Halloo 12:2 - Kafa Linguistics Project

² “Meeti shiijjereenaꞌon neech ta imaa, boonoshiyoo aricheti aagetoon tunemminaꞌone. Neen diiremmo taane; ne shigoonoo aricheto tuniyemmo taane. Ebich meeti asheenaꞌo neenna diireyemminaꞌone.

Halloo 12:2 ပူးပေါင်းရင်းမြစ်များ

Halloo 13:16

Ne shiijjereenaꞌonoo showee toommeexi qacoochoommon meechemmo taane. Koniyoona showee toommeexi qacoon haddii ciichoon hakkaanoone. Ebiyoommon ne shiijjereenaꞌo haddaa ciyaaneenaꞌo tunemminaꞌone.

Halloo 15:5

Maach biin kichiꞌi, “Eke kaama shimaajj ciine; xojjeneenaꞌon haddaa ciichoon ne hakkigaata haddibe. Ebiyoommon ne shiijjereenaꞌo haddaa ciyaaneenaꞌo tunemminaꞌone” iye.

Halloo 17:20

Wotta Ishmaꞌeelichon ne qolloon waayeto taane; biin diiremmo taane. Biyoo shiijje shiijjere bi meettemmoyich tuniyemmo taane; aaraa gutte iraasheenaꞌochi nihoo tunemmone; aricheti aagetoon biin tuniyemmo taane.

Halloo 18:18

Abrahami shiijjeroo iberoon arichetonaa giidechi aagetoona tunemmone; showee toommeexi aageteenaꞌo bulliyoo biinna diireyemminaꞌone.

Halloo 18:19

Kaamoonaa tate mooyonon tuniyoona ta gommon boonoshi quyemmoyich, bi bushiisheenaꞌonaa biyee gubbi shiijjereenaꞌona taach deꞌa ii beetinaꞌon bi tuniyemmoyich, biin kaacceto taane; bi bushiisheenaꞌo ebin boonoshi tuniigaata, biich ta getteti mooyo bullin tuniyemmo taane” iye.

Halloo 19:29

Eechiꞌi Yeeri ebi Yoordaanoosi bakkooch beeti katemeenaꞌon bi aalliihooba, Abrahamin gabiye. Looxi beebee echeti katemoon hidii bi aalliihooba, ebi are naxoochee Looxin kichiye.

Halloo 24:1

Doono Yeeriyoo Abrahamin bulli mooyona diiritone. Biyoo oogeton geenaa baayetone.

Halloo 24:35

Doono Yeeriyoo ta doonon oogeton diiritone; oogeti gaannoon biich immitone. Meeti bagoonaa emmishoonon, miimon, gaaleenaa kuroonon, birewoonaa aachoonon, guunonaa gonneenonoo immitone.

Halloo 25:11

Abrahami qititoyee gubb, Yeeri Abrahami bushoo Yisaaqin diiriye. Arooba Yisaaqi Lahayi Rooꞌi aachi oppee gaꞌoochiye bi beeto.

Halloo 26:3

Giisheche yemeenoon hini showooch kotebe. Ta neenna tookki tunemmo taane; neen diiremmo taane. Hini showoo bullin neennaa ne shiijjereenaꞌonoyich imiree, ne nihoo Abrahamich ta wogeti wogoon ceechemmo taane.

Halloo 26:4

Ne shiijjereenaꞌon shimaajji xojjenoochoommon meechemmo taane; hini showoo bullin ne shiijjereenaꞌoyich immemmo taane; showee toommeexi aageteenaꞌo bulli ne shiijjereenaꞌochi gommona diireyemminaꞌone.

Halloo 27:29

Aageteenaꞌo neech hajjeebeete; aagetee asheenaꞌo neech goyinnebeete. Ne maneenaꞌo toommooch doonon tunebe. Ne indee shiyetinaꞌo neech yiti goyinnebeete. Neen uppimmo koniyoona uppeto tunebe; neen diirimmo koniyoona diireeto tunebe” iye.

Halloo 28:14

Ne shiijjereenaꞌon showee toommeexi qacoochoommon meechemmo taane; boonoshiyoo aabi-gimo waaninaa aabi-keyo waanina, dambi-waaninaa deshi-waanina gaminnemminaꞌone. Showee toommeexi aageteenaꞌo bulli neennaa ne shiijjereenaꞌona diireyemminaꞌone.

Halloo 35:11

Yeeriyoo daakkiꞌi Yaaqobich ishichiye: “Beshe Hakkechi Nuggishoo taane. Shiyi shiijjerebe; meete. Ne shiijjeroochee meeti aagetoo kechemmone. Taateenaꞌo ne waanee shiijjemminaꞌone.

Halloo 46:3

Yeeriyoo biich ishichiye: “Ta ne nihoo Nuggishoo taane. Desh Gibits kindoyich shattaahine. Aroochaa meeti ashechi aagetoon neen tuniyemmo taane.

