Halloo 1:22 - Kafa Linguistics Project

²² Yeeriyoo haasheenaꞌon ishichiꞌi diiriye: “Shiijje shiijjerebote; baharee aacooch ceenote” iye. Yoobbereenaꞌon wotta “Showee toommooch meetote” iye.

Halloo 1:22 ပူးပေါင်းရင်းမြစ်များ

Halloo 1:21

Baharee daggooch daneebeeti ogooge halleenaꞌonaa aachi daggooch meettiꞌi daneebeeti, shuuriibeeti kashechi halleenaꞌo bullinon boonoshi shaahi shaahoona, wotta shimaayoona yoobbiibeeti yoobbereenaꞌo bullin boonoshi shaahi shaahoona halliye. Yeeri ebi gaaweto bi tunoon ciinniꞌi emiriye.

Halloo 1:23

Showoo xumeꞌi hariye; ebiyoo uuchinnee qemone.

Halloo 1:28

Bi hallitoyee gubb, Yeeri boonoshin “Shiijje shiijjerebote; showoona ceenote; showee toommooch beetinaꞌo bullin hajjibote. Haasheenaꞌo toommooch, yoobbereenaꞌo toommooch, showee toommona shaꞌeebeeti halleenaꞌo bulli toommoochoo taatebote” ii diiriye.

Halloo 30:27

Labaaniyoo “Eke ikke mooyon neech getona. Doono Yeeri ne naboona taan bi diiroon ta nuggisheenaꞌo taach bekkiitinaꞌone.

Halloo 30:30

Ta womoyee aaf, neech beeti gijjeenaꞌo giishecheenaꞌone. And oogeton meettitinaꞌone. Ta naboona Doono Yeeri neen diiritone. Ishigaata, ta hajjee kexoyich ta shuunemmo aatane?” iye.

Halloo 35:11

Yeeriyoo daakkiꞌi Yaaqobich ishichiye: “Beshe Hakkechi Nuggishoo taane. Shiyi shiijjerebe; meete. Ne shiijjeroochee meeti aagetoo kechemmone. Taateenaꞌo ne waanee shiijjemminaꞌone.

Halloo 8:17

Neenna tookkii markabooch beeti, meenon taheti kashechinaꞌo bullin, eboshiyoo gijjeenaꞌonaa cooxinaꞌonon, yoobbereenaꞌon, showee toommona yuummiibeeti halleenaꞌo bulloshin, showee toommooch boonoshi shiijje shiijjeremmoyich, neenna tookki maach kichibe” iye.

Halloo 9:1

Yeeri Noohinaa bi bushiishoonon ishichiꞌi diiriye: “Shiijje shiijjerebote; showoo bulliichoo ceenote.

Iyoobi 40:15

“Eke neen ta halloommon ta halliti, Behemooti getteebeeti cooxon ciine; biyoo gattoochoommon mocoon maa beetone.

Iyoobi 42:12

Doono Yeeriyoo Iyoobichi gubbi beemon aafichoyee beshoon diiriye. Biyoo aaraa awudde hume bagoon, shiritte hume gaaleen, hume kashee gattoonaa hume maache kureenaꞌonon hajjiye.

Shoddo 107:31

Doono Yeerin bi shoodoyich ashi bushiishoyich bi tuniiti worganikkiti mooyoyich, galletebeete.

Shoddo 107:38

Boonoshin diiriye; oogichiꞌinoo meettiyeete; boonoshi gijjeenaꞌo meettemoyichoo tuniihe.

Shoddo 128:3

Ne kechi daggoochaa, ne mechee aafeebeeti woyinoommon tunemmine; ne bushiisheenaꞌoo ne madee guudoona zayitee michi colloommon tunemminaꞌone.

Shaahiyoo 10:22

Doono Yeerichi diiroo gaannechon tuniihe; ayinoonoo arooch daakkaache.

Leweenaꞌo 26:9

“ ‘Ittoshin gaawe aafoona ciinnemmo taane. Shiyi shiijjereree ittoshi meettemmoyich tuniyemmo taane; ta wogoonoo ittoshich manjiyemmo taane.