Haddoo 4:5 - Kafa Linguistics Project

⁵ Kaamboon waaxxii hamma ittoshi tiyiyooba, Harooninaa bi bushiisheenaꞌona duukkaanooch giyiree qeriibeeti maccillaatoon kindiibeete. Aroona wogee taabootoon kaafeete.

Haddoo 4:5 ပူးပေါင်းရင်းမြစ်များ

1 Kiinoo 15:15

Doono Yeerichi qaaroona Muusi gettitoommon, Leweenaꞌo Doono Yeerichi taabootoon yaroona boonoshi gogooch shaaggiyeete.

1 Kiinoo 23:26

Illa ebich, Leweenaꞌo ebiyee bekk yaafee duukkaanoonaa maddooch heechiibeeti qiiceenaꞌonon shaago boonoshich qaawiyaache” iye.

2 Kiinoo 3:14

Shimaayito, dameroonaa ceelloona tuneti woshiqoona, wotta muttee tuppoochee ciciitaa yokkeeti woshiqoona shippeti qoreddoochee maccillaatoon shuuniihe. Ebi qoreddee toommooch kiruubo shuuneetone.

Keyo 36:35

Yaafee duukkaanee maaci maccillaatoon shimaayito, dameroonaa ceelloona tuneti woshiqoona, wotta muttee tuppoochee ciciitaa yokkeeti woshiqoona shippeti qoreddoochee shuuneheete; aree toommooch kiruubeenaꞌon malletiiꞌi shippiyeete.

Keyo 40:3

Miixee taabootoon bi daggooch kotiichi, maccillaatoona qeribe.

Keyo 40:5

Aachoochee shuuneeti, ixaano shookkeyemmi deejjee gudoon miixee taabootoyee aaf kotiibe. Yaafee duukkaanee kellooch maccillaatoon gede.

Isiyaasi 25:7

Ebi are guudi toommoochaa asho bullin qeriti maccillaatoon, aageteenaꞌo aafoon kaappiti qeroonoo shoottemmone.

Leweenaꞌo 16:2

Biichoo ishichiye: “Axaaxoon maariyee guufee toommooch quboona ta danaa beetoyich, ne manoo Harooni bi qitaachemmoyich, maccillaatee maac, Yaafe Xaaꞌeexi Yaafooch, taabootee toommooch beeti, axaaxoon maariyee guufo beetooch, gimoyich bi qaawimmi aabo bullin bi giyaachemmoyich gete.

Haddoo 10:14

Yihudi kuxeexi asheenaꞌo shiichiꞌi, boonoshi baanderoona boonoshi kuxi kuxona qaxiriyeete. Boonoshi toommooch ukkiroo Aminadaabi bushoo Nahishoonine.

Haddoo 4:15

“Kaamboon waaxxii hamma ittoshi tiyiyooba, Harooninaa bi bushiisheenaꞌona yaafee duukkaanee qiicoonaa baribare bi qiico bullinon kaappii boonoshi ciichitoyee gubb, ebi qiicoon shaagoyich Qohaateenaꞌo wobeete. Tunebaani boonoshi qitaachemmoyich, ebi yaafeeti qiicoon ciroona yechaayeete. Illa danee duukkaanoo tiyimmi haddoona Qohaati yareenaꞌo shuunoo ebine.

Haddoo 4:4

“Qohaateenaꞌochi shuunoo danee duukkaanee daggooch oogichii yaafeeti qiicoon quyoone.

Haddoo 7:9

Tunebaani Qohaatichi yareenaꞌo boonoshich icheti yaafeeti qiico gogooch shaakkeebeeto bi tunetoyich, amoonolla boonoshich imaanoone.

Maatiyoosi 27:51

Arooba yaafee kexooch tippeeti maccillaatoo dambee tiijjiꞌi desh beddaahaa gutte badd kappheeꞌi keexee kechiye; showee qewahan; xaqqee guudinaꞌoo gaaheheete.

Yibbaatoo 31:9

Muusiyoo hini sheeroon kooriꞌi, Doono Yeerichi wogee taabootoon shaaggiibeeti, Lewi yoodoochee tuneti, qeesheenaꞌonaa Israꞌeelee geeneenaꞌo bullinoyich immiye.

Hibireena'o 10:20

Yesuusi bi qelloon deejjoo tuniiꞌi bi giddiitoyich, tippeeti maccillaatoyee besheree Yeer waan no giyemmi beeyechonaa andiroona tuneti gommon nooch qechiye.

Hibireena'o 9:3

Maccillaatoyee bekk beeti maaci gato Yaafe Xaaꞌeexi Yaafoo gettee beehe.

1 Saameeli 6:19

Doono Yeerichi taabootee maac boonoshi ciinnitoyich, Beet Shemeeshi asheenaꞌoochee Yeeri shabeenaꞌon wuxiye. Doono Yeeri ebi shaahoon asheenaꞌon bi wuxitoyich, asheenaꞌo eeppii tuummiyeete.