Haddoo 31:28 - Kafa Linguistics Project

²⁸ Koyooch hammiti ginechinaꞌochi qoodoochee, ebiyoo kecceti ashoochee, wotta miimoochee, kuroochee, bagoonaa emmishoonoochee uuche balloochee ikkoon Doono Yeeri taach gibiroon kichibote.

Haddoo 31:28 ပူးပေါင်းရင်းမြစ်များ

Halloo 14:20

Ne etteenaꞌon ne kishooch beshii immiti, Beshe Nuggishoo Yeeri diireebe” iye. Abraamiyoo kecoochee bi daneto bulliichee aashiroochee ikke beeroon biich immiye.

1 Kiinoo 18:11

Taatoo Daawiti Edoomeenaꞌochi, Moꞌabeenaꞌochi, Amooneenaꞌochi, Filsixeemeenaꞌonaa Amaleeqeenaꞌonochi taatoo bulli waanee bi kecciti aachoonaa birewoona tookkii ebi qiiceenaꞌon wotta Doono Yeerich kichiye.

2 Kiinoo 15:11

Arooba kecciꞌi boonoshi deebiti gijjoochee shabaatte balle gattoonaa shabaatte hume bagoonon Doono Yeerich deejjiyeete.

Isiyaasi 18:7

Arooba Beshe Mawe Doono Yeerich, neexi genjeenaꞌonaa naalle qeddechinaꞌona tuneti, woheexonaa katineexona shattiibeeti, hakkechinaꞌonaa giidechinaꞌona tuneti, boonoshi showoo aacona qoodeeti, aageteenaꞌo waanee wojjoo woyemmone; boonoshiyoo Beshe Mawe Doono Yeerich goyinneebeeti Tsiyooni guudooch deebemminaꞌone.

Isiyaasi 23:18

Giixoochee bi danemmi gijjoo bulli Doono Yeerich kechemmone; ebiyoo koteyaachemmone; bi shimo Doono Yeeri aafooch maddee beetinaꞌoyich, beshaa beshe maayoonaa gaawe tahoonooch heechemmone.

Isiyaasi 60:9

Tarisheshinaa woheexi buure showee gashoonoochee tiyii ne asheenaꞌon deebiibeeti markabeenaꞌone. Aageteenaꞌo bulli bi asheenaꞌon oogiyemmoyich tuniiti, Israꞌeeleenaꞌochi Yaafoo tuneti Doono Yeerichi shigoon oogiya, birewoonaa aachoonon neech deebii beetinaꞌone.

Haddoo 18:21

Doono Yeeri daakkiꞌi ishichiye: “Leweenaꞌo danee duukkaanee daggooch boonoshi maddee beetoyich, Israꞌeeleenaꞌo immiibeeti mooyoochee, asraatoon iristo tuniyaa boonoshich immeto taane.

Haddoo 18:26

“Leweenaꞌoyich ishichi gete: ‘Israꞌeeleenaꞌo waanee iristo tunii ittoshich ta immeti asraatoon ittoshi deꞌiyooba, Doono Yeerich wojjoon asraatoochee asraatoon giddiibote.

Haddoo 31:29

Ebin boonoshi qoodoochee deꞌiree Doono Yeeri taach deejjoon tunii qeeshoo Elazaarich imbe.

Haddoo 31:30

Israꞌeeleenaꞌochi qoodoochee, ebiyoo kecceti asheenaꞌoochee, miimoochee, kuroochee, bagoonaa emmishoonoochee, gijjoo bulliichee aachoochee ikkoon deꞌiree Doono Yeeri ta duukkaaneexi maddooch ukkireti Leweenaꞌoyich imbe” iye.

Haddoo 31:47

Israꞌeeleenaꞌochi qoodoochee Muusi ashoonaa gijjoonoochee aachoochee ikkoon tiijjiye. Doono Yeeri biich gettitoommon, Doono Yeerichi yaafee duukkaanoon quyoona maddeebeeti Leweenaꞌoyich immiye.

Maatiyoosi 22:21

Boonoshiyoo “Qesaarichone” iyeete. Yesuusiyoo “Ishigaata, Qesaarichon Qesaarich, Yeerichonoo Yeerich imbote” iye.

Yaasi 6:19

Aachoo, birewoo, gooshoonaa xuuroonoochee shuuneeti qiico bulli Doono Yeerich yaafeeto bi tunetoyich, Doono Yeerichi kechi ginjabeetooch gedote” iye.

Yaasi 6:24

Aroochee Israꞌeelee ginechinaꞌo katemoo bullinaa bi daggooch beeto bullinon michiyeete; tunebaani birewoonaa aachoonon, gooshoonaa xuuroonoochee shuuneeti qiicoon daammii Doono Yeerichi kechi ginjabeetooch geddiyeete.

Yaasi 9:27

Aroobee aabooba Yaasi Gibeꞌooni asheenaꞌon Israꞌeeleenaꞌonaa Doono Yeeri kaaccimmi xaaꞌooch neexeebeeti, Doono Yeericho tuneti deejjee gudoonoyich michi mittechinaꞌonaa aachi kittechinaꞌonon tuniihe. Ebi shuunoon hanaach beddaahaa shuunee beetinaꞌone.