Halloo 1:21 - Kafa Linguistics Project

²¹ Baharee daggooch daneebeeti ogooge halleenaꞌonaa aachi daggooch meettiꞌi daneebeeti, shuuriibeeti kashechi halleenaꞌo bullinon boonoshi shaahi shaahoona, wotta shimaayoona yoobbiibeeti yoobbereenaꞌo bullin boonoshi shaahi shaahoona halliye. Yeeri ebi gaaweto bi tunoon ciinniꞌi emiriye.

Halloo 1:21 ပူးပေါင်းရင်းမြစ်များ

Halloo 1:20

Aree hillooch Yeeri “Shuuriibeeti kashechi halleenaꞌo aachi daggooch ceeneete; yoobbereenaꞌo showoyee damba shimaajji gumoyee desh yoobeete” iye.

Halloo 1:22

Yeeriyoo haasheenaꞌon ishichiꞌi diiriye: “Shiijje shiijjerebote; baharee aacooch ceenote” iye. Yoobbereenaꞌon wotta “Showee toommooch meetote” iye.

Halloo 1:25

Yeeri cooxon bi shaahi shaahoona, gijjoon bi shaahi shaahoona, yuummero bullinoo bi shaahi shaahoona halliye. Yeeri ebi gaaweto bi tunoon ciinniꞌi emiriye.

Halloo 1:31

Yeeriyoo bi hallito bullin bi ciinaa, oogeton gaaweto bi tunetoyich emiriye. Showoo xumeꞌi hariye; ebiyoo shirittinnee qemone.

Halloo 2:19

Nuggishoo Doono Yeeri showee buttoochee gijjeenaꞌonaa cooxinaꞌo bullinon, wotta shimaayoona yoobbiibeeti yoobbereenaꞌo bullinoo hachitone; Addaami am ama geti bi shigiyemmo gaata beegoyich, bi waan deebiye. Addaamiyoo kashechi halleenaꞌo bullich bi shigiiti shigo manjiye.

Halloo 6:20

Kashoona boonoshi beeyemmoyich, yoobbereenaꞌo boonoshi shaahi shaahoona, gijjeenaꞌonaa cooxinaꞌona boonoshi shaahi shaahoona, showee toommona yuummiibeeti halleenaꞌoo boonoshi shaahi shaahoona, gutti gutteree ne waan gibeete.

Halloo 7:14

Boonoshina tookkii cooxinaꞌo bulli boonoshi shaahi shaahoona, gijjeenaꞌo bulli boonoshi shaahi shaahoona, showee toommona yuummiibeeti halleenaꞌo bulli boonoshi shaahi shaahoona, yoobbereenaꞌo bulliyoo boonoshi shaahi shaahoona giyiyeete.

Halloo 8:17

Neenna tookkii markabooch beeti, meenon taheti kashechinaꞌo bullin, eboshiyoo gijjeenaꞌonaa cooxinaꞌonon, yoobbereenaꞌon, showee toommona yuummiibeeti halleenaꞌo bulloshin, showee toommooch boonoshi shiijje shiijjeremmoyich, neenna tookki maach kichibe” iye.

Halloo 8:19

Showee toommona shaꞌee beetinaꞌo bulli, eboshiyoo gijjeenaꞌonaa cooxinaꞌona, yuummere halleenaꞌo, yoobbereenaꞌo bulloshiyoo, boonoshi shaahi shaahoona dabbeeꞌi markaboochee kechiyeete.

Halloo 9:2

Showeexi gijjeenaꞌonaa cooxinaꞌona, shimaayoona yoobbiibeeti yoobbereenaꞌo, yuummereenaꞌonaa bahareexi haasheenaꞌo bulloshina ittoshin shattii, keqqii beetinaꞌo tunebeete; boonoshinoo ittoshich immeto taane.

Halloo 9:7

“Tunebaani ittoshi shiijje shiijjerebote; shiijjereree showee toommo bulliich ceenote” iye.

Iyoobi 12:7

“Eke gijjeenaꞌon echebe; neech dojjemminaꞌone. Shimaajji gaceenaꞌon echebe; neech gettemminaꞌone.

Iyoobi 26:5

“Showee dechiich, dechi aachi daggooch beeti, qititi asheenaꞌochi kasho shatona qewehe.

Iyoobi 7:12

Quyechon ta toommooch ne geddeto, ta, baharo woyee baharee daggeexi cooxo taane?

Shoddo 148:7

Bahareexi halleenaꞌonaa ceeni aacinaꞌonote, ittoshi bulli showoochaa Doono Yeerin galletebote.

Keyo 1:7

Tunebaani Israꞌeeleenaꞌo shiijjee meettiyeete. Boonoshiyoo haddoona meettii giidechinaꞌo tuneꞌi, Gibits ceenniyeete.

Keyo 8:3

Abbaayi aacooch woqqeqqeenaꞌo ceennemminaꞌone; woqqeqqeenaꞌo aroochee keyiree, ne taatee kexooch, ne qeyaabeeti gatooch, ne qeyaabeeti qeenooch, ne iraasheenaꞌo kexonaa ne asheenaꞌo kexonooch, neech maayo kachiibeeti gemmoonaa bukee qiiceenaꞌonooch ceennemminaꞌone.

Hiziqeeli 32:2

“Ashi bushoocho, Gibitsee taatoo Faroonich shooshebe; biichoo ishichibe: ‘Aageteenaꞌo daggooch neen daaheroo tuniiꞌa ciinnehine; tunebaani baharooch beeti, shattiibeeti cooxoommo neene; aaconoo ne baatoona kobecaꞌa qudiito neene.

Yoonaasi 1:17

Doono Yeeri Yoonaasin ooge haashoo qooxxemmoyich tuniitone. Biyoo haashee maacooch keejje areddoonaa keejje xumoonon beehe.

Yoonaasi 2:10

Aroochee Doono Yeeri haashoyich getaa, Yoonaasin shuuꞌi showooch aapphiye.

Maatiyoosi 12:40

Yoonaasi ooge haashee maacooch keejje areddoonaa keejje xumoonon bi kotetoommon, ebiyoommon Ashi Bushoo showee maacooch keejje areddoonaa keejje xumoonon kotemmone.