Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Haddoo 8:12 - Kafa Linguistics Project

12 “Leweenaꞌo boonoshi kishoon wurinaꞌochi qellooch boonoshi kotiitoyee gubb, boonoshi axaaxoon maariyoyich ikkoon axaaxee deejjoo, wotta ohe ikkoon micciibeeti deejjoo tunii Doono Yeeri taach deejjibe.

အခန်းကိုကြည့်ပါ။ ကော်ပီ




Haddoo 8:12
25 ပူးပေါင်းရင်းမြစ်များ  

“Wuron danee duukkaanee aafooch deebe. Harooninaa bi anaami bushiisheenaꞌona boonoshi kishoon are wurochi qellooch kotiibeete.


Uro micciibeeti deejjoyich giddeti gijjoochi qellooch bi kishoon kotiibe. Ebina Doono Yeeri ta bi deejjoon deꞌiree bi axaaxoon maaremmo taane.


Wotta gutte daabbichoon woyee gutte uggee cobbelloon, bi hakkimmon, ikkoon axaaxee deejjoyich, wotta ohe ikkoon micciibeeti deejjoyich giddiibe.


“Harooni wuron bi axaaxoonaa bi kechi asheenaꞌochi axaaxoonon maariyoyich, axaaxee deejjoon tunii guuriꞌi bi deejjii beegaata,


Ebi are emmishoochi qellooch bi gutte kishoon kotiichi, aree toommoochaa Israꞌeeleenaꞌochi gondo bullin, xuꞌo bullinaa axaaxoo bullinon aannibe; emmishoochi qelloochoo shaakkiibe. Aroochee emmishoon daamoyich qanniti uroochi kishoona barahooch daachiibe.


“Biyoo wuron bi axaaxoonaa bi kechi asheenaꞌochi axaaxoonon maariyoyich, axaaxee deejjoon tuniiree deejjibe.


Asheenaꞌo daggoochee geeneenaꞌo Doono Yeeri ta aafoochaa ebi wurochi qellooch boonoshi kishoon kotiichaa, wuro Doono Yeeri ta aafoochaa guureebe.


Axaaxoyich giddeti wuro toommooch bi tuniitoommon, hinichi toommoochoo tuniibe. Ebiyoommi gommona qeeshoo asheenaꞌochi axaaxoyich deejjoon bi giddiitaa, boonoshi axaaxoyich maaroon danemminaꞌone.


uro awuyo bullin ikkittinee deejjoyich giddeti bagee baaddoochi awuyo maacaa keyoommon, maaci kichibe. Qeeshoo, Doono Yeeri taach micciibeeti deejjee toommooch gediree, deejjee gudoochaa michibe. Ebiyoommi gommona qeeshoo uroochi axaaxoyich deejjoon bi giddiitaa, uro bi axaaxoyich maaroon danemmone.


Wuron danee duukkaanee kellooch, Doono Yeeri ta aafooch deebe. Bi kishoon ebi wurochi qellooch kotiibe. Doono Yeeri ta aafoochaa guuribe.


“ ‘Tunebaani uro bagoon woyee emmishoon giddiyoyich bi hakkoo guutigaata, gutte daabbichoon woyee gutte uggee cobbelloon, ikkoon axaaxee deejjoyich, wotta ohe ikkoon micciibeeti deejjoyich Doono Yeeri taach bi xuꞌee deejjoyich giddiibe.


Aroyee gubb, axaaxee deejjoyich tunemmi wuron deebiye. Harooninaa bi anaami bushiisheenaꞌona axaaxee deejjoyich giddeti ebi wurochi qellooch boonoshi kishoon kotiiheete.


Muusiyoo ebi wuron guuriye. Damoochee daammii, bi yapheroona deejjee gudee guuxxi guuxxooch beeti qareenaꞌooch huuttiꞌi deejjee gudoon xalliihe. Echeti damoon deejjee gudee baatooch ukkiye. Deejjee gudoon eechii xalliiꞌi yaafiye.


Aroochee micciibeeti deejjoyich tunemmi bagee baaddoon deebiye. Harooninaa bi anaami bushiisheenaꞌona boonoshi kishoon ebi bagee qellooch kotiiheete.


Ebi and hanaach no tuniito ittoshi axaaxoon maariyoyich, no tuniyemmoyich Doono Yeeri gettitone.


Aroochee Muusi Haroonich ishichiye: “Deejjee gudo beetooch gidderee, ne axaaxoonaa asheenaꞌochi axaaxoonon maariyoyich axaaxee deejjoonaa micciibeeti deejjoonon deejjibe. Doono Yeeri gettitoommon, asheenaꞌochi deejjoon deejjiree boonoshi axaaxoon maariibe” iye.


bi deejjoon Doono Yeerich giddiibe. Bachaalli ikke nati bagee baaddoon micciibeeti deejjoyich, bachaalli ikke nati gidere bageen axaaxee deejjoyich, bachaalli ikke ooge bagee baaddoon ikkittinee deejjoyich,


Qeeshoo eboshin axaaxee deejjoonaa micciibeeti deejjoonon tuniiree Doono Yeeri aafooch giddiibe.


Leweenaꞌon kaama tiijjaa giddeebeeti deejjoommon tuniiree Doono Yeeri ta aafooch giddiibe. Harooninaa bi bushiisheenaꞌonon boonoshi toommooch ukkiriibe.


Aroochee wuronaa maayi buuroyich zayitoona xirikketi qacini buddinoonon deebeete. Newoo axaaxee maariyee deejjoyich giddemmi bare wuron deebe.


Sheerooch kooreetoommon, giisheche mooyoyee beshetaa bulli mooyo damoona xallehe. Damoo ufeyaanoon ashi axaaxoo maareyaache.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