Haddoo 5:9 - Kafa Linguistics Project

⁹ Israꞌeeleenaꞌo Doono Yeerich imoyich giddiibeeti yaafeeti wojjoo bulli, ebi wojjoon deqqiibeeti qeeshoyich tunebe.

Haddoo 5:9 ပူးပေါင်းရင်းမြစ်များ

Keyo 29:28

Gubbich Israꞌeeleenaꞌo ikkittinee deejjoon taach boonoshi giddiihooba, ta aafooch boonoshi tiijjemmi, ebi gaggimatoonaa gubbi baatee galloona qeesheenaꞌochi qoodoone. Ebiyoo Harooninaa gubbi bi shiijjereenaꞌonoyich bulli yemeenee doyoo tunemmone. Ebiyoo Israꞌeeleenaꞌo Doono Yeeri taach boonoshi giddiyemmi deejjoone.

Leweenaꞌo 10:13

Yaafoo tuneti xaaꞌoochaa mamote. Ebiyoo Doono Yeerich qaaqqooch michaa deejjeebeeti maayi buuroochee ne qoodoonaa ne bushiisheenaꞌochi qoodoonane. Doono Yeeri taach bi gettito ebine.

Leweenaꞌo 10:14

Israꞌeeleenaꞌochi ikkittinee deejjoochee neennaa ne bushiisheenaꞌonochi qoodoo tuniitaa bi ichetoyich, kaama tiijjeeti gaggimatoonaa deejjoyich giddeti baatee galloonon ne, ne anaami bushiishoonaa maache bushiishoona xalloo tuneti xaaꞌoo aabiichaanona, maayemmo ittoshine.

Leweenaꞌo 10:15

Ebi giddeti galloonaa kaama tiijjeeti gaggimatoonon Doono Yeeri aafooch kaama tiijjaa giddeebeeti deejjoon tuniiree boonoshi tiijjemmoyich, qaaqqooch michaa deejjeebeeti awuyona tookki deebeete. Ebiyoo Doono Yeeri gettitoommon, bulli yemeenoon neennaa ne shiijjereenaꞌonoyich qoodoo tunemmone” iye.

Leweenaꞌo 6:26

Ebi deejjoon giddiibeeti qeeshoo deejjeeti gijjoochi meenon maayemmone. Yaafoo tuneti xaaꞌoochaa, danee duukkaanee addibaaboochaa manjebe.

Leweenaꞌo 7:32

Ittoshi ikkittinee deejjoochee qanne baatee galloon qeeshoyich bariti wojjoon tuniiree imbote.

Leweenaꞌo 7:34

Israꞌeeleenaꞌochi ikkittinee deejjoochee kaama tiijjeebeeti gaggimatoonaa giddeebeeti qanne baatee galloonon deqqaꞌa qeeshoo tuneti Harooninaa bi anaami bushiishoonoyich, immeto taane. Ebiyoo Israꞌeeleenaꞌo waanee shiijjeroochee shiijjerooch beddaahaa boonoshi danemmi boonoshi qoodoone.

Haddoo 18:19

Israꞌeeleenaꞌo Doono Yeerich giddiiti, yaafeeti deejjoo bullin neech, ne anaami bushiishoonaa ne maache bushiishoonoyich bulli aabooch ittoshi qoodoo bi tunemmoyich, immeto taane. Ebiyoo neennaa ne yareenaꞌonoyich bulli yemeenoon Doono Yeeri aafoochaa kiikki wogoone” iye.

Haddoo 31:41

Muusiyoo Doono Yeeri biich gettitoommon, Doono Yeerichi qoodee gibiroon qeeshoo Elazaarich immiye.

Haddoo 5:8

Tunebaani wochi bi immemmoyich uro xibaallo bi tunegaata, ebi mooyo Doono Yeerich kechito tuneree, qeeshoyich ichebe; ebiyoo bi axaaxoon maariyoyich bi giddiibeeti bagee baaddoo toommooch daakkaa ichebe.

Yibbaatoo 12:26

“Doono Yeerich ne kichiti yaafeeti mooyonaa ne mookketi tiikkeshoonon bi kaaccemmi are xaaꞌooch yeshi hambe.