Halloo 11:31 - Kafa Linguistics Project

³¹ Taari, bi bushoo Abraamin, bi bushoochi bushoo, Haraanichi bushoo Looxin, Abraami mechee, bi naamechee Saarayinoo yechiꞌi, Kanaanee showooch hamma, Kalideenaꞌo showooch beeti, Uuri katemoochee kechiye. Tunebaani Karaan shaggiꞌi, arooch koteheete.

Halloo 11:31 ပူးပေါင်းရင်းမြစ်များ

Halloo 10:19

Boonoshi shaceto, Kanaanichi daaro Sidoonee tiijjiꞌi, Geraaree showoo waan Gaaza beddaahaane; aroocheenoo Sodoomi, Gomoori, Adiiminaa Tseboyimina waan, Laash beddaahaane.

Halloo 11:32

Taariyoo Karaan beechii, bi shiijjeti gutte ballaa uuche natona qitiye.

Halloo 12:4

Abraamiyoo Doono Yeeri biich bi gettitoommon, Karaanee tiyii hammiye; Looxiyoo biinna tookkii hammiye. Ebiyooba Abraami shabaa uuche nati ashoone.

Halloo 12:5

Abraamiyoo bi mechee Saarayin, bi manoochi bushoo Looxin, boonoshi gijjoonaa Karaanaa boonoshi daneti guuninaꞌo bulloshinon yechiꞌi tiyiye; boonoshiyoo Kanaanee showooch qaxiriyeete. Kanaanee showooch shaggiꞌi,

Halloo 14:12

Abraami manoochi bushoo Looxi Sodoomi bi beetoyich, biinoo, biich beeto bullinoo keccii daammiyeete.

Halloo 15:7

Aroochee Doono Yeeri Abraamich “Hini showoon ne woraashemmoyich neech imma, Kalideenaꞌo showooch beeti Uuri katemoochee neen kichiti Doono Yeeri taane” iye.

Halloo 24:10

Aroochee gaddiretoo bi doono Abrahami gaaleenaꞌoochee aashireenaꞌon kichiye; gaawi gaawe qiiceenaꞌo bullin xaaniꞌi, Mesopotaamee showooch beeti, Nakoori katemooch qaxiriye.

Halloo 24:15

Uro batt ishin gettii ciichaan bi beetaa, Ribiqi qondoon bi gogooch shaaggaꞌa bekkech xepheriihan. Ribiqi Abrahami manoo Nakoori bi mechee Milik waanee bi shiyiti bi bushoo Batuꞌeeli busheene.

Halloo 27:43

Andoo ta bushoocho, neech ta gettaa beeton tuniibe. Karaan beeti ta manoo Labaan waan kaate maxxebe.

Halloo 28:10

Yaaqobi Beershaabee tiyiꞌi, Karaan waan hammiye.

2 Taateenaꞌo 19:12

Ta qaabbechinaꞌo aalliiti Gozaan, Haraaninaa Retsefinooch beeti aageteenaꞌochi nuggisheenaꞌo, Telasaar beeti Edenee asheenaꞌonochi nuggisheenaꞌoo boonoshin wodiiteete?

Nehimi 9:7

“Nuggishoo Doono Yeero, Abraamin kaaccaꞌa, Kalideenaꞌo showoochee, Uuri katemoochee kichito, neene; bi shigoonoo Abrahami iyaꞌa shigiito, neene.

Iyoobi 1:17

Ebin gettii bi beetaa, baroo waaꞌi ishichiye: “Kalidee asheenaꞌo keejje kuxona waa qiddeenaꞌon goraadoona wuxiichii gaaleenaꞌon gashee daammiyeete. Ta ikkeeto baach muriccaꞌa ebin neech getta waahoye” iye.

Isiyaasi 37:12

Ta qaabbechinaꞌo aalliiti Gozaan, Haraaninaa Retsefinooch beeti aageteenaꞌochi nuggisheenaꞌo, Telasaar beeti Edenee asheenaꞌochi nuggisheenaꞌoo boonoshin wodiiteete?

Hibireena'o 11:8

Abrahami iristo tuniiree bi deqqemmi xaaꞌooch bi ceekkehooba, mulloon Yeeri toommooch tooꞌiiꞌi deꞌa iye; amooch bi hammiibeeto gaata ariyaanoon kechiye.