6 Ebiyee gubb, Yeeri “Aacinaꞌo gutte daggooch gumoo tunebe; hini are gumoo aaconaa aaconon qoodibe” iye.
Aree hillooch Yeeri “Areddoonaa xumoonon boonoshi barbariyemmoyich, bekkeenaꞌo shimaajji gumooch beebeete; qeminaꞌon, natinaꞌonaa yemeeneenaꞌonon boonoshi barbariyemmoyich, shimaayooch malleteenaꞌo tunebeete;
Aree hillooch Yeeri “Shuuriibeeti kashechi halleenaꞌo aachi daggooch ceeneete; yoobbereenaꞌo showoyee damba shimaajji gumoyee desh yoobeete” iye.
Yeeri bi kashoon kachiꞌi gumoon xalliihe; qingireebee awureebeeti dingeroon bi kishoona kochiye.
Yeeri, qubeenaꞌo amiyon yechemmoyich tuniihe; xeeyoonoo boonoshi daggooch daachiihe.
gooshoo ukkoommon ukkaa shuuneeti, kupphe heeraawoommi shimaayoon bi yaggiyooba, ne, biinna tookkaa shuunoon hakkitine?
Bekkoon tahoochoommon taheto neene; shimaayoonoo duukkaanoochoommon yaggito neene.
Shimaayoyee dambee shimaayeenaꞌote, biin galletebote; gumoyee dambee aacinaꞌote, biin galletebote.
Haleluya! Yeerin bi yaafee kexoochaa galletebote; bi giidoona bi beeti shimaayoochaa galletebote.
Shimaayoo Yeerichi oogoon gettiye; gumoo bi kishee shuunoon awaajjiye.
Areddoo areddoyich gettiye; xumoo xumoyich ariyoon awaajjiye.
Shimaayeenaꞌo Doono Yeerichi qaaroona halleeheete; shimaajji halleenaꞌo bulli bi noonoochee kechiti qaaroona halleeheete.
Bi getaa showoo halleehe; bi gettitoyichoo manjiye.
Qubo aaqqii manderegaata, amiyo dihiye; mixo deshi-waan, woyee dambi-waan bi dihigaata, are bi dihitooch beehe.
Yeeri, showee guuyee toommooch, bi taatee qeenon geddiꞌi kotehe; showee toommeexi asheenaꞌo kundoomminaꞌone; shimaayeenaꞌon maccillaatoochoommon yaggiye; beemi duukkaanoochoommon xogiye.
Tunebaani Doono Yeeri ibere Nuggishoone; aroo beeyechi Nuggishoonaa bulli aabee Taatoonane; bi kaaroochee tiyitona showoo qewehe; aageteenaꞌoo bi kaaroon haaꞌiyoon hakkaacheete.
Showoon bi hakkoona hallito, bi ariyoona showee tuggeenaꞌon manjiito, bi shalligoona shimaayoon yaggito, biine.
Israꞌeeleenaꞌochon Doono Yeeri gettiti qaaro: Shimaayoon yaggiti, showoon halliti, ashich kashee hiinnoon immiti Doono Yeeri ishichiye:
Wonna Yeeri bi gettiti qaaroona showoonaa shimaayoonon bi halloon shalligoon qaawaacheete; showoonoo aacoochee aacona shuunehe;