Haddoo 33:55 - Kafa Linguistics Project

⁵⁵ Are showeexi asheenaꞌon ittoshi aafoochee yooho ittoshi qayigaata, ebi ittoshi echiiti asheenaꞌo ittoshi aafoyich michi shelloon, ittoshi naaboyichoo angixon tunemminaꞌone. Ittoshi beeyemmi showoochaa ittoshin duꞌiyemminaꞌone.

Haddoo 33:55 ပူးပေါင်းရင်းမြစ်များ

Keyo 23:33

Ne showooch boonoshi beeyemmoyich daaggiyaahine. Ebin ne tuniigaata, taan ne xuqqemmoyich tuniyemminaꞌone; boonoshi goyinneebeeti nuggisheenaꞌoyich ne goyinnaa maddigaata, neech olloon tunemminaꞌone” iye.

Hiziqeeli 28:24

Doono Yeeri ishichiye: “Ebiyee bekk biin hoxeti bi giyeenaꞌo bulli daggooch Israꞌeelich shooddiibeeti guccinonaa biijjiibeeti angixonon tunemmo daneyaachemmone; ebina ta, Nuggishoo Doono Yeeri ta tunoon ariyemminaꞌone” iye.

Haddoo 33:56

Tawoo boonoshi toommooch tuniiya ta gabiton ittoshi toommooch tuniyemmo taane’ gete” iye.

2 Qorontoosi 12:7

Ebi taach bekketi, worganikkiti wodde mooyinaꞌona ta geecaachemmoyich, ta meenon angixochoommon kochii shooddiibeeti, ebiyoo taan guripphiibeeti Sheexaanee wocheyecho taach ichehe; bi ichetoo, beshoon ta geecaachemmoyichiye.

Yibbaatoo 7:16

Ne Nuggishoo Doono Yeeri ne kishooch beshii immimmi asheenaꞌon wuxi aalliibe. Boonoshich ariqqeyaahine. Boonoshi nuggisheenaꞌoyich goyinneyaahine. Ebi neech olloon tunemmone.

Yibbaatoo 7:4

Boonoshina tookkaa ne naachegaata, ne bushiisheenaꞌon Doono Yeerin dabboon qayi bare nuggisheenaꞌoyich goyinne boonoshi maddemmoyich tuniyemminaꞌone. Ebiichee tiyitona, Doono Yeeri kaaro ittoshi toommooch cufemmone; biyoo ittoshin kaate aalliyemmone.

Yaasi 23:7

Ittoshi daggooch echeꞌi beeti aageteenaꞌona tookki bacceyaahote; boonoshi goyinneebeeti nuggisheenaꞌochi shigoon ceeggaahote; boonoshina wogeyaahote; boonoshich goyinne maddeyaahote.

Woraaferasheenaꞌo 2:3

And illa ittoshich ta gettaabeeto, ebiniye: Ebi asheenaꞌon ittoshi aafoochee yoohi aalliyaachemmo taane. Boonoshiyoo ittoshich ettoon tunemminaꞌone. Boonoshi nuggisheenaꞌo wotta ittoshich olloon tunemminaꞌone” iye.