Haddoo 34:2 - Kafa Linguistics Project

² “Israꞌeelee asheenaꞌoyich ishichi gete: ‘Kanaanee showooch ittoshi giyiyooba, iristo tunii ittoshi woraashemmi showee daaro ebine:

Haddoo 34:2 ပူးပေါင်းရင်းမြစ်များ

Halloo 10:19

Boonoshi shaceto, Kanaanichi daaro Sidoonee tiijjiꞌi, Geraaree showoo waan Gaaza beddaahaane; aroocheenoo Sodoomi, Gomoori, Adiiminaa Tseboyimina waan, Laash beddaahaane.

Halloo 17:8

Ebi and dallaawoo tunaꞌa ne beeti Kanaanee showoo bullin, bulli yemeenoon ittoshi hajjoo bi tunemmoyich, neennaa neyee gubbi ne shiijjereenaꞌonoyich immemmo taane; boonoshichoo Nuggishoo tunemmo taane” iye.

Shoddo 105:11

Ishichiinoo iye: “Kanaanee showoon neech immemmo taane; ne hajjoo tuniiree woraashemmo neene” iye.

Keyo 23:31

“Ne showee daaroon Ceelle baharoochee Filsixeemee baharooch beddaahaa, barahoochee Efiraaxisi aacooch beddaahaa tuniyemmo taane; ebi showooch beeti asheenaꞌon ne kishooch beshiiree immemmo taane; newoo ne aafoochee yoohiree kichemmo neene.

Erimiyaasi 3:19

Israꞌeele, ta neen ta busha haddiya, gaawe showoon neech imma, showoo bulliyee beshe qeemi showoon neech woraashiya, qaawiyoye. Wotta “Ta Nihoocho, geti ceeggemmi neene; taan dabboocheenoo wotteyaachemmi neene” iyaꞌanoo, gabiyoye.

Hiziqeeli 47:13

Nuggishoo Doono Yeeri ishichiye: “Aaraa gutte Israꞌeelee yoodeenaꞌoyich iristoon tuniiree ittoshi qoodemmi showee daaro ebine; Yooseefich gutte ixoo tunebe.

Hiziqeeli 47:14

Ebi showoon tachiree qoodeebote; ittoshi qaabbechinaꞌoyich imma ta wogetoyich, ebi showoo ittoshich iristoon tunemmone.

Haddoo 34:1

Doono Yeeri Muusich ishichiye:

Mishiraachechinaꞌo 17:26

Showee toommo bulliich boonoshi beeyemmoyich, aagetee asheenaꞌo bullin ikke ashoochee halliye. Wotta boonoshin hallaan beebee, boonoshi kashee yemeenoonaa boonoshi beeyemmi xaaꞌoonon shiichiꞌi daarehe.

Mishiraachechinaꞌo 26:18

Neen ta daachiibeeto, boonoshi aafoon qechiree manderoochee bekkooch, Sheexaanoyich hajjeyoochee Yeerich hajjeyooch ne wochemmoyichiye. Arooba boonoshi axaaxoyich maaroon danemminaꞌone; wotta ta toommooch mulloon tooꞌiyoona yaafeeti asheenaꞌo deqqemmi wojjooch boonoshi ixoo haddeyemmone’ iye.

Efesooni 1:14

Ebi Yaafe Ayaano Yeeri biicho tunetinaꞌo bullin bi biishemmi wottoon bi asheenaꞌoyich imma bi gibenikkiti iristoyich yechiyoone; ebiyoo Yeeri bi oogee yiiroyich bi galleteyemmoyichiye.

Efesooni 1:18

Wotta ta qollaabeetoo, ittoshi mullee aafo gaxxeeree ciinaa, ittoshin bi ceeggiti gibeno amo gaata, bi yaafeenaꞌoyich bi immemmi worganikkiti iristo amoommo gaata, no mulloon Kiristoosi toommooch tooꞌiibeeti nooch shuuneebeeti bi giidoo am shaahe ooge giidoo gaata ittoshi ariyemmoyichiye.

Yaasi 11:23

Ebina Doono Yeeri Muusich gettitoommon, Yaasi showoo bullin kochii yechiye; boonoshi yoodi yoodee haddoona qoodiꞌi, Israꞌeeleenaꞌoyich maacciye. Aroochee showoo ginoochee kashehe.

Yaasi 13:1

Ebiyee gubb, Yaasi geenee baayehe; Doono Yeeriyoo biich ishichiye: “And illa geenaa baayeto neene; yecheya bede oogeti gamini showoo batt beetone.

Yaasi 21:43

Ebina Doono Yeeri qaabbechi boonoshi niheenaꞌoyich imma bi wogeti showoo bullin Israꞌeeleenaꞌoyich immiye; boonoshiyoo ebi showoon hajjiꞌi, boonoshi beeyi xaaꞌoon tuniiheete.