Halloo 10:4 - Kafa Linguistics Project

⁴ Yawaani bushiishoo: Elishi, Tarisheshi, Kitiiminaa Rodaniiminane.

Halloo 10:4 ပူးပေါင်းရင်းမြစ်များ

Halloo 10:5

Baharee gashoonaa buure showoonooch beeti asheenaꞌo ebi Yawaani bushiisheenaꞌochi shiijjereenaꞌone. Ebi Yafeetichi shiijjereenaꞌo boonoshi yari yaroona qoodeeꞌi, boonoshi showi showooch beeheete; boonoshi yoodi yoodoona boonoshi hajjee noonoon yibbaatee beeheete.

1 Kiinoo 1:7

Yawaanichi anaami bushiisheenaꞌo: Elishi, Tarisheshi, Kitiiminaa Rodaniiminane.

Isiyaasi 23:1

Xiroosichon Doono Yeer waanee getteeti wocho ebine: Tarisheshi markabeenaꞌote, eefote. Xiroosi tiishetine; bi kexonaa markabo neexee xaaꞌoona tiishee aalletone; Qoophiroosaa ittoshi waayemmi woroo ebine.

Isiyaasi 23:12

Ishichiinoo iye: “Xukketi Sidooni asheenaꞌote, ebiyee bekk emiriyaahote; tiyii Qoophiroos ittoshi hammitaanona arooch kashe koteyaachemmo ittoshine” iye.

Hiziqeeli 27:12

“ ‘Ne gaannee woddoochee tiyitona, Tarisheshee asheenaꞌo neenna tookkii giixee beeheete; birewoonaa xuuroonon, shombeqoonaa budoonon deebii bare qiicoona shaddii beeheete.

Hiziqeeli 27:25

Tarisheshee ogooge markabeenaꞌo ne qiicoon qaccii beeheete. “ ‘Newoo baharee daggoochaa giixee qiicoona ceenneti neene.

Hiziqeeli 27:6

Bashaanee meellee mixinaꞌoochee aachi yooppe ne madelloon shuuneheete; ne godo shuuneeto Qoophiroosee ciidee shaaqqoonane; bi guudo dangeyi gashoona shuuneetone.

Hiziqeeli 27:7

Ne markabeechi sharo, baanderoochoommon wohoochaa bi bekkemmoyich, shashiitaa bi toommooch shippeti Gibitsee waati muttee tuppoochee shippeti qoreddoochee shuuneetone; ne maccillaateenaꞌo Elishee buure showeexi dameroonaa shimaayitoona tuneti qoreddoochee shuuneetinaꞌone.

Daaneeli 11:30

Kitiimee asheenaꞌo markabeenaꞌona waaree biin kochemminaꞌone. Biyoo shatiree gubb kishe wottemmone; aroochee oogeti ippoona Yeerich tuneebeeti, ibere goyinnoon aalliyoyich tiyemmone. Yeerich goyinnoon qajjiti asheenaꞌona tookki xibemmone.

Haddoo 24:24

Ginechinaꞌo markabeenaꞌona Kitiimee showee daaroochee woyemminaꞌone; Ashuuree showoonaa Ebeeree showoonon koyi wochemminaꞌone. Ciiroochaa boonoshiyoo aallemminaꞌone” iye.