2 Saameeli 7:9

Ne hammeti gommo bulliich neenna tookkaa tunehoye. Ne etteenaꞌo bullin ne aafoochee aalliihoye. Andoo ne shigoon, showee toommooch beeti ogooge iraasheenaꞌochoommon aricheton tuniyemmo taane.

1 Taateenaꞌo 1:47

Ebiyeenoo wotta taatoochi asheenaꞌo taatoo no doono Daawit waan waaꞌi, ‘Ne Nuggishoo Solomoonin neyee besh aricheton, bi taatee qeenonoo ne taatee qeenoyee beshoon tuniibe’ iꞌi biin diiritinaꞌone. Taatoo Daawitiyoo bi qeenoochaa Doono Yeerich goyinneꞌi,

Iyoobi 35:8

Ne gonde shuunoo bi iritiyemmo, neenoommi ashooniye; cadiqo ne tuno bi gaaccemmo, ashi yarooniye.

Shoddo 107:38

Boonoshin diiriye; oogichiꞌinoo meettiyeete; boonoshi gijjeenaꞌo meettemoyichoo tuniihe.

Keyo 1:7

Tunebaani Israꞌeeleenaꞌo shiijjee meettiyeete. Boonoshiyoo haddoona meettii giidechinaꞌo tuneꞌi, Gibits ceenniyeete.

Keyo 32:10

Eke ne qayaa, kupphe ta kaaroon boonoshi toommooch kindii aaxxiiree, boonoshin aalliibona. Aroochee neennaa ne shiijjereenaꞌonon oogeti aagetoon tuniyemmo taane” iye.

Isiyaasi 51:2

Ittoshi nihoo Abrahamin, ittoshin shiyeti Saarinoo ciinote. Abrahamin ta ceeggiyooba bi ikkeetone; biin diiriyoye; bi yaroonoo meechiyoye.

Hiziqeeli 34:26

Boonoshinaa ta geppee guudooch beeti xaaꞌeenaꞌonon diiremmo taane; amiyon bi goori gooroona dichemmo taane; ebiyoo diiree amiyon boonoshich tunemmone.

Mikiyaasi 7:20

Wonnee yemeenooch no qaabbechinaꞌoyich wogaꞌa ne gibenikkitoommon, ne gibeneyoonaa kuxeyaani ne shunoonon Abrahaminaa Yaaqobinochi shiijjeroo tuneti nooch bekkiibeeto neene.

Zakaariyaasi 8:13

Yihudee asheenaꞌonaa Israꞌeeleenaꞌonote, aageteenaꞌo daggooch uppetooch haddeeto ittoshine; tunebaani and ittoshin wodiyemmo taane. Ittoshiyoo diiroo tunemmo ittoshine. Shattaahote; ittoshi mochoo niraaye” iye.

Haddoo 14:12

Boonoshin kupphe biiyoona yexxemmo taane; boonoshin aalliyemmo taane. Neen boonoshiyee beshe meetinaꞌonaa hakkechinaꞌonoyich nihoo tuniyemmo taane” iye.

Haddoo 22:12

Yeeriyoo Balaamin “Boonoshina tookki hammaahine. Diireeti asheenaꞌo boonoshi tunetoyich, ebi asheenaꞌon uppaahine” iye.

Haddoo 23:20

‘Diiribe’ getteeto taane; bi diiriton ta shaddoo hakkaache.

Roomi 4:11

Dokireyaan beebee, mulloon Yeeri toommooch bi tooꞌitoyich cadiqoon danehe. Aroyee gubboo bi dokireyoo bi cadiqoon miixeebeeti malletoo tunehe. Ebich boonoshiyoo wotta cadiqeenaꞌo tuneree boonoshi haddeyemmoyich, dokireyaanoon mulloon Yeeri toommooch tooꞌii beetinaꞌo bullich nihoone.

Galaati 3:14

Bi biisheto, Yeeri Abrahamich immiti diiroo Kiristoos Yesuusina Aageteenaꞌoyich bi shaggemmoyichiye; nowoo bi toommooch no mulloon tooꞌiyoona Yeeri gibenikkiti Yaafe Ayaanoon no deqqemmoyichiye.

Galaati 3:7

Illa mulloon Yeeri toommooch toꞌiitinaꞌo Abrahamichi bushiisheenaꞌo boonoshi tunoon ariibote.

Yibbaatoo 26:5

“Newoo ne Nuggishoo Doono Yeeri aafooch ishichi gettemmo neene: ‘Qaabbechi ta nihoo yallyallimiibee echeti Araamee ashoone. Giisheche bi ashoona tookkii Gibits hammiꞌi arooch kotehe. Aroochaa aricheto, giidechonaa meetona tuneti aagetoon tunehe.