Haddoo 6:15 - Kafa Linguistics Project

¹⁵ shittoo giyaanoon kachiti ikke gemee koshon, ebiyoo zayitoona xirikketi qacini buddinoochee kachiti tagge koshon, shittoo giyaani, zayito huutteꞌi shishiitaa kachiti koshon, maayi buuroonaa uyee deejjoonon giddiibe.

Haddoo 6:15 ပူးပေါင်းရင်းမြစ်များ

Keyo 29:2

Shittoo giyaani qacini teepphee buddinee koshoochee, zayitoona xiriꞌaa kachiti koshon, zayito giyaani koshonaa shishiitaa kachiichii zayito huutteti koshonon qanniibe. Ebi kosho bulli shittoo giyaano tunebe.

Isiyaasi 62:9

Tunebaani qeccitinaꞌo aroon maaree, Doono Yeeri taan galletemminaꞌone; kicitinaꞌo aroon ta yaafee kechi addibaaboochaa uchemminaꞌone” iye.

Yoꞌeeli 1:13

Maayi buuroonaa woyinee uyee deejjoona, ittoshi Nuggishoochi yaafee kexoochee bi kuxetoyich, qeesheenaꞌote, dookoon taheree eefote! Deejjee gudee aafooch maddee beetinaꞌote, cooki eefote! Ta Nuggishoochi maddechinaꞌote, dookoon tahe waaree qebote!

Yoꞌeeli 1:9

Maayi buuroonaa uyee deejjoona, Doono Yeerichi yaafee kexoochee kuxetone; Doono Yeeri aafooch maddeebeeti qeesheenaꞌo eefeheete.

Yoꞌeeli 2:14

Diqqich ittoshi Nuggishoo Doono Yeeri, bi kaaroochee qayi wotteree, ittoshin diiremmo tunemmone; ittoshiyoo maayi buuroonaa uyee deejjoonon biich giddiyemmo ittoshine.

Leweenaꞌo 2:4

“ ‘Gudoochaa kachiti maayi buuroon ne giddiigaata, shittoo giyaanoon kachito tunebe. Zayitoona xirikketi qacini buddinoochee kachiti tagge kosho woyee zayito huutteꞌi shishiitaa kachiti kosho tunebe.

Leweenaꞌo 7:12

“ ‘Deejjoon bi giddiibeeto galletoon bechoyich bi tunegaata, galletee deejjoona tookki shittoo giyaani, zayito giyiti qacini buddinoochee kachiti tagge koshon, shittoo giyaani, zayito huutteꞌi shishiitaa kachiti koshonaa zayito geddeti qacini buddinoonoochee kachiti tagge koshonon giddiibe.

Leweenaꞌo 8:2

“Haroonin, bi anaami bushiishoon, qeesheenaꞌochi tahoon, huutee zayitoon, axaaxee deejjoyich tunemmi wuron, gutte bagee baaddoonaa shittoo giyaanoon kachiti, ikke gemee koshonon, eboshi bullin deebe.

Leweenaꞌo 9:4

ikkittinee deejjoyich ikke gattoonaa ikke bagee baaddoonon zayitoona xirikketi maayoona tookki Doono Yeeri aafooch giddiibote. Ebiyoo Doono Yeeri hanaach ittoshich bekkemmo bi tunetoyichiye’ gete” iye.

Haddoo 15:10

Doono Yeeri taach gaawe cinnechi, qaaqqoona micciibeeti deejjoo bi tunemmoyich, gutte neetiree woyinee uyee deejjoon deejjibote.

Haddoo 6:16

Qeeshoo eboshin axaaxee deejjoonaa micciibeeti deejjoonon tuniiree Doono Yeeri aafooch giddiibe.

1 Qorontoosi 10:31

Illa ittoshi maataa, ittoshi uchitaa woyee amoonolla ittoshi tuniitaa, ittoshi tuniibeeti mooyo bullin Yeerichi oogoyich tuniibote.

1 Qorontoosi 11:26

Ebich hini koshon ittoshi maammi, hini xoofoochee ittoshi uchimmi aabo bullin, Doono Yesuusi wottee waammi wottoon ebin tuniyoona, ashich bi qitoon miixe beeyemmo ittoshine.