Halloo 1:14 - Kafa Linguistics Project

¹⁴ Aree hillooch Yeeri “Areddoonaa xumoonon boonoshi barbariyemmoyich, bekkeenaꞌo shimaajji gumooch beebeete; qeminaꞌon, natinaꞌonaa yemeeneenaꞌonon boonoshi barbariyemmoyich, shimaayooch malleteenaꞌo tunebeete;

Halloo 1:14 ပူးပေါင်းရင်းမြစ်များ

Halloo 1:13

Showoo xumeꞌi hariye; ebiyoo keejjinnee qemone.

Halloo 1:15

ebi bekkeenaꞌo showee toommooch boonoshi bekkiyemmoyich, shimaajji gumooch beebeete” iye; bi gettitoommonoo tunehe.

Halloo 8:22

“Showee beemmi yemeeno bulliich, shookki yarimmoonaa qecci yarimmoona, aqqoonaa gaamoona, qaawoonaa yooyona, areddoonaa xumoona, kuxeyaachemmone” iye.

Halloo 9:13

Ta malletoo tuneti ximbittoon qubee daggooch geddemmo taane; ebiyoo taannaa showee toommo bulliich beetinaꞌonochi daggooch wogee malletoo tunemmone.

Iyoobi 25:3

Bi ginee naayinaꞌo haddaa ciireheete? Bi ceechoo aaxxeyaano konichiye?

Iyoobi 25:5

Bi aafoochaa, ageneyona gaawichaa aaxxeyaaneene; xojjeneenaꞌoo xalleꞌi aaxxeyaaneenaꞌone.

Iyoobi 3:9

Are ta shiijjeti xumooba haree xojjeno aaxxaaye; bekkoon quyebee muccebe; showee haree gaargaaroon beeggaaye.

Shoddo 119:91

Bulli mooyonona ne maddechinaꞌo boonoshi tunetoyich, ne getoommona manjiree beeyemminaꞌone.

Shoddo 148:3

Aabeenaa ageneenote, biin galletebote; aaxxeebeeti xojjeneenaꞌote, biin galletebote.

Shoddo 148:6

Boonoshin bulli yemeenooch manjii neechitone; shaddeyaani sheeroona boonoshin qociitone.

Shoddo 150:1

Haleluya! Yeerin bi yaafee kexoochaa galletebote; bi giidoona bi beeti shimaayoochaa galletebote.

Shoddo 81:3

Batti batti agenee keyooba, no baaree aabooba, ceeni agenee bekkehooboo, shametoon hugote.

Isiyaasi 40:26

Ittoshi aafoon kaachiree shimaayooch ciinote; ittoshi beeggiibeeti xojjeneenaꞌon hallito konine? Bi boonoshin ginee naayinaꞌochoommon kichiye; boonoshi bullinolla boonoshi shigoona ceeggiye; ooge giidecho, ooge hakkecho bi tunetoyich ikkolla aalleyaache.

Erimiyaasi 10:2

Doono Yeeri ishichiye: “Aageteenaꞌochi gommon doyiyaahote; aageteenaꞌo shimaajji malleteenaꞌon boonoshi beegigaata, oogichii shattii beetinaꞌone; tunebaani ittoshi shattaahote.

Erimiyaasi 31:35

Areddoyich aaboon tuniito, xumoyich ageneenaa xojjenoonon qociito, baharee aayinaꞌo buugemmoyich baharoon shuurikkiibeeto, bi shigo Beshe Mawe Doono Yeeri ishichii beetone:

Erimiyaasi 33:20

“Doono Yeeri ta ishichiyoye: Areddoonaa xumoona bi qoceetoommon kaalli kaalloona bi waataachemmoyich, areddoona tookkii ta giyeti wogoonaa xumoona tookkii ta giyeti wogoonon happoon ittoshi hakkigaata,

Erimiyaasi 33:25

Daakkiꞌi Doono Yeeri ishichiye: “Areddoonaa xumoonoyich ta giyeti wogoon, shimaayoonaa showoonoyich qociyoon manjiyaano ta gaata,

Hiziqeeli 46:1

Nuggishoo Doono Yeeri ishichiye: “Maaci addibaabooch giijjiibeeti, aabi-keyo waan wotteti kello, shuunee aabo tuneti shiritte qemo bulliich hicheree beebe; tunebaani shambetoobinaa agenee keyi baaroobina qecheebe.

