Halloo 11:7 - Kafa Linguistics Project

⁷ Wobote; kindibone. Boonoshinaa boonoshina ikkoo gettiibeeto baroyich bi giyaachemmoyich, boonoshi noonoon aroochaa baccibone” iye.

Halloo 11:7 ပူးပေါင်းရင်းမြစ်များ

Halloo 1:26

Aroyee gubb Yeeri “Ashoon no malletoona, noon shaahoonoo tunii hallibone; bahareexi haasheenaꞌon, shimaayoona yoobbiibeeti yoobbereenaꞌon, gijjeenaꞌonaa cooxinaꞌonon, showee toommona yuummiibeeti yuummere halleenaꞌo bullinoo hajjibeete” iye.

Halloo 10:20

Eboshi Kaamichi shiijjereenaꞌone; boonoshi yari yaroona qoodeeꞌi, boonoshi showi showooch beeheete; boonoshi yoodi yoodoona boonoshi hajjee noonoon yibbaatee beeheete.

Halloo 10:32

Noohi bushiisheenaꞌochi shiijjereenaꞌo boonoshi yoodi yoodoona eboshine. Aalliyee aacoyee gubb, aagetoo bulliich shaceti asheenaꞌo eboshine.

Halloo 10:5

Baharee gashoonaa buure showoonooch beeti asheenaꞌo ebi Yawaani bushiisheenaꞌochi shiijjereenaꞌone. Ebi Yafeetichi shiijjereenaꞌo boonoshi yari yaroona qoodeeꞌi, boonoshi showi showooch beeheete; boonoshi yoodi yoodoona boonoshi hajjee noonoon yibbaatee beeheete.

Halloo 11:5

Ebina katemoon shuuneheete. Arooba Doono Yeeri ebi asheenaꞌo shuuneti katemoonaa dilaaloonon beegga kindiye.

Halloo 3:22

Aroochee Nuggishoo Doono Yeeri ishichiye: “Ebiyoche, asho gondoonaa deꞌoonon ariyoona no daggoochee ikkoommon tunetone. Andoo bi kishoon yaggiree kashee michi aafoochee daami bi maayemmoyich, maaree bulli yemeenoon kashecho tuneree bi beeyemmoyich daggeyaache” iye.

Halloo 42:23

Yooseefi boonoshin bi yibbaatiibeeto wokkeellechona bi tunetoyich, boonoshi yibbaatee beeton waayeebeeto boonoshich shaahaanoone.

Iyoobi 12:20

Gibeneeti asheenaꞌochi noonoon hicciye; geeneenaꞌo waanee goommii deꞌon aalliihe.

Shoddo 2:4

Shimaayeexi bi qeenooch koteto miiccemmone; Doono boonoshin coonemmone.

Shoddo 33:10

Doono Yeeri aageteenaꞌochi yamoon duubo tuniyemmone; macceenaꞌochi gaboonoo guuppemmone.

Shoddo 55:9

Ta Doonocho, xuꞌoonaa hukkoonon katemoochee ta beeggetoyich, gondeenaꞌochi gaboon shace; boonoshi yibbaatoon yeshiyaahine.

Keyo 4:11

Arooba Doono Yeeri Muusich ishichiye: “Ashich heciyoon immito konine? Ashoon miimo woyee ulloo tuniibeeto konine? Aafecho woyee aaf doogoon tuniibeeto konine? Ebin tuniibeeto, Doono Yeeri ta toone?

Isiyaasi 33:19

Boonoshi yibbaatoo giyaani, shalligoon ittoshi hakkaani, ittoshich giyaani noonoona ittoshin daaciibee echeti maacmanje asheenaꞌon ebiyee bekk beegaachemmo ittoshine.

Isiyaasi 6:8

Aroochee Doonochi qaaro, “Konin wochebote? Konine nooch hammemmo?” ii bi beetaa waayeho. Tawoo “Taan wochebe; ta hammemmo taane” iyo.

Erimiyaasi 5:15

“Israꞌeelee kechi asheenaꞌote, wohi showoochee aageteenaꞌon ittoshi toommooch deebemmo taane” iye Doono Yeeri. “Eboshiyoo giidechinaꞌo, wonneechinaꞌo, boonoshi yibbaatoon ittoshi ariyaaneenaꞌonaa amoon boonoshi gettiibeeto gaata, shalligoon ittoshi hakkaaneenaꞌonane.

1 Qorontoosi 14:23

Illa kittinneenaꞌo ikkooch kiceechii, boonoshi bulla baribare noonoona boonoshi yibbaatee beetaa, boonoshi beetooch ariyaani asheenaꞌo woyee Kiristoosi toommooch mulloon tooꞌiyaaneenaꞌo giyigaata, “Hini asheenaꞌo geyetinaꞌone” getaacheheete?

Yibbaatoo 28:49

“Doono Yeeri booyo afaafinoona kindoommon kindiibeeti, boonoshi noonoon ne ariyaani aagetee asheenaꞌo wohoochee, showee tuggoochee waaree neen boonoshi kochemmoyich, tuniyemmone.