2 “Israꞌeeleenaꞌochi nichoon Miidiyamee asheenaꞌo toommooch kichibe. Aroochee newoo, ne qaabbechinaꞌo waan xaꞌeyemmo neene” iye.
Tunetaa ne, diggoona beeree ne qaabbechinaꞌo waan xaꞌeyemmo neene; geene baayi qitiree, duukkeyemmo neene.
Ishmaꞌeeli balli shaashaa shabaatta nattiichii qitiꞌi, bi asheenaꞌo waan xaꞌeehe.
bi kasho abbetehe; geenaa baayeꞌi qitiye; qititi bi asheenaꞌo waan xaꞌeehe.
Ikke Miidiyamee qeeshoyich shabaatte maache bushiisheenaꞌo beeheete; eboshiyoo aachi oppo beetooch waaꞌi boonoshi nihoochi bageenaꞌonaa emmisheenaꞌonoyich aacon uchiya, aacon goonooch kittii ceechiyeete.
Ebich Doono, Beshe Mawe Doono Yeeri, Israꞌeeleenaꞌo goyinneebeeti Giidechi Nuggishoo ishichiye: “Ta etto tuneti ittoshi toommooch kupphe ta kaaroon kindiiree ta shixechi ittoshi toommooch nichoon kichemmo taane.
Doono Yeeri qanaatechonaa nichoon kichechonane; Doono Yeeri nichoon kichechonaa naxechonane; Doono Yeeri bi etteenaꞌo toommooch nichoon kichii beetone; bi etteenaꞌo toommooch naxoon kindii beetone.
“Harooni bi qaabbechinaꞌo waan xaꞌeyemmone. Meriibi aacoochaa ta getee toommooch hukkoon ittoshi tiijjitoyich, Israꞌeeleenaꞌoyich ta immeti showooch giyaachemmone.
Haroonichi tahoon shootiree, bi bushoo Elazaarich tajjibe. Harooni aroochaa qitemmone. Bi qaabbechinaꞌo waan xaꞌeyemmone” iye.
Israꞌeeleenaꞌo Shixiim beebee, Moꞌabee maacheenaꞌona tookkii shaddooch giyiyeete.
Aroochee Israꞌeeleenaꞌo daggoochee ikkoo, Muusinaa Israꞌeeleenaꞌo bullinochi aafooch ikke Miidiyamee asheen yechii bi xibeenaꞌo waan waahe. Areegaata, Muusinaa Israꞌeeleenaꞌo bullina danee duukkaanee kellooch eeppii beetinaꞌone.
Ebi showoon ne ciinnetoyee gubb, ne manoo Haroonichoommon newoo wotta ne qaabbechinaꞌo waan xaꞌeyemmo neene.
Doono Yeeri Muusich ishichiye:
Muusiyoo Israꞌeeleenaꞌoyich ishichiye: “Miidiyameenaꞌon koyooch boonoshi hammemmonaa Doono Yeerichi qoodoyich Miidiyameenaꞌo toommooch nichoon boonoshi gaaccemmonoyich ittoshi asheenaꞌo daggoochee giishecheenaꞌon ginee koyoyich qanniibote.
Wotta Daawiti bi yemeenooch Yeerichi daaggoon bi ceechitoyee gubb, qitiꞌi bi qaabbechinaꞌo maashooch duukketone; bi meenoo oqqitone.
Ta shunechinaꞌote! Nichoon kichiyaahote. “ ‘Gondoon shuunetinaꞌo toommooch nichoon kichemmo taane; bareenaꞌon boonoshi xuuxiitoommon ta wochiree boonoshin xuuxiyemmo taane’ itone Doono Yeeri” getaa Yaafe Macaafooch kooreetone. Ebich Yeerich bulliibote.
Neech gaaweti mooyon bi tuniyemmoyich Yeerichi maddechone. Goraadoon bi cuyeto baad toonoone; ebich gondoon ne shuunegaata, shate. Gondoon shuunee beetinaꞌo toommooch naxoon kindiibeeti Yeerichi maddechone.
Boonoshi etteenaꞌo toommooch nichoon kichiree, boonoshin ta naxemmi aabo katinnitone. Diqqoona boonoshi baatoo giinnemmone; aalliibeeti naxo boonoshi toommooch kindemmone’ iye.
Tawoo hini showoochaanane ta qitemmo; Yoordaanoosin kimaachemmo taane. Tunebaani ittoshi kimi hami, are gaawe showoon woraashemmo ittoshine.
wotta shiichaꞌa ittoshich manjii gettaa no shalligichitoommon, ebi mooyo bullin Doono Yeeri wochi gaaccemmo bi tunetoyich, koniyoona ebi mooyon shaaddaaye; biinoommi bi manoonoo xuqqaaye.
“Gondoon shuunetinaꞌo toommooch nichoon kichemmo taane; bareenaꞌon boonoshi xuuxiitoommon, ta boonoshin xuuxiyemmo taane” iton, ebiyee wotta “Doono Yeeri ta, ta asheenaꞌo toommooch nallemmo taane” iton ariibeeto noone.
Shimaayooch beetinaꞌote, emiribote! Yaafeenaꞌote, mishiraachechinaꞌote, keemechinaꞌote, ittoshi toommooch bi tuniiti mooyo bullichi gaacoon Yeeri bi toommooch bi nallitoyich emiribote.
Bi nalloo iberoonaa cadiqoonane; bi shunee mamona showoon eeꞌiiti, aricheti yahechi ure toommooch nallitone; bi maddechinaꞌochi damoyich bi toommooch nichoon kichitone” iye.
Ebi are wuxeeti asheenaꞌochi kasho oogeti qaaroona cookiibee, “Yaafoonaa iberoona tuneti Mawe Doono Yeero, nallaanoon ne yagemmo, showooch beetinaꞌo toommooch no damee nichoon ne gaacaachemmo aati wottooniye?” iyeete.
Asheenaꞌo biin beeggiꞌi, “No showoon duꞌiiti, meeti no asheenaꞌonoo wuxiti no ettoon, no nuggishoo no kishooch beshiiꞌi immite” iibee boonoshi nuggishoon galleteheete.
Ebi are shiijjeroo bulli qitii ciiremmona, Doono Yeerin, wotta Israꞌeeleenaꞌoyich bi tuniiti mooyon ariyaani bare shiijjeroo kereehe.