Haddoo 3:10 - Kafa Linguistics Project

¹⁰ qeesheenaꞌo tuneree boonoshi maddemmoyich Harooninaa bi anaami bushiisheenaꞌonon ukkiriibe. Tunebaani bare asho koniyoona danee duukkaanooch bi katinigaata, qitibe” iye.

Haddoo 3:10 ပူးပေါင်းရင်းမြစ်များ

2 Saameeli 6:7

Uuzi taabootoon bi kishoona bi yechitoyich, Doono Yeeri oogichii kaareꞌi biin wuxiye; biyoo aroochaa Yeerichi taabootee aafooch qitiye.

1 Taateenaꞌo 12:31

Yeroboꞌami guudinaꞌo toommooch kexinaꞌon shuunehe. Leweenaꞌo tuneyaani qeesheenaꞌon, asheenaꞌo bull daggoochee kaacciye.

1 Kiinoo 6:32

Boonoshiyoo taatoo Solomooni Doono Yeerichi yaafee kexon Yerusaalem bi hagoyee shiichiꞌi, yaafee duukkaanoochaa, ebiyoo danee duukkaanoochaa kaalli kaalloona shoddoona maddee beeheete.

Nehimi 6:11

Tunebaani ta “Taanoommi asho aash beddiye? Taanoommi asho bi kashoon wodiyoyich yaafee kexooch giyi beddiye? Ta giyaache” iyo.

Keyo 29:9

Buroon boonoshi maacooch cuye. Aroochee qelli caacoon boonoshi qellooch caace. Ebiyoommi gommona Harooninaa bi anaami bushiisheenaꞌonon qeesheenaꞌo boonoshi tunemmoyich yaafemmo neene. Ebina boonoshinaa gubbi boonoshi shiijjereenaꞌona qeeshoon tuneree, bulli yemeenoon taach maddemminaꞌone.

Hiziqeeli 44:8

Ittoshich baach icheti yaafeeti ta mooyinaꞌon quyee qeejjoon qajjiichii ashi showee asheenaꞌo quyemmoyich ta yaafee kexooch boonoshin ukkiriihote itone’ gete.

Leweenaꞌo 22:10

“ ‘Qeeshee yaroochee tuneti ashoyee besh, bare asho ebi yaafeeti mooyoochee maayaaye; bi waan koteti iibboo woyee shuunoon shuuniyoyich gijjoona bi kiraayiti asho ebi aroochee maayaaye.

Haddoo 1:51

Danee duukkaanoo tiyii beegaata, Leweenaꞌo waaxeete; bi xogee beegaatoo, xogibeete. Bare asho arooch bi katinigaata, qitibe.

Haddoo 16:10

Neennaa Lewi bushiisheenaꞌo tuneti ne maneenaꞌo bullinon bi waan katichitone. Tunebaani ittoshi wotta qeeshittinee ukkirittinoon qaawiibeeto ittoshine?

Haddoo 16:35

Qaaqqoo Doono Yeer waanee kindiꞌi, ixaanoon shookkiibeeti gutte ballaa aache asheenaꞌon maahe.

Haddoo 16:40

Ebin bi tuniito, qeeshoo woyee Haroonichi shiijjeroo tunetaano, Doono Yeeri aafooch ixaanoon shookka bi giddeyaachemmoyich, gidderee, Qoraahinaa bi guuphinaꞌonochi daannoon bi deꞌaachemmoyich, Israꞌeeleenaꞌoyich shalligichoo bi tunemmoyichiye. Ebi bullin bi tuniito, Doono Yeeri Muusina biich bi gettitoommoniye.

Haddoo 18:3

Boonoshiyoo ittoshin gaachebee yaafee duukkaaneexi shuunoon shuunemminaꞌone. Tunebaani boonoshiyoo, ittoshiyoo qitaachemmoyich, Yaafe Xaaꞌeexi qiicoonaa deejjee gudoonooch katinnaayeete.

Haddoo 18:7

Neennaa ne bushiishoona deejjee gudeexi maddoo bullinaa maccillaatee daggeexi qeeshittinee maddoo bullinon maddebote. Qeeshittinee maddoon ittoshich wojjoo tuniyaa immeto taane. Tunebaani bare asho arooch bi katinigaata qitibe” iye.

Haddoo 3:11

Doono Yeeri Muusich ishichiye:

Haddoo 3:38

Muusi, Harooninaa bi bushiishoona yaafee duukkaanoo beetoochaa aabi-keyo waan danee duukkaanee ciinooch boonoshi kaamboon gedi kotemminaꞌone. Boonoshiyoo Israꞌeeleenaꞌochi qoodoyich yaafee duukkaanoochaa maddemminaꞌone. Bare asho arooch bi katinigaata, qitemmone.

Roomi 12:7

Kittinneenaꞌon dego bi tunegaata, kittinneenaꞌon degona kupphebone; dojjoo bi tunegaata, dojjoona kupphebone.

Efesooni 2:19

Illa ebiyee bekk yaafeenaꞌona tookkii ikke showee ashoonaa Yeerichi kechi ashoona ittoshiyani, dallaawoonaa shiqqoona toono ittoshine.

Yibbaatoo 18:5

Ebin qeesheenaꞌoyich ne immemmi naboo, Doono Yeeri, neexeree bi shigoona bulli yemeenoon boonoshi maddemmoyich, boonoshinaa boonoshi shiijjereenaꞌonon Israꞌeelee yoodo bulli daggoochee bi kaaccitoyichiye.

Hibireena'o 8:4

Aroo showee toommooch beeto bi gaata, qeeshoo tuneyaacheshone. Ebiyoo, sheeree doyoommon buuroonaa deejjoonon Yeerich giddiibeeti qeesheenaꞌo beetoyichiye.

Woraaferasheenaꞌo 17:5

Ebi uro Mikich goyinnee xaaꞌoo beetone. Biyoo ikke efoodoonaa terafimeenaꞌonon shuuneꞌi, bi bushiisheenaꞌo daggoochee ikkoon qeeshoo tuneree biich bi maddemmon tuniihe.

1 Saameeli 6:19

Doono Yeerichi taabootee maac boonoshi ciinnitoyich, Beet Shemeeshi asheenaꞌoochee Yeeri shabeenaꞌon wuxiye. Doono Yeeri ebi shaahoon asheenaꞌon bi wuxitoyich, asheenaꞌo eeppii tuummiyeete.