Haddoo 28:6 - Kafa Linguistics Project

⁶ Ebiyoo shiichiꞌi Siini guudoochaa deejjeetoommi gaawe cinnechi deejjoo, Doono Yeeri taach qaaqqoona micciibeeti, kuxeyaanoon bulli aaboon giddeebeeti deejjoone.

Haddoo 28:6 ပူးပေါင်းရင်းမြစ်များ

2 Kiinoo 2:4

Israꞌeeleenaꞌo, bulli yemeenoon boonoshi tuniyemmoyich getteetoommon, Doono Yeerich gaawe cinnechi ixaanoon shoohoyich, kuxaanoon yaaree koshon giddiyoyich, micciibeeti deejjoon maaddoona, womikkoona, shambetoona, agenee keyi baaroobinaa maacheti baari baaree aaboobina giddiyoyich, ta Nuggishoo Doono Yeerichi shigoyich kexon hagiree biich yaafiya iyaabeeto taane.

2 Kiinoo 31:3

Doono Yeerichi sheerooch bi kooreetoommon, maaddoonaa womikkoona, shambetooba, agenee keyi baaroobinaa maacheti baaroobina giddeebeeti, micciibeeti deejjoyich taatoo bi hajjee gijjoochee immiye.

Iziri 3:4

Sheerooch kooreetoommonoo, Bashee (Yambaaree) Baaroon baariyeete; heeyi heeyooch qaawiibeeti heeyi deejjoon bi kooreeti haddoommon giddiiheete.

Shoddo 50:8

Ne deejjoyich neen ittibateyaache; micciibeeti ne deejjoo bulli aabooch ta aafooch beetone.

Keyo 24:18

Aroochee Muusi guudi toommooch kechiꞌi qubee daggooch giyiye. Guudi toommooch aabbe areddoonaa aabbe xumoonon yagiye.

Keyo 31:18

Doono Yeeri Siini guudi toommoochaa Muusina tookkii bi yibbaatoon bi ciichitoyee gubb, bi yapheroona kooreeti, gutte yalle miixee xaqqeenaꞌon Muusich immiye.

Hiziqeeli 46:14

Ebina tookki maayi buuro, efaahee shirittoochee ikke beeree gaawe buddino xiriꞌoyich tunemmi ikke neetiree zayitoo maaddi maaddoona giddebe; ebi maayi buuro Doono Yeerich bulli aabooch qoceeton tunebe.

Hiziqeeli 46:15

Bulli aabooch micciibeeti deejjoyich, giishi bagee baaddoo, maayi buuroonaa zayitoona maaddi maaddoona giddebe” iye.

Leweenaꞌo 27:34

Doono Yeeri Siini guudi toommoochaa Muusina Israꞌeeleenaꞌoyich bi gettiti geto ebine.

Leweenaꞌo 6:9

“Harooninaa bi anaami bushiishoonoyich ishichi gete: ‘Micciibeeti deejjoon giddiyee qocoo ebine: Micciibeeti deejjoo xumo bullin harimmi wottoon, deejjee gudee toommooch beeti gudee xaaꞌooch beebe. Qaaqqoo deejjee gudee toommooch tahaanoon aaxxebe.

Amootsi 5:25

“Israꞌeeleenaꞌote, aabbe naton barahoona ittoshin ta yaabiyooba, taach deejjoonaa buuroonon giddiito ittoshine?

Haddoo 28:5

Maayi buuroyich ikke neetiree gaawe zayitoona xirikketi gutte kobbaye qacini buddinoon boonoshi ikkikkoona tookki deejjibote.

Haddoo 28:7

Ikkikke bagee baaddoona tookki giddemmi uyee deejjoo ikke neetiree kashi uyo tunebe. Ebi uyee deejjoon yaafeeti xaaꞌooch Doono Yeeri taach ukkibote.

Filipphisiyoosi 2:17

Illa gibenoona ittoshi giddiibeeti deejjoonaa maddoonochi toommooch uyee deejjoon tunaꞌa ta deejjeeto gaatoona emiriyoye; ittoshina tookkaa emirito taane.