Haddoo 29:7 - Kafa Linguistics Project

⁷ “ ‘Hini shabaattinnee agenee aashirinnee qemon Doono Yeeri taach goyinnoyich ittoshi kiceyemmi yaafeeti aaboon tuniibote. Arooboo coomibote. Shuunoon shuuneyaahote.

Haddoo 29:7 ပူးပေါင်းရင်းမြစ်များ

Iziri 8:21

Aroyee gubb, “Nooch, no bushiishoonaa no qiico bullinoyich no gommo bi kaamemmoyich, no Nuggishoo aafooch no ashittinoon giishiiree coomibone” iyaꞌa Ahaawi aachi gashoochaa awaajjiyo.

Shoddo 35:13

Tunebaani ta, boonoshi biiyehooba dookoon tahehoye; coomoona ta ashittinoon niriihoye; ta corooto waayemmon mucceꞌi ta waan wottehe.

Isiyaasi 22:12

Arooba Beshe Mawe Nuggishoo Doono Yeeri, qelloon cakke dookoon taheree, eefi ittoshi cookemmoyich ittoshin ceeggitone.

Zakaariyaasi 12:10

“Daawitichi yareenaꞌonaa Yerusaalem beetinaꞌonochi toommooch ariqqee ayaanoonaa corootee ayaanoonon ta ukkaa, boonoshi kochiton boonoshi beegiyooba, ikke mixxe bi bushoyich asho eefoommon biich eeppemminaꞌone. Bi gutenee bushoyich asho tiittee eefoommon biich eeppemminaꞌone.

Maatiyoosi 5:4

Tuummii beetinaꞌo diireetinaꞌone; Yeeri boonoshin goggiyemmone.

Luqaasi 13:3

Ittoshich gettoye: Ebi toonoone! Tunebaani axaaxee gommoochee Yeer waan wottoo ittoshi qayigaata, ittoshi bulli ebiyoommon aallemmo ittoshine.

Luqaasi 13:5

Ittoshich gettoye: Ebi toonoone! Tunebaani axaaxee gommoochee Yeer waan ittoshi wottoo qayigaata, ittoshi bulli ebiyoommon aallemmo ittoshine” iye.

Mishiraachechinaꞌo 27:9

Gommona oogichaa no yagitoyich, coomee aabo beshehe. Aroobee agenoon markaboona shaꞌo shattiito bi tunetoyich, Phawuloosi asheenaꞌon ishichiꞌi ciicciye:

Roomi 6:6

Axaaxee gommo waan yeepphiibeeti gonde qaatoo ciroona aallemmoyich, Kiristoosi masqalooch bi yooddehooba, wonnee geene no mullo biinna tookkii yooddeꞌi bi qitoon ariibeeto noone; ebi tuneto ebiyee bekk axaaxoyich no hajjeyaachemmoyichiye.

1 Qorontoosi 9:27

Tunebaani bareenaꞌoyich mishiraachee qaaree ceegoon bechiichaa, diqqich qiiccee doyoochee ta muricaa qiiccoochee Yeeri taan bi bayaachemmoyich, ta ashittinoon guripphaabee taach hajjiibeeto taane.