Haddoo 5:3 - Kafa Linguistics Project

³ Ittoshi daggooch ta koteebeeti ittoshi kaamboon boonoshi eeꞌiyaachemmoyich, ebi eeꞌeti asheenaꞌo anaamon tuneba maacheen kaamboochee maach kichibote” iye.

Haddoo 5:3 ပူးပေါင်းရင်းမြစ်များ

1 Taateenaꞌo 7:3

Ebi maammeenaꞌo toommooch yigee shaaqqeenaꞌo beetinaꞌone. Eboshi toommoochoo, yaari yaaroona aaraa uuchi aaraa uuchoo tuneꞌi neexeti aabbaa uuche giimbeenaꞌona tuuggeti, gishiishi kexinaꞌo beetinaꞌone.

Shoddo 68:18

Damba ne keyiyooba, neenna tookkii kecoon daammehine; hukkechinaꞌo waaneenolla echiyaanoon asheenaꞌo waanee wojjoon deqqehine; Nuggishoo Doono Yeeri ne, arooch beeyemmo neene.

Keyo 25:8

“Boonoshi daggooch ta beeyemmoyich, yaafee duukkaanoon taach boonoshi shuunemmoyich tuniibe.

Keyo 29:45

Israꞌeeleenaꞌo daggooch beeyemmo taane; boonoshi Nuggishoonoo tunemmo taane.

Isiyaasi 12:6

Ittoshi daggooch beeti, Israꞌeelee Yaafoo oogeto bi tunetoyich, Tsiyooni beetinaꞌote, ililibote” gettemmo ittoshine.

Leweenaꞌo 14:8

“Biiyoochee woditi uro bi tahoon maye; bi qelloon bulla cakkebe; bi qeddoonoo machebe. Aroochee xalloo tunemmone. Ebiyee gubb, kaambooch giyemmone; tunebaani shabaatte qemi wottoon bi duukkaanoyee mach beebe.

Leweenaꞌo 15:31

“ ‘Ebina boonoshi daggooch beeti ta danee duukkaanoon eeꞌiiree boonoshi qitaachemmoyich, boonoshin eeꞌiyemmi mooyoochee Israꞌeeleenaꞌon bariibote’ itone getote” iye.

Haddoo 16:3

Boonoshiyoo Muusinaa Harooninochi toommooch kicee tiyiꞌi, boonoshich ishichiyeete: “Halla beshiito ittoshine. Iitoo bulli yaafoone. Doono Yeeriyoo no bullina tookkii beetone. Ishigaata, Doono Yeerichi iiteenaꞌo toommooch ittoshi geeciibeeto, amoyichiye?” iyeete.

Haddoo 19:22

Eeꞌe asho yechiti amee mooyolla eeꞌemmone. Ebi qiicoon yechimmi ashoo xumemmi wottoon eeꞌemmone” iye.

Haddoo 35:34

Doono Yeeri ta Israꞌeeleenaꞌo daggooch ta beetoyich, ittoshi beeti, wotta ittoshi daggooch ta qeyaabeeti showoon eeꞌiyaahote’ itone gete” iye.

Haddoo 5:4

Israꞌeeleenaꞌo ebi boonoshich getteeton tuniiheete; Doono Yeeri Muusich gettitoommon, boonoshin kaamboochee kichiyeete.

Yibbaatoo 23:14

Ne Nuggishoo Doono Yeeri neen wodiiya, ne etteenaꞌonoo ne kishooch beshii imma, ne kaambee daggoona shaꞌeebeeto bi tunetoyich, gonde mooyon beegiree, neen qayi wotte bi hamaachemmoyich, ne kaambo xalloo tunebe” iye.

Yibbaatoo 23:15

Muusi Israꞌeeleenaꞌoyich ishichiye: “Bare ashi showeexi guuno bi doono waanee aalleꞌi Israꞌeelee showooch bi waagaata, bi doonoyich wochiree immaahine.

2 Tasaloonqi 3:6

No maneenaꞌote! Shuuna biisheenaꞌonaa ittoshich no dojjiti doyoona hamaani maneenaꞌona waanee ittoshi wokkemmoyich, no Doono Yesuus Kiristoosichi yakkirecho tunaꞌa ittoshich gettaabeeto noone.

Titoosi 3:10

Barbarittinoon halliibeeti ashoon ikke wottoon woyee gutte wottoon ne ittibatetaa bi mawigaata, biyee wohe.

Yaaꞌoo 21:27

Bagoochi kashee macaafooch boonoshi shigo kooreetinaꞌoyee beshetaa, amee eeꞌe mooyo tuneba tiyaariibeeti mooyon shuuneebeeto woyee kootoon koottiibeeti asho hini are katemeech ciroona giyaachemmone.

Yaaꞌoo 21:3

Aree hillooch ooge qaaro qeenoochee kechiꞌi, “Ebiyoche, Yeerichi qeyi xaaꞌoo asheenaꞌo daggooch tunetone; boonoshina tookki beeyemmone; boonoshiyoo bi asheenaꞌo tunemminaꞌone. Yeeriyoo bi qelloona boonoshina tookki tuneree boonoshi Nuggishoo tunemmone.