Haddoo 32:1 - Kafa Linguistics Project

¹ Roobeelinaa Gaadinochi yoodeenaꞌoyich meeti gijjoo beetone. Boonoshiyoo Yazeeree showoonaa Gilaadee showoona gijjeenaꞌoyich mashaamiti xaaꞌoo tunoon beeggiꞌi,

Haddoo 32:1 ပူးပေါင်းရင်းမြစ်များ

Halloo 13:2

Abraami gijjoon, birewoonaa aachoonon hajjiꞌi oogichii gaannetone.

Halloo 13:5

Abraamina tookkii hammiti Looxich wotta miimo, bagoonaa emmishoona, kechi ashoonaa guunona beetone.

Halloo 29:32

Liyiyoo xifaa anaami bushoon shiyahan. “Doono Yeeri ta iritoon beeggitone. Iberoon ebiyee bekk ta keno taan shunnemmone” iyan. Ebich bushoo shigoon, Roobeeli iyaa shigiihan.

Halloo 47:4

Wotta ishichiyeete: “Kanaanee showooch giidechi shaacoo giyaa, no bageenaꞌonaa no emmisheenaꞌonoyich no maanjemmi mooyon no muccetoyich, giisheche aaboon hini showooch koteya waato noone. Andoo ne guuno no ‘Gooshen no kotemmoyich daaggibe’ iyaa qollaabeeto noone” iyeete.

2 Saameeli 24:5

Boonoshiyoo Yoordaanoosin kimmiꞌi, Aroꞌeeri katemoonaa bambee gutte daggooch beeti bare katemoonoochee tiijjiꞌi haddooch giyiyeete. Gaadee showee gutte daggoona besheheete. Aroochee deshi-waan wotteꞌi Yazeeri katemooch,

2 Saameeli 24:6

Gilaadee showoonaa Hiteenaꞌo showooch beeti Qadeeshi katemoonooch hammiyeete. Daaninaa Iyooninooch, aroochee wotta guuddiibee Sidoon shaggiyeete.

1 Kiinoo 4:41

Yihudee taatoo Hiziqiyaasichi yemeenooba, ebi boonoshi shigo kooreeti asheenaꞌo hammiꞌi, arooch beeti asheenaꞌochi duukkaanoonaa bashoonon happiyeete. Kaamee asheenaꞌonaa Meꞌuneenaꞌonon ciroona hidii aalliiheete. Boonoshi gijjoyich mocechi showoon boonoshi danetoyich, boonoshin aalliichii arooch koteheete.

Keyo 12:38

Ebiyoommon wotta meeti bare asheenaꞌo boonoshina tookkii hammiyeete; meeti bageenaꞌonaa emmisheenaꞌonon, miiminaꞌonoo yechiꞌi kechiyeete.

Erimiyaasi 22:6

Yihudee taatee yareechon Doono Yeeri ishichiye: “Ne, taach Gilaadee showoommi, wottoo Libanoosi guudoommi gaaweto neene; tunebaani shuuꞌi showoommon, koniyoona koteyaani katemoommon neen tuniyemmo taane.

Erimiyaasi 48:32

Sibimi woyinoocho! Yazeerich ta eeppetoyee beshoon neech eeppehoye; ne ateenaꞌo baharoon kimmiꞌi Yazeeri baharooch beddaahaa shaggitinaꞌone; aalliyecho gaangiti ne michi aafoonaa ne woyinoonochi toommooch waatone.

Erimiyaasi 50:19

Israꞌeelee asheenaꞌon boonoshi showooch wochemmo taane; Qermeloosi guudonaa Bashaani showoonooch shaggito bullin maayemminaꞌone; Efreemi guudonaa Gilaadee showoonoochaa, boonoshi michimmi wottoon maayemminaꞌone.

Erimiyaasi 8:22

Gilaadee showooch huuteyemmi atto aalloone? Woyee aakumo arooch aalloone? Ta asheenaꞌo amoyich wodaacheete?

Mikiyaasi 7:14

Doono Yeero, boonoshi ikkeeto kubbi daggooch koteti, bechee mixinaꞌo daggooch beeti ne asheenaꞌon, qiddoo bi gumboona bi gijjoon quyoommon, ne hajjee asheenaꞌon quyebe; wonnee yemeenooch bi tunetoommon, gaaweto tuneti Bashaanee showoonaa Gilaadee showoonooch hamiree boonoshi beeyemmoyich tuniibe.

Haddoo 21:32

Muusi qiiddechinaꞌon Yazeeri katemooch daachiihe. Israꞌeeleenaꞌo are katemoonaa bi guudoona beeti gishiishi katemeenaꞌonon yechiyeete. Arooch beeti Amooreenaꞌon yookkiyeete.

Haddoo 32:2

Muus waan, qeeshoo Elazaarinaa iiteenaꞌochi ukkireenaꞌona waan waaꞌi ishichiyeete:

Haddoo 32:26

No bushiisheenaꞌo, no mecheenaꞌo, no miiminaꞌo bullinaa no bageenaꞌona hini Gilaadi beeti katemeenaꞌooch beebeete.

Haddoo 32:3

“Doono Yeeri Israꞌeeleenaꞌo koyi yechemmoyich tuniiti showeexi katemeenaꞌo, Axarooti, Diibooni, Yazeeri, Nimiraahi, Heshiboni, Elaleehi, Sebaami, Neebinaa Beꞌoonina gijjoyich gaawetinaꞌone. Ne guunoo noochoo meeti gijjoo beetone.

Haddoo 32:35

Atiroot Shofaanin, Yazeerin, Yogibaahin,

Yibbaatoo 33:21

Israꞌeelee iraasheenaꞌo ikkooch kiceehooba, beshe gaawe qoodoon, wulloochi qoodoon boonoshich immiyeete. Boonoshiyoo Doono Yeerichi kaame daaggoon, Israꞌeeleenaꞌoyich bi immiti bi doyoon ceechiyeete” iye.

Yaasi 13:25

Boonoshi showoo, Yazeeri katemoonaa Gilaadee showooch beeti katemeenaꞌo bullina, Raabi katemoochaa aabi-keyo waan beeti, Aroꞌeeri katemooch beddaahaa beeti Amooneenaꞌo showee qato,

Yaasi 22:13

Arooba Israꞌeeleenaꞌo qeeshoo Elazaari bushoo Finihaasinaa ikkikke Israꞌeelee yoodoochee kaacheti aashire iraasheenaꞌonon Gilaadee showooch beeti Roobeelinaa Gaadinochi yoodeenaꞌonaa Minaasi yoodoochee qatinaꞌona waan wochee daachiiheete. Ebi aashire yoodee iraasheenaꞌo boonoshi yari yaree daggooch aricheti asheenaꞌone.

Yaasi 22:9

Ebich Roobeelinaa Gaadinochi yoodeenaꞌo, ebiyoommon Minaasi yoodoochee qatinaꞌo Kanaanee showooch beeti Shiloohi katemoochaa Israꞌeeleenaꞌo waanee bariꞌi, Doono Yeeri Muusina bi gettitoommon, boonoshi kochii yechiti, boonoshi hajjoo tuneti showoo Gilaad wotteheete.

Woraaferasheenaꞌo 5:16

Bageenaꞌona tookkii gubb aakka echehote? Qiddeenaꞌo bagoon ceeggiibeeti qaaroon waayeyaniye? Roobeeli yoodee yareenaꞌo daggooch, mullee barbarittino beetone.