Halloo 1:3 - Kafa Linguistics Project

³ Aroochee Yeeri, “Bekko tunebe” iye; bekkoo tunehe.

Halloo 1:3 ပူးပေါင်းရင်းမြစ်များ

Halloo 2:4

Nuggishoo Doono Yeeri shimaayoonaa showoonon bi halliyooba, boonoshin bi hallito ebiyoommi gommonane. Nuggishoo Doono Yeeri shimaayoonaa showoonon bi halliyooba,

Iyoobi 38:19

“Bekko beemi xaaꞌooch daammiibeeti gommo aabine? Manderoo beemi xaaꞌoo aabiichiye?

Shoddo 104:2

Bekkoon tahoochoommon taheto neene; shimaayoonoo duukkaanoochoommon yaggito neene.

Shoddo 118:27

Doono Yeeri Nuggishoone; bekkoon nooch bekkiitone. Michi kishoon yeshiree deejjee gudee qareechi guudoona baaroon wonnibote.

Shoddo 148:5

Bi getoona boonoshi halleetoyich, Doono Yeerichi shigoon galletebeete.

Shoddo 33:6

Shimaayeenaꞌo Doono Yeerichi qaaroona halleeheete; shimaajji halleenaꞌo bulli bi noonoochee kechiti qaaroona halleeheete.

Shoddo 33:9

Bi getaa showoo halleehe; bi gettitoyichoo manjiye.

Shoddo 97:11

Cadiqeenaꞌoyich bekko bekkehe; mulli kaameenaꞌoyichoo emiroo tunehe.

Isiyaasi 45:7

Manderoonaa bekkoonon hallito taane; deꞌe yemeenoonaa gonde yemeenoonon deebaabeetoo taane; ebi bulli mooyon tuniyaabeeto Doono Yeeri taane.

Isiyaasi 60:19

Ebiyee bekk areddoon neech bekkoon tunemmi aabe tooneene; xumoonoo neech ceechoon tunemmi agene tooneene; Doono Yeeri bulli yemeenee ceechoon neech tunemmone; ne Nuggishoo neech oogee yiiroon tunemmone.

Maatiyoosi 8:3

Yesuusiyoo bi kishoon hini are uro toommooch kotiiꞌi, “Daaggiyoye, wodibe” iye. Ishichii bi immona, uro bekkech qeddee shaddee biiyoochee wodiye.

Yowannisi 1:5

Hini are bekko manderoon bekkii beetone; manderoo biin qeroon hakkaanoone.

Yowannisi 1:9

Are bekko alemooch waabee, asho bullich bekkiibeeti ibere bekkoone.

Yowannisi 11:43

Ishichiꞌi bi corootitoyee gubb bi qaaroon oogichiꞌi, “Alazaaro, waa keye” iꞌi ceeggiye.

Yowannisi 3:19

Bekko showee toommooch waahe; tunebaani asheenaꞌo boonoshi shuunoo gondo bi tunetoyich, bekkoyee manderoon shunniyeete; bi nallito ebichiye.

2 Qorontoosi 4:6

“Manderooch bekko bekkebe” iti, Kiristoosichi barooch wacciibeeti bi oogee yiiree ariyoon bekkiibeeti bekkoon imma no mullee daggooch aaxxiito, Yeerine.

Efesooni 5:8

Ebiyee aaf manderoo ittoshine; tunebaani and Doono Yesuusina, bekko ittoshine; bekko aafeebeeti aafo deꞌittino, cadiqittinoonaa iberittino bullinane; ebich Doono Yeerin emirikkemmo aabi gaata bariiree, bekkee bushiisheenaꞌochoommon beebote.

1 Ximootiyoosi 6:16

Bi ikkeeto baachiye qitaano; koniyoona shago hakkaani wacciibeeti bekkoochiye bi beeto; aafoona biin beeggito koniyoona aalloone; biin beego ashich hakkeyaache. Oogoonaa giidoona bulli yemeenoon biich tunebe. Ameena.

1 Yowannisi 1:5

Bi waanee no waayeto, andoo ittoshich no arichiibeeti wocho “Yeeri bekkoone; manderoo cir bi waan aalloone” ii beetone.

1 Yowannisi 2:8

Tunebaani andire mooyon ittoshich kooraabeeto taane; ebi are mooyo Kiristoosi shuuneti mooyonaa ittoshi shuuneebeeti mooyona iberoo bi tuno bekketone. Bi bekkeebeetoo, manderoo beshee beetonaa ibere bekko harii bekkee bi beetonoyichiye.