Halloo 1:26 - Kafa Linguistics Project

²⁶ Aroyee gubb Yeeri “Ashoon no malletoona, noon shaahoonoo tunii hallibone; bahareexi haasheenaꞌon, shimaayoona yoobbiibeeti yoobbereenaꞌon, gijjeenaꞌonaa cooxinaꞌonon, showee toommona yuummiibeeti yuummere halleenaꞌo bullinoo hajjibeete” iye.

Halloo 1:26 ပူးပေါင်းရင်းမြစ်များ

Halloo 11:7

Wobote; kindibone. Boonoshinaa boonoshina ikkoo gettiibeeto baroyich bi giyaachemmoyich, boonoshi noonoon aroochaa baccibone” iye.

Halloo 2:19

Nuggishoo Doono Yeeri showee buttoochee gijjeenaꞌonaa cooxinaꞌo bullinon, wotta shimaayoona yoobbiibeeti yoobbereenaꞌo bullinoo hachitone; Addaami am ama geti bi shigiyemmo gaata beegoyich, bi waan deebiye. Addaamiyoo kashechi halleenaꞌo bullich bi shigiiti shigo manjiye.

Halloo 3:22

Aroochee Nuggishoo Doono Yeeri ishichiye: “Ebiyoche, asho gondoonaa deꞌoonon ariyoona no daggoochee ikkoommon tunetone. Andoo bi kishoon yaggiree kashee michi aafoochee daami bi maayemmoyich, maaree bulli yemeenoon kashecho tuneree bi beeyemmoyich daggeyaache” iye.

Halloo 5:1

Addaami shiijjeree haddee yaaroo ebine: Yeeri ashoon bi halliyooba, bi shaahoona tuniihe.

Halloo 9:6

“Asho, Yeeri ta malletoona halleetone; ebich ashi damoon ukkimmochi damoon bare asho ukkemmone.

Iyoobi 35:10

Tunebaani ‘Iritee aaboobolla, shoddoon no shoddemmoyich tuniibeeti, kubbi cooxinaꞌoyee beshoon, nooch dojjiibeeti, shimaajji gaceenaꞌoyee beshoon, shalligecho noon tuniibeeti, noon halliti Nuggishoo aaye?’ ito koniyoona aalloone.

Iyoobi 39:11

Giidecho bi tunetoyich, biin gibeneree, magge ne shuunoon bi shuunemmoyich biich bulliyenne?

Iyoobi 5:23

Ne gochaabeeti showooch xaqqo meetaachemmone; kubbi cooxinaꞌoo neen qaawaachemminaꞌone.

Shoddo 100:3

Doono Yeeri Nuggishoo bi tunoon ariibote; noon hallito biine; nowoo biicho noone; gaddooch beeti bagoommi bi asho noone.

Shoddo 149:2

Israꞌeeleenaꞌo boonoshin Hallitona emiribeete; Tsiyooni asheenaꞌo boonoshi Taatoona wucwuceete.

Dojjecho 7:29

Ikke mooyon baach ariiho: Yeeri asheenaꞌon kaamoo tuniiꞌi halliye; tunebaani asheenaꞌo wodde acon qaawiyeete” iye.

Solomooni 1:11

Birewee qebbechi aachee shashoon neech shuuniyemmo noone.

Isiyaasi 45:18

Shimaayeenaꞌon halliti Doono Yeeri, showoon halliti, shuuneti, manjiiti, beeyi xaaꞌoon bi tunemmoyichani, shokkoon bi tunemmoyich hallaani Yeeri ishichiye: “Ta, Doono Yeeri taane; tayee bare nuggishoo aalloone.

Isiyaasi 6:8

Aroochee Doonochi qaaro, “Konin wochebote? Konine nooch hammemmo?” ii bi beetaa waayeho. Tawoo “Taan wochebe; ta hammemmo taane” iyo.

Isiyaasi 64:8

Tunetaa Doono Yeero, ne, no Nihoo neene; no, nuuqqoo noone; newoo noon hacheto neene; no bulli ne kishee shuunoo noone.

Erimiyaasi 27:6

Andoo ebi showoo bullin ta maddecho tuneti Baabloonee taatoo Nabukadinatsorich immeto taane; biich boonoshi hajjeyemmoyich, kubbi cooxinaꞌonoo immeto taane.

Yowannisi 14:23

Yesuusi wochiꞌi biich ishichiye: “Taan shunniibeeto koniyoona bi beegaata, ta getteton ceechemmone; ta Nihoo biin shunnemmone; bi waanoo woyemmo noone; bi waanoo beeyemmo noone.

Yowannisi 5:17

Tunetaa boonoshich Yesuusi “Ta Nihoo hanaach beddaahaa shuunee beetone; tawoo ta qelloona shuunaabeeto taane” iꞌi gettiye.

Mishiraachechinaꞌo 17:20

Ne gettaabeeti mooyo nooch andiro bi tunetoyich, kaachiree ne gettemmoyich qaawaabeeto noone” iꞌi echeheete.

Mishiraachechinaꞌo 17:26

Showee toommo bulliich boonoshi beeyemmoyich, aagetee asheenaꞌo bullin ikke ashoochee halliye. Wotta boonoshin hallaan beebee, boonoshi kashee yemeenoonaa boonoshi beeyemmi xaaꞌoonon shiichiꞌi daarehe.

1 Qorontoosi 11:7

Anaamo Yeerichi shaahoonaa bi oogee yiiree malletoonon bekkiyecho bi tunetoyich, bi qelloon kaafo qaawiyaache; tunebaani maachee anaamoyich oogee yiiree malleteene.

2 Qorontoosi 3:18

Ebich no bulli kaappeyaani baroona Doonochi oogee yiiroon heeraawoochoommon wacciibeeto noone; hini oogee yiiroo Ayaano tuneti Doono waanee bi waa beetoyich, Doonochi malletoon no shaahemmoyich, oogee yiiroochee beshe oogee yiirooch noon shaddii beetone.

2 Qorontoosi 4:4

Hini alemoon hajjiibeeti gonde nuggishoo Kiristoosi toommooch mulloon tooꞌiyaaneenaꞌo Yeerichi shaahoo tuneti Kiristoosichi oogee yiiree mishiraachee qaaree bekkoon boonoshi beegaachemmoyich, boonoshi gaboon wolliihe.

Efesooni 4:24

Ibere cadiqittinoonaa yaafittinoona Yeerin shaahoyich halleeti andire ashoon tahebote.

Qolaasiyaasi 1:15

Kiristoosi bekkeyaani Nuggishoochi shaahiyoone; halleetinaꞌo bulliyee shiichiꞌi beeti qaabboone;

Qolaasiyaasi 3:10

Ebi andire asho Yeeri bi hajjee shaahoon bi tunemmoyich, biinoo ariyooch bi beddemmoyich bi andiriibeeti ashoone.

Yaaqobi 3:7

Kubbi cooxinaꞌonaa gaceenaꞌonon, showoona shaꞌee beetinaꞌonaa aachi daggooch beeti halleenaꞌo bullinon asho dojjii beetone, wotta doyitinaꞌone.

Yaaqobi 3:9

Are heciyoona Doononaa Nihoona tuneti Yeerin naadiyone; are heciyoonoo Yeerichi shaahoommona halleeti asheenaꞌon uppehone.

1 Yowannisi 5:7

Miixee beetinaꞌo keeminaꞌone;