Haddoo 3:6 - Kafa Linguistics Project

⁶ “Lewi yoodoon deebiree, qeeshoo Haroonich boonoshi maddemmoyich, bi aafooch neechibe.

Haddoo 3:6 ပူးပေါင်းရင်းမြစ်များ

1 Kiinoo 15:2

Aroochee Daawiti ishichiye: “Bulli yemeenoon taabootoon boonoshi shaaggemmonaa bi aafoochaa boonoshi maddemmonoyich, Doono Yeeri boonoshin bi kaaccitoyich, Leweenaꞌoyee besh Doono Yeerichi taabootoon koniyoona shaaggaaye” iye.

1 Kiinoo 23:28

Leweenaꞌochi shuunoo Doono Yeerichi kexoochaa Haroonichi yareenaꞌon gaacho, yaafee kechi addibaabeenaꞌonaa gateenaꞌonon shiimo, yaafeeti qiiceenaꞌon xalliyoonaa yaafee kechi amee shuunoonolla shuunoonane.

1 Kiinoo 23:32

Danee duukkaanoonaa yaafee kexonon shiimee beeheete. Wottoo boonoshi maneenaꞌo tuneti Haroonichi yareenaꞌon Doono Yeerichi yaafee kexeexi maddoona gaachee beeheete.

1 Kiinoo 6:33

Ebi maddeebee echeti asheenaꞌonaa boonoshi bushiisheenaꞌona eboshine: Qohaati yaroochee shoddechi Hemaanine. Biyoo Israꞌeeli bushoo, Lewi bushoo, Qohaati bushoo, Yitsaari bushoo, Qoraahi bushoo Ebiyasaafi bushoo, Asiiri bushoo, Tahaati bushoo, Sofoniyaasi bushoo, Azariyaasi bushoo, Yoꞌeeli bushoo, Eliqaani bushoo, Amasayi bushoo, Mahaati bushoo, Eliqaani bushoo, Tsuufi bushoo, Toꞌaahi bushoo, Eleli bushoo, Yerohaami bushoo, Eliqaani bushoo, Saameeli bushoo, Yoꞌeeli bushoone.

2 Kiinoo 29:11

Ta bushiisheenaꞌote, bi aafooch neexeree ittoshi maddemmoyich, bi maddecho ittoshi tunemmonaa ixaanoon ittoshi shookkemmonoyich, Doono Yeeri ittoshin bi kaaccitoyich beeneyaahote” iye.

Iziri 6:18

Muusichi macaafooch bi kooreetoommon, Yerusaalem beeti Yeerichi kechi maddoyich, qeesheenaꞌon boonoshi maddee guuphi guuphooch, Leweenaꞌon boonoshi shuunee guuphi guuphooch neechiyeete.

Milikiyaasi 2:4

Lewina tookkaa ta giyeti wogo manjiree bi beeyemmoyich, ebi getoon ittoshich ta deejjoon ariyemmo ittoshine, iye Beshe Mawe Doono Yeeri.

Haddoo 18:21

Doono Yeeri daakkiꞌi ishichiye: “Leweenaꞌo danee duukkaanee daggooch boonoshi maddee beetoyich, Israꞌeeleenaꞌo immiibeeti mooyoochee, asraatoon iristo tuniyaa boonoshich immeto taane.

Haddoo 2:17

“Ebiyee gubb, Leweenaꞌo danee duukkaanoon shaagiree, kaambo bullichi gutte daggooch tuneree qaxiremminaꞌone. Asheenaꞌo bulli boonoshi kuxi kuxona kaamboon geddiꞌi boonoshi kotetoommona boonoshi xaaꞌoon yeshiree, boonoshi baanderi baanderoona qaxiremminaꞌone.

Haddoo 2:33

Tunebaani Doono Yeeri Muusich bi gettitoommon, Leweenaꞌo Israꞌeeleenaꞌona tookkii haddeyaaneenaꞌone.

Haddoo 3:5

Doono Yeeri Muusich ishichiye:

Yibbaatoo 10:8

Muusi daakkiꞌi ishichiye: “Arooba Doono Yeeri bi wogee taabootoon boonoshi shaaggemmoyich, bi aafooch neexeree boonoshi maddemmonaa bi shigoona boonoshi diiremmonoyich, Lewi yoodoon bariihe. Ebinoo hanaach beddaahaa tunii beetinaꞌone.