Haddoo 3:36 - Kafa Linguistics Project

³⁶ Meraari bushiisheenaꞌo quyemmo, yaafee duukkaanee shaaqqeenaꞌon, tuggeenaꞌon, tureenaꞌon, tureenaꞌo neexemmi baateenaꞌon, eboshichi qiiceenaꞌo bullinaa eboshina tookkii maddoyich gaacciibeeti qiico bullinoniye.

Haddoo 3:36 ပူးပေါင်းရင်းမြစ်များ

Keyo 26:32

Birewoochee shuuneeti awudde baatee toommooch neexeti, geellee mixoochee shuunee, aachoona dikkeeti awudde giimbee toommooch beeti, aachoochee shuuneeti kaꞌeenaꞌooch yeenderikkibe.

Keyo 26:37

Ebi maccillaatoyich geellee mixoochee uuche giimbeenaꞌon shuuneree aachoona dikkebe. Ebi giimbeenaꞌoyich kaꞌeenaꞌon aachoochee shuunebe. Uuche baatoonoo gooshoochee shuunebe.

Keyo 35:11

Duukkaanoon, bi qeroon, bi qamaaxireenaꞌon, bi tureenaꞌon, bi yareenaꞌon, bi giimbeenaꞌonaa bi baateenaꞌonon;

Keyo 35:18

yaafee duukkaanoonaa addibaaboonoyich tunemmi xogeenaꞌonaa wodereenaꞌonon;

Keyo 36:36

Geellee mixoochee maccillaateenaꞌo kaqqeyemmi awudde giimboon shuuneheete; eboshin aachoona dikkeheete; aachoochee shuuneeti kaꞌeenaꞌon boonoshi toommooch geddiyeete; boonoshichoo awudde baateenaꞌon birewoochee shuuneheete.

Keyo 39:33

Aroochee ebi yaafee duukkaanoonaa bi qiiceenaꞌo bullinon Muus waan deebiyeete. Boonoshi deebiti duukkaanee qiiceenaꞌo, qamaaxireenaꞌo, tureenaꞌo, yareenaꞌo, giimbeenaꞌonaa boonoshi baateenaꞌona;

Haddoo 3:35

Meraarichi gumbee yareenaꞌochi ukkiroo, Abihayili bushoo Tsureeline. Kaamboon gedi boonoshi kotemmo yaafeeti duukkaanee dambi-waaniye.

Haddoo 3:37

Ebiyoommon wotta addibaabee guudoona beeti giimbeenaꞌonaa boonoshi neexemmi baateenaꞌonon, boonoshi xogeenaꞌonaa boonoshi wodereenaꞌonon quyemminaꞌone.

Haddoo 7:8

Qeeshoo Harooni bushoo Itamaarichi getooch qeyiibeeti Meraarichi yareenaꞌoyich boonoshi maddoommona awudde gaarinaa shimitte gattoonon immiye.