisaaqinaa Yaaqobinoyich wogetone. Ebi showooch ne hagaani, ogoogeenaꞌonaa gaawetinaꞌona tuneti katemeenaꞌo beetinaꞌone.

Yibbaatoo 9:5

Boonoshi showoon woraashiya arooch ne giyaabeeto, cadiqe asho ne tunetoyich woyee ne mullee kaamoyich toonoone. Ne Nuggishoo Doono Yeeri ne aafoochee boonoshin yookkii bi kichiibeeto, gonde asheenaꞌo boonoshi tunetoyich, wottoo ne qaabbechinaꞌo tuneti Abrahamich, Yisaaqinaa Yaaqobinoyich bi wogeti wogoon ceechoyichiye.

Hibireena'o 11:13

Eboshi bulli mulloon Yeeri toommooch tooꞌiichii, Yeeri gibenikkiti gibenoon daneyaanoon qitiyeete; tunebaani wohooch tuneechii ciinniꞌi emiriyeete. “Hini showee toommooch iibboonaa shiqqoona noone” iꞌi miixeheete.

Hibireena'o 11:8

Abrahami iristo tuniiree bi deqqemmi xaaꞌooch bi ceekkehooba, mulloon Yeeri toommooch tooꞌiiꞌi deꞌa iye; amooch bi hammiibeeto gaata ariyaanoon kechiye.

Yaasi 1:6

“Kupphebe, maac kuxo tunebe. Boonoshi qaabbechinaꞌoyich imma ta wogeti showoon hini asheenaꞌo woraashemmoyich tuniyemmo neene.

Yaasi 22:10

Roobeelinaa Gaadinochi yoodeenaꞌonaa Minaasi yoodoochee qatinaꞌona wotteebee, Kanaanee showoo waan beeti Yoordaanoosi aachi gaꞌooch beeti xaaꞌooch shaggiꞌi, are aachi gashooch ikke ooge deejjee gudoon shuuneheete.

Yaasi 8:30

Aroochee Yaasi Ebaali guudi toommoochaa Israꞌeelee Nuggishoo Doono Yeerich deejjee gudoon shuunehe.

Woraaferasheenaꞌo 6:24

Geediyooni arooch Doono Yeerich deejjee gudoon shuuneꞌi, Doono Yeeri Diggee Nuggishoo iꞌi shigiihe. Ebi deejjee gudo hanaach beddaahaa Abezeerichi yareenaꞌo showoo tuneti Ofira neexeꞌi beetone.

1 Saameeli 7:17

Aroochee bi kexo Raama bi tunetoyich, Raama wottee beehe. Aroochaanoo Israꞌeeleenaꞌo mooyon nallii qeejjii beehe. Biyoo Doono Yeerich deejjee gudoon Raama shuunehe.