Halloo 1:1 - Kafa Linguistics Project

¹ Shiichiꞌi Yeeri shimaayoonaa showoonon halliye.

Halloo 1:1 ပူးပေါင်းရင်းမြစ်များ

2 Taateenaꞌo 19:15

Aroochee Hiziqiyaasi Doono Yeer waan ishichiꞌi corootiye: “Kiruubeenaꞌoyee tookk kotaabeeti, Israꞌeelee Nuggishoo Doono Yeero, ne baach showee taateenaꞌo bullichi Nuggishoo neene. Showoonaa shimaayoonon hallito neene.

1 Kiinoo 16:26

Aageteenaꞌochi nuggisheenaꞌo bulli, shahalleenaꞌone; tunebaani shimaayeenaꞌon hallito Doono Yeerine.

2 Kiinoo 2:11

Aroochee Xiroosi taatoo Kiraami koorichoon kooriꞌi Solomoonich ishichiꞌi daachiihe: “Doono Yeeri bi asheenaꞌon bi shunnitoyich, boonoshi toommooch neen taatiitone” iye.

Nehimi 9:6

Ne ikkeeto baach Doono Yeeri neene; shimaayoon, shimaayeexi shimaayoon, boonoshi daggoochoo beeto bullin, showoonaa bi toommooch beeto bullinon, baharoonaa bi daggooch beeto bullinonoo hallito neene; bullichona kashoon immaabeeto neene. Shimaayeexi halleenaꞌo bulliyoo neech goyinnee beetinaꞌone.

Iyoobi 26:13

Yeeri bi kashoon kachiꞌi gumoon xalliihe; qingireebee awureebeeti dingeroon bi kishoona kochiye.

Iyoobi 38:4

“Showoon ta halliyooba ne aabiichiye ne beeto? Shalligaabeeto ne tunegaata, taach gete.

Iyoobi 9:8

Bi ikkeeto shimaayoon yaggitone; aachi aayon bi baatoona neexxii beetone.

Shoddo 102:25

Ne, wonnee tiijjaꞌa showoon heccehine; shimaayoo ne kishee shuunoone.

Shoddo 104:24

Doono Yeero, ne shuunoo am shaahe woddoone! Bullin ne ariyoona shuuneto neene; ne halliti mooyo showoona ceennitone.

Shoddo 104:30

Ne Ayaanoon ne deejjaa halleeheete; showoyichoo andire kashoon immehine.

Shoddo 115:15

Showoonaa shimaayoonon halliti, Doono Yeeri ittoshin diiribe.

Shoddo 121:2

Taan gaachemmo, showoonaa shimaayoonon halliti Doono Yeerine.

Shoddo 124:8

Noon gaacheebeeto showoonaa shimaayoonon halliti Doono Yeerine.

Shoddo 134:3

Showoonaa shimaayoonon halliti Doono Yeeri, Tsiyoonaa neen diiribe.

Shoddo 136:5

Shimaayeenaꞌon bi ariyoona shuuneto, bulli yemeenoon shoodechone.

Shoddo 146:6

Showoon, shimaayoonaa baharoonon, arooch beeto bullinoo hallito, bulli yemeenoon bi qaaroon quyeebeeto, biine.

Shoddo 33:6

Shimaayeenaꞌo Doono Yeerichi qaaroona halleeheete; shimaajji halleenaꞌo bulli bi noonoochee kechiti qaaroona halleeheete.

Shoddo 33:9

Bi getaa showoo halleehe; bi gettitoyichoo manjiye.

Shoddo 8:3

Ne halliti, shimaayoon ta beeggemmona, boonoshi xaaꞌi xaaꞌooch ne kotiiti ageneenaa xojjeneenaꞌonon ta beeggemmona,

Shoddo 8:4

biin ne gabemmoyich asho amoone? Biich ne aaxxiyemmoyich ashi bushoo amoone?

Shoddo 90:2

Guudinaꞌo shuuneyaan beetaa, showoonaa alemoona halleyaan beetaa, bulli aaboochee bulli aabooch ne, Nuggishoo neene.

Shoddo 96:5

Aageteenaꞌochi nuggisheenaꞌo bulli, shahalleenaꞌone; tunebaani shimaayeenaꞌon hallito Doono Yeerine.

Keyo 20:11

Doono Yeeri ta, shimaayoonaa showoonon, baharoonaa boonoshi daggooch beeto bullinon shiritte qemona hallaꞌa, shabaattinnee qemooba ta kashetoyich, shambetee aaboon diirii yaafito taane.

Keyo 31:18

Doono Yeeri Siini guudi toommoochaa Muusina tookkii bi yibbaatoon bi ciichitoyee gubb, bi yapheroona kooreeti, gutte yalle miixee xaqqeenaꞌon Muusich immiye.

Shaahiyoo 16:4

Doono Yeeri halliti mooyo bulli nabechone; biyoo gondeenaꞌon aallee aaboyich qanniitone.

Shaahiyoo 3:19

Doono Yeeri bi shalligoona showoon halliye; bi gaboonoo shimaayeenaꞌon boonoshi xaaꞌooch manjiihe.

Dojjecho 12:1

Xuuxee gooroo waataan beetaa, “Taan emirikkaache” ne gettemmi natinaꞌo waataan beetaa, ne gurimaashittinee yemeenooch neen Halliton gabibe!

Isiyaasi 37:16

“Kiruubenaꞌoyee tookk kotaabeeti, Israꞌeelee Nuggishoo Beshe Mawe Doono Yeero, ne baach showee taateenaꞌo bullichi Nuggishoo neene. Showoonaa shimaayoonon hallito neene.

Isiyaasi 40:21

Ariyaachote? Waayeyaachote? Wonnee yemeenoochee tiijjiꞌi ebi ittoshich getteyaanoone? Showoo halleetoochee tiijjiꞌi shalligaachote?

Isiyaasi 40:26

Ittoshi aafoon kaachiree shimaayooch ciinote; ittoshi beeggiibeeti xojjeneenaꞌon hallito konine? Bi boonoshin ginee naayinaꞌochoommon kichiye; boonoshi bullinolla boonoshi shigoona ceeggiye; ooge giidecho, ooge hakkecho bi tunetoyich ikkolla aalleyaache.

Isiyaasi 40:28

Ariyaano neene? Waayeyaano neene? Doono Yeeri bulli yemeenee Nuggishoone; showoo bullin hallito biine; maraateyaache; taahaache; bi gaboon maqqii shagon hakkemmo aalloone.

Isiyaasi 42:5

Shimaayoon halliꞌi yaggiti, showoonaa bi daggooch beetinaꞌo bullinon shuuneti, aree toommooch beeti asheenaꞌoyich kashee hiinnoon immiti, arooch shaꞌee beetoyich ayaanoon immiti, Doono Yeeri ishichiye:

Isiyaasi 44:24

Ne indee maacoochoo neen halliti, neen Biishechi Doono Yeeri ishichiye: “Bullin hallito, shimaayeenaꞌon ta ikkeeto yaggito, showoon hecceto Doono Yeeri taane; ebiyooba taanna tookkii koniyoona aalloone.

Isiyaasi 45:18

Shimaayeenaꞌon halliti Doono Yeeri, showoon halliti, shuuneti, manjiiti, beeyi xaaꞌoon bi tunemmoyichani, shokkoon bi tunemmoyich hallaani Yeeri ishichiye: “Ta, Doono Yeeri taane; tayee bare nuggishoo aalloone.

Isiyaasi 51:13

Shimaayoon yaggiti, showoonoo kottiti, ittoshin halliti Doono Yeeri taan batteto ittoshine; aalliiya qanniꞌi ittoshin xuqqii beetochi naboona bulli aaboon keqqoona beehote; ishigaataa, boonoshi kaaro aaye?

Isiyaasi 51:16

Ne noonooch ta qaaroon kotiito taane; ta kishee yiirooch neen aachemmo taane; shimaayoon yaggito showoon kotteto taane; Tsiyoonee asheenaꞌonoo ‘Ittoshi, ta asho ittoshine’ gettemmo taane” iye.

Isiyaasi 65:17

Doono Yeeri ishichiye: “Ebiyoche, andire showoonaa andire shimaayoonon hallemmo taane; ebiyee aafi mooyinaꞌo gabeyaachemminaꞌone; shalligeyaachemminaꞌone.

Erimiyaasi 10:12

Showoon bi hakkoona hallito, bi ariyoona showee tuggeenaꞌon manjiito, bi shalligoona shimaayoon yaggito, biine.

Erimiyaasi 32:17

“Nuggishoo Doono Yeero, shimaayoonaa showoonon ooge ne hakkoona wottoo yaggeeti ne mochoona hallito neene; neen mawemmi mooyo amolla aalloone;

Erimiyaasi 51:15

Showoon bi hakkoona hallito, bi ariyoona showee tuggeenaꞌon manjiito, bi shalligoona shimaayoon yaggito, biine.

Zakaariyaasi 12:1

Israꞌeeleenaꞌochon Doono Yeeri gettiti qaaro: Shimaayoon yaggiti, showoon halliti, ashich kashee hiinnoon immiti Doono Yeeri ishichiye:

Maatiyoosi 11:25

Arooba Yesuusi ishichiye: “Showoonaa shimaayoonochi Doono tuneti ta Nihoocho, ebin ariyechinaꞌonaa shalligechinaꞌona ariyaachemmoyich ne aachitoyich, gaggereenaꞌoomminaꞌoyichoo ne bekkiitoyich neen galletehoye.

Maariqoosi 13:19

Arooba Yeeri showoonaa shimaayoonon hallitoochee tiijjiꞌi hanaach beddaahaa bekkeyaani, gubbichoo wotta bekkeyaachemmi xuuxo tunemmone.

Mishiraachechinaꞌo 14:15

“Hini asheenaꞌote! Ebin amoyich shuunee beetote? No ittoshiyoommi asho noone. Hiniich no waato, hini duube mooyinaꞌoyich goyinnoochee shimaayoonaa showoonon, baharoonoo, boonoshi daggooch beetinaꞌo bullinoo halliti, beeyecho tuneti Yeer waan ittoshi wottemmoyich, mishiraachee qaaroon ittoshich gettaniye.

Mishiraachechinaꞌo 17:24

“Aroo alemoonaa bi daggooch beeto bullinon halliti Nuggishoone; showoonaa shimaayoonochi Doonone; ashi kishoo shuuneti yaafee kexooch beetaache.

Mishiraachechinaꞌo 4:24

Boonoshiyoo waayeꞌi, ikke mulloona Yeer waan ishichiꞌi corootiyeete: “Shimaayoon, showoonaa baharoonon, eboshichi daggooch beeto bullin halliti Mawe Doono Yeero,

Roomi 11:36

Bulli mooyo halleeto bi waanee, biinna, biichiye. Biichoo bulli yemeenoon oogee yiiroo tunebe! Ameena.

1 Qorontoosi 8:6

nooch beeto, ikke Nuggishoo baachiye; biyoo Nihoo Yeerine; mooyo bullin hallito, biine; biichiye no beeto. Wotta kittinnoo nooch beeto, ikke Doono baachiye; biyoo Yesuus Kiristoosine; Yeeri bulli mooyon biinnane bi halliito; biinnane no beeto.

Hibireena'o 1:10

Daakkiꞌinoo, “Ta Doonocho, shiichaꞌa showoon neechihine; shimaayoo ne kishee shuunoone.

Hibireena'o 1:2

And hini yemeenee ciiroochaa nooch bi gettito, bulli mooyon woraasho bi tuniiti, wotta showoonaa shimaayoonon biinna bi halliti, bi Bushoonane.

Hibireena'o 11:3

Yeeri alemoon bi qaaroona bi halloonaa ebich bekkeebeeti mooyo bekkeyaani mooyoochee halleeto bi tunoonon no shalligaabeeto, Yeeri toommooch no mulloon tooꞌiyoonane.

Hibireena'o 3:4

Kexo bullich biin haggiti asho beetone; tunebaani bulli mooyon haggito Yeerine.

2 Pheexiroosi 3:5

Wonna Yeeri bi gettiti qaaroona showoonaa shimaayoonon bi halloon shalligoon qaawaacheete; showoonoo aacoochee aacona shuunehe;

1 Yowannisi 1:1

Kashee Qaareechon shiichoochee tiijjiꞌi beeton, no waayeton, no aafoona no beeggeton, xiishaa no ciinnetonaa no kishoona yechaꞌa no beeggetonon ittoshich kooraabeeto noone.

Yaaꞌoo 10:6

Shimaayoonaa bi daggooch beetinaꞌonon, showoonaa bi daggooch beetinaꞌonon, baharoonaa bi daggooch beetinaꞌonon halliti, bulli yemeenoon beeyechona wogeꞌi, “Yeeri tuniiya bi gabiton ceechoyich yagaachemmone;

Yaaꞌoo 14:7

Biyoo oogeti qaaroona “Yeeri nallemmi aabo shaggitone; ebich Yeerin shatote; biich oogoon imbote; shimaayoonaa showoonon, baharoonoo, aachi xuupheenaꞌonoo hallitoyich goyinnebote” iye.

Yaaꞌoo 21:6

Wotta taach ishichiye: “Illa mooyo bulli ceennitone. Alfoonaa Oomeegoona, Shiichoonaa Tacona taane; shachewetoyich kashee aachi xuuphoochee baad cikki immemmo taane.

Yaaꞌoo 22:13

Alfoonaa Oomeegoona, Aafichonaa Gubbichona, Shiichoonaa Tacona taane” iye.

Yaaꞌoo 3:14

“Lodooqi kittinnee guuphi maraakoyich ishichi kooribe: Ameena getteeto, gibeneeti ibere miixoonaa bulli mooyon Yeeri biinna bi hallitona ishichiye: