Haddoo 30:2 - Kafa Linguistics Project

² Asho Doono Yeerich mookkoon bi mookkegaata woyee wogoon bi giyigaata, bi heciyoon shaddaaye. Bi noonoochee kechitoommon bullin tuniibe.

Haddoo 30:2 ပူးပေါင်းရင်းမြစ်များ

Iyoobi 22:27

Bi waan corootemmo neene; biyoo ne qolloon waayemmone; ebich ne mookketon ceechemmo neene.

Shoddo 116:14

Bi asho bulli aafoochaa ta tiikkeshoon Doono Yeerich giddiyemmo taane.

Shoddo 116:18

Bi asho bulli aafoochaa ta tiikkeshoon Doono Yeerich giddiyemmo taane.

Shoddo 119:106

Tate ne dayinnetoon quyoyich, manjiyaa wogehoye.

Shoddo 15:3

ashoon oonaano, biinoommi bi manoo toommooch gondoon shuuneyaano, bi giyoochi shigoon gondiyaano,

Shoddo 22:25

Ooge iitee daggoochaa ta galletaabeeti galleto, bi waato ne waaneeniye; neen shattii beetinaꞌo aafooch ta tiikkeshoon giddiyemmo taane.

Shoddo 50:14

Galletee deejjoon Yeerich giddiibe; Beshoo Yeerich ne tiikkeshoon imbe.

Shoddo 55:20

Ta nuuchoo bi xibeenaꞌo toommooch bi kishoon tiijjiye; bi giyiti wogoonoo happiye.

Shoddo 56:12

Yeero, neech ta mookketi mookko beetone; ta galletee deejjoon neech deejjemmo taane.

Shoddo 76:11

Ittoshi Nuggishoo Doono Yeerich mookkebote; ittoshi mookketonoo ceechibote. Bi guudoona beetinaꞌo bulli, shattiito tuneti biich wojjoon deebeete.

Keyo 20:7

“Doono Yeeri ta shigoon duuboon ceeggii beeton naxeyaanoon qayaachemmo ta tunetoyich, Doono Yeeri ne Nuggishoo ta shigoon duuboon ceeggaahine.

Shaahiyoo 20:25

Asho afaafinoona Doono Yeerich bi mookketoyee gubb, bi gaabbigaata, biich shaachoone.

Leweenaꞌo 5:4

“ ‘Wotta ikke asho gondoyich tuneba deꞌoyich, amee mooyoyichona gabaanoon diqqoona bi wogegaata, ebi bi wogeti mooyo biich bi arichehooba, xuꞌecho tunemmone.

Naahoomi 1:15

Illa ebiyoche, mishiraachoon gettecho, diggee woroonoo awaajjecho, guudi toommooch shaggitone; Yihudee asheenaꞌote, baaroon baaribote; ittoshi mookketon Yeerich imbote. Gonde asheenaꞌo ciroona hidaa aalletinaꞌone; illa ittoshi showoon kocha wochinnoon waataachemminaꞌone.

Haddoo 21:2

Israꞌeeleenaꞌoo Doono Yeer waan ishichiꞌi mookkeheete: “Ebi asheenaꞌon no kishooch beshii ne imigaata, boonoshi katemoon timoo tuniiree ciroona aalliyemmo noone” iyeete.

Haddoo 30:10

“Maachee bi keno kexooch beechaa bi mookkegaata woyee bi wogegaata,

Haddoo 32:24

Ittoshi bushiishoyichoo katemoon, ittoshi gijjoyichoo maggoon shuunebote. Ittoshi giyiti gibenee qaaroonoo ceechibote” iye.

Maatiyoosi 23:16

“Hini aaf doogeenaꞌon yaabiibeeti aaf doogeenaꞌote, ittoshich woowo! ‘Asho “Yaafee kexona!” iꞌi bi wogegaata, amolla tuneyaachemmone; tunetaa “Yaafee kechi aachoona!” iꞌi bi wogegaata, wogo biin yechemmone’ iyote.

Maatiyoosi 23:18

Wotta ittoshi ‘Asho “Deejjee gudoona!” iꞌi bi wogegaata, amolla tuneyaachemmone; tunebaani “Deejjee gudee toommooch beeti deejjoona!” iꞌi bi wogegaata, wogo biin yechemmone’ iyote.

Mishiraachechinaꞌo 23:12

Showoo haraa, Ayihudeenaꞌo daggoochee ikkikkeenaꞌo kiceeꞌi, “Hini Phawuloosin wuxaanoon maayoon tuneba uyoon yeshaachone” iꞌi boonoshi kashoona wogeheete.

Mishiraachechinaꞌo 23:14

Boonoshiyoo qeeshee ukkireenaꞌonaa showee geeneenaꞌona waan hammiꞌi, “ ‘Phawuloosin wuxaanoon amoonolla maataachone’ iyaꞌa no kashoona wogeto noone.

Mishiraachechinaꞌo 23:21

Wotta aabbe ashoyee besheenaꞌo ‘Biin wuxaanoon maayoon tuneba uyoon yeshaachone’ iꞌi boonoshi kashoona wogeꞌi, gommooch ottii quyee beetinaꞌone. Andoo boonoshi qanniꞌi quyeebeeto, ne noonoochee kechemmi mooyon baachiye. Illa ne boonoshich deꞌa gettaahine” iye.

2 Qorontoosi 1:23

Wochinnoon Qorontoos womo ta qajjeto, ittoshin ayinikkaache iyaꞌa ittoshich ta ariqqetoyichiye. Ebi iberoo bi tunoyich Yeeri ta miixoone.

Woraaferasheenaꞌo 11:11

Ebina Yofitaahi Gilaadee showee geeneenaꞌona tookkii tiyii hammiye. Asheenaꞌo biin boonoshi toommooch wulloonaa iraashoonon tuniiheete. Yofitaahiyoo bi gettiti qaaro bullin Doono Yeeri aafoochaa, Mitsiphaa gettiye.

Woraaferasheenaꞌo 11:39

Gutte agenoyee gubb, bi nihoo waan wottaꞌa waahan. Biyoo bi mookketoommon tuniihe. Busheyoo anaamona tookkaa qeyaa ariyaaneene. Aroyee gubb, ebi mooyo Israꞌeelee showooch doyoo tuneꞌi,