Haddoo 32:22 - Kafa Linguistics Project

²² showee Doono Yeerich hajjeetoyee gubb, wottoon hakkiyote. Ebin ittoshi tuniigaata, Doono Yeerinaa Israꞌeeleenaꞌonoyich ceechoo ittoshich qaawiibeeti mooyon ceechemmo ittoshine. Hini showoo Doono Yeeri aafooch ittoshich iristo tunemmone.

Haddoo 32:22 ပူးပေါင်းရင်းမြစ်များ

2 Saameeli 3:28

Daawitiyoo ebi mooyon waayehe; biyoo ishichiye: “Taannaa ta taatittinoona Neeri bushoo Abeneeri damoochee Doono Yeeri aafoochaa bulli yemeenoon xalloo noone.

Shoddo 78:55

Boonoshi aafoochee aageteenaꞌon yookkiye; boonoshi showoonoo iristo tuniiꞌi qoodiye; boonoshi kexonoo Israꞌeeleenaꞌoyich immiye.

Leweenaꞌo 14:34

“Ittoshi hajjoo bi tunemmoyich, ittoshich ta immaabeeti Kanaanee showooch ittoshi giyiyooba, are showoochee ikke kexon bukkoo yexxemmoyich ta tuniigaata,

Haddoo 32:21

Doono Yeeri, bi etteenaꞌon bi aafoochee yookkii bi kichimmi wottoon, ittoshi bulliyona bi aafooch ginooch qanniꞌi Yoordaanoosin ittoshi kimigaata,

Yibbaatoo 3:20

Boonoshin ittoshi gaachemmo Doono Yeeri ittoshin bi kashiyoommon ittoshi maneenaꞌon bi kashiimmi wottooniye. Ebiyoo ittoshi maneenaꞌo boonoshi etteenaꞌon kochii wochiꞌi, Doono Yeeri boonoshich immiibeeti, Yoordaanoosi aacoochaa aabi-gimo waan beeti showoon boonoshi yechimmi wottooniye; aroochee diggoona arooch kotemminaꞌone. Ebiyee gubb, ittoshi bulli ittoshich ta immeti hini showooch wottemmo ittoshine’ iyo.

Yaasi 1:15

Boonoshin ittoshi gaachemmo, ittoshi Nuggishoo Doono Yeeri ittoshich bi tuniitoommon, boonoshin bi kashiimmi wottoonaa ittoshi Nuggishoo Doono Yeeri boonoshich immimmi showoon boonoshi woraashimmi wottoononiye. Ebiyee gubb wotteree, Doono Yeeri guuno Muusi ittoshich immiti, Yoordaanoosi aacoochaa aabi-keyo waan beeti, hini ittoshi hajjiti showooch kotemmo ittoshine” iye.

Yaasi 10:30

Doono Yeeri ebi katemoonaa bi taatoonon wotta Israꞌeeleenaꞌo kishooch beshiiꞌi immiye. Yaasi are katemee daggooch beeti asheenaꞌo bullin goraadoona wuxii aalliihe. Ikke ashoonolla echiyaanoone. Yaariki taatoo toommooch bi tuniitoommon, ebiyoommon hini are Libini taatoo toommooch tuniihe.

Yaasi 10:42

Israꞌeeleenaꞌo Nuggishoo Doono Yeeri Israꞌeeleenaꞌo qoodoon koyeto bi tunetoyich, Yaasi ebi taateenaꞌo bullinaa boonoshi hajjiibeeti showoonon ikkinnee hamona kochii yechiye.

Yaasi 11:23

Ebina Doono Yeeri Muusich gettitoommon, Yaasi showoo bullin kochii yechiye; boonoshi yoodi yoodee haddoona qoodiꞌi, Israꞌeeleenaꞌoyich maacciye. Aroochee showoo ginoochee kashehe.

Yaasi 13:8

Ebiyee aaf Roobeelinaa Gaadinochi yoodeenaꞌo, ebiyoommon wotta Minaasi yoodoochee qatinaꞌo Doono Yeeri guuno Muusi boonoshich maacciti, boonoshi qoodee showoon woraashitinaꞌone. Ebi showoo beeto, Yoordaanoosi aacoochaa aabi-keyo waaniye.

Yaasi 18:1

Showoon kochii boonoshi yechitoyee gubb, Israꞌeeleenaꞌo bulli Shiloohi katemooch kiceeheete. Danee duukkaanoonoo arooch xogiyeete.

Yaasi 22:4

Andoo ittoshi Nuggishoo Doono Yeeri boonoshich bi gibenikkiti gibenoommon, ittoshi maneenaꞌon kashiitone. Ebich Doono Yeeri guuno Muusi Yoordaanoosi aachee beqach ittoshich iristo tuniiꞌi bi immiti showooch beeti ittoshi kexooch wottebote.

Yaasi 22:9

Ebich Roobeelinaa Gaadinochi yoodeenaꞌo, ebiyoommon Minaasi yoodoochee qatinaꞌo Kanaanee showooch beeti Shiloohi katemoochaa Israꞌeeleenaꞌo waanee bariꞌi, Doono Yeeri Muusina bi gettitoommon, boonoshi kochii yechiti, boonoshi hajjoo tuneti showoo Gilaad wotteheete.