Hiziqeeli 46:6

Agenee keyi baarooba, ikke gubbenoon, shiritte gishiishi bagee baaddoonaa ikke ooge bagee baaddoonon giddiibe; eboshi bulliyoo bachaalleenaꞌo tunebeete.

Yoꞌeeli 2:10

Boonoshi aafaa showoo qewehe; shimaayoo shuuriye. Aabeenaa ageneena mandereheete; xojjeneenaꞌoo aaxxemmon qajjiyeete.

Yoꞌeeli 3:15

Aabeenaa ageneena manderemminaꞌone; xojjeneenaꞌoo aaxxeyaache gettemminaꞌone.

Amootsi 5:8

Fileyadeesinaa Oriyoonina getteebeeti xojjeneenaꞌon hallito, dunne manderoon hariibeeto, hariton xumiibeeto, baharee aacon wochiꞌi, showee toommona bi taheyemmoyich tuniibeeto, giidechinaꞌo toommooch aalloon deebiꞌi, boonoshi mishigoon happii aalliibeeto, bi shigo Doono Yeerine.

Amootsi 8:9

Nuggishoo Doono Yeeri ishichitone: “Ebi arooba, areddee shiritte saatooch aabe giyemmoyich tuniiree, areddoon xumiyemmo taane.

Maatiyoosi 2:2

“Katinoon shiijjeti Ayihudeenaꞌochi taatoo aabiichiye? Bi xojjenoon aabi-keyoochaa beeggaꞌa, biich goyinneya waato noone” iyeete.

Maatiyoosi 24:29

Wotta Yesuusi ishichiye: “Ebiyooba ebi are xuuxoyee gubb, ‘Aabe bekkech manderemmine; ageneyoo aaxxeyaachemmine; xojjeneenaꞌo shimaayoochee hollemminaꞌone; shimaajji giideenaꞌo shuuremminaꞌone.’

Maariqoosi 13:24

Wotta Yesuusi daakkiꞌi ishichiye: “Ebiyooba ebi are xuuxoyee gubb, ‘Aabe manderemmine; ageneyoo aaxxeyaachemmine;

Yibbaatoo 4:19

Damba shimaayooch ciiniree, aabeen, ageneenaa xojjenoonoyich ne goyinne maddemmoyich ne mullo neen bi geechaachemmoyich, ne qelloon ariibe! Ne Nuggishoo Doono Yeeri eboshich boonoshi goyinne maddemmoyich showee toommo bulliich beeti asheenaꞌon beshiiꞌi immitone.

Yaaꞌoo 6:12

Bagoo shirittinnee maatemoon bi gaxximmona beeggeho; oogeti showee qewo tunehe; aabeyoo shiixxoon shaahaꞌa aaqqahan; ageneyoo damoon shaahaa ceellahan.

Yaaꞌoo 8:12

Awuddinnee maraakoo tiroon huggiye; aabee keejje beereexi ikke beeroo, agenee keejje beereexi ikke beeroo, xojjeneenaꞌochi keejje beereexi ikke beeroo yexxehe; eboshichi keejje beereexi ikke beeroo manderehe; areddee keejje beereexi ikke beerooch, xumee keejje beereexi ikke beerooch bekko aallehe.

Yaaꞌoo 9:2

Biyoo oppee hoonoon qechiye; ooge qaaqqee gudoochee kechii beetoommi cufoo oppoochee kechiye; oppoochee kechiti cufoo aabeen kaappiꞌi shimaayoon manderiihe.