Halloo 12:6 - Kafa Linguistics Project

⁶ Abraami Shekeem beeti Mooreehi gorooch beddaahaa, besheꞌi hammiye. Ebiyooba Kanaaneenaꞌo ebi are showooch beeheete.

Halloo 12:6 ပူးပေါင်းရင်းမြစ်များ

Halloo 10:15

Kanaani bushiishoo: Bi gutenee bushoo Sidooninaa Hitinane.

Halloo 13:7

Abraaminaa Looxinochi gijjeenaꞌon quyeebeeti qiddeenaꞌo daggooch kaaro giyiye. Ebi yemeenooba Kanaaneenaꞌonaa Ferizeenaꞌona ebi are showooch beetinaꞌone.

Halloo 33:18

Yaaqobi Mesopotaamee bi wottetoyee gubb, Kanaanee showooch beeti, Shekeem diggoona shaggiye. Katemee ciinooch bi duukkaanoon xogii kotehe.

Halloo 34:2

Are showee iraashoo tuneti, Hiwee asho Hamoorichi bushoo Shekeemi busheen bi beeggiyooba, giidoona yechii qeyiye.

Halloo 34:30

Yaaqobiyoo Simooninaa Lewinoyich ishichiye: “Hini showooch beeti Kanaaneenaꞌonaa Ferizeenaꞌona waanaa ta shigo gondemmoyich tuniiꞌi, ta toommooch xuuxoon deebiyote. No, haddoona giishecho noone. Ikkottee ta toommooch boonoshi tiyigaata, taannaa ta kechi asheenaꞌona aallesh toone no gettemmo?” iye.

Halloo 35:4

Ebich boonoshi waan beeti dallaawe nuggisheenaꞌochi shahalloo bullin, boonoshi waameexi gudichoonoo kichii Yaaqobich immiyeete. Yaaqobiyoo eboshin daammii Shekeemi katemee gaꞌooch beeti ogooge michi xepphooch duukkiye.

1 Taateenaꞌo 12:1

Roboꞌami Shekeem hammiye; ebiyoo Israꞌeeleenaꞌo bulli biin taatiiya arooch boonoshi kiceetoyichiye.

1 Taateenaꞌo 12:25

Aroochee Yeroboꞌami geppechi Efreemee showooch beeti Shekeem mishigoon shuuneꞌi arooch kotehe; wotta aroochee kechii hammii, Phiniꞌeel mishigoon shuunehe.

Shoddo 60:6

Yeeri bi yaafee kexoochaa ishichiye: “Emiroona Shekeemin qeellemmo taane; Sukooti bamboon qoodemmo taane.

Hosee'i 6:9

Bokkeenaꞌo ashoon wuxiya ottii quyoommon, qeesheenaꞌo ebiyoommon tuniiheete; Shekeemi gommoochaa ashoon wuxiyeete. Yeelliibeeti gondoonoo shuuneheete.

Yowannisi 4:5

aroona Shamaaree showooch beeti Sikaari katemooch shaggiye. Are katemoo beeto Yaaqobi bi bushoo Yooseefich bi immiti showee gaꞌoochiye.

Mishiraachechinaꞌo 7:16

Boonoshi dubenoon Shekeem daammiꞌi Abrahami Hamoorichi bushiisheenaꞌo waanee bi gijjoona bi kemeti maashooch duukkiyeete.

Yibbaatoo 11:30

Ittoshi arii beetoommon, ebi guudinaꞌo beeto, Yoordaanoosi aacoochaa aabi-gimo waan, Yoordaanoosi bambooch beeti Kanaaneenaꞌo showoochiye. Ebiyoo Galigali katemee gaꞌooch, Mooreehichi goree katinoochiye.

Hibireena'o 11:9

Yeeri gibenikkaa bi hammiti showooch iibboo tuneꞌi duukkaanooch beehe; ebi Yeeri gibenikkiti gibenoon biinna tookkii qoodeyecho tuneti bi bushoo Yisaaqinaa bi bushoochi bushoo Yaaqobina tookkii shiqqoo tuneꞌi, Yeeri toommooch mullee tooꞌiyoona ebi are showooch kotehe.

Yaasi 20:7

Ebich geppechi Nifitaalee showee daggooch, Galiilee showooch beeti Qedeeshin, geppechi Efreemee showooch beeti Shekeemin, geppechi Yihudee showooch beeti Kebirooni getteeti Qiriyaat Aribin bariiheete.

Yaasi 24:32

Israꞌeeleenaꞌo Gibitsee boonoshi deebiti Yooseefichi shaawusho Shekeem duukkehe. Ebi bi duukketi showoo wonna Yaaqobi balle xure birewoona Shekeemi nihoo Hamoori yareenaꞌo waanee bi kemetone. Ebi showoo Yooseefi shiijjereenaꞌo woraashiti showoone.

Woraaferasheenaꞌo 7:1

Yerubaꞌali getteeti Geediyooninaa biinna tookkii beeti asheenaꞌo bullina maaddoona tiyii hammii, Haroodi aachi xuuphee gaꞌooch kaamboon geddiꞌi koteheete. Miidiyameenaꞌo kaamboon geddiꞌi koteti xaaꞌoo beeto, boonoshiyee dambi-waan, Mooreehi geppee gaꞌooch beeti bamboochiye.

Woraaferasheenaꞌo 9:1

Aroochee Yerubaꞌali bushoo Abimeleeki Shekeem beeti bi iyeenaꞌo waan hammiꞌi, boonoshinaa bi indeechi yareenaꞌo bullinoyich ishichiye